Sut mae eithrio allan yn effeithio eich swm

Mae sut mae eich swm Pensiwn y Wladwriaeth yn cael ei effeithio yn dibynnu ar bryd rydych yn cyrraedd oedran Pensiwn y Wladwriaeth . Os gwnaethoch gyrraedd oedran Pensiwn y Wladwriaeth cyn 6 Ebrill 2016 Efallai na chewch unrhyw Bensiwn Ychwanegol y Wladwriaeth , neu gael swm bach, o’r adeg y roeddech wedi eithrio allan. Rydych yn cael Pensiwn y Wladwriaeth sylfaenol o hyd os oeddech wedi eithrio allan. Os ydych ar incwm isel, gallwch wneud cais am Gredyd Pensiwn . Os gwnaethoch gyrraedd oedran Pensiwn y Wladwriaeth ar neu ar ôl 6 Ebrill 2016 Os oeddech wedi eich eithrio allan cyn 6 Ebrill 2016, efallai na chewch y gyfradd lawn o Bensiwn newydd y Wladwriaeth o £221.20 yr wythnos. Caiff swm ei dynnu i ffwrdd o’ch Pensiwn newydd y Wladwriaeth os oeddech wedi eithrio allan. Mae hyn oherwydd naill ai: eich bod wedi talu cyfraniadau Yswiriant Gwladol ar gyfradd is defnyddiwyd rhai o’r cyfraniadau Yswiriant Gwladol a dalwyd gennych i gyfrannu at bensiwn gweithle neu breifat Mae faint o arian sy’n cael ei dynnu i ffwrdd yn dibynnu ar ba mor hir roeddech wedi eithrio allan a’ch enillion ar y pryd. Tra roeddech wedi eithrio allan, roeddech yn talu i mewn i’ch pensiwn gweithle neu bensiwn personol yn lle hynny. Cynyddu eich Pensiwn y Wladwriaeth Efallai y byddwch yn gallu cynyddu eich Pensiwn y Wladwriaeth drwy ychwanegu blynyddoedd cymhwyso ar eich cofnod Yswiriant Gwladol . Bydd pob blwyddyn gymhwyso lawn o 5 Ebrill 2016 hyd nes i chi gyrraedd oedran Pensiwn y Wladwriaeth yn ychwanegu tua £6.32 yr wythnos at eich Pensiwn Newydd y Wladwriaeth. Gallwch ddarllen gwybodaeth fanylach am sut y cyfrifir hyn yn ‘Eich Pensiwn Newydd y Wladwriaeth’ . Enghreifftiau o sut y gallai eithrio allan effeithio arnoch chi Bydd y swm o Bensiwn y Wladwriaeth a gewch yn amrywio yn dibynnu ar faint o flynyddoedd y cawsoch eich eithrio allan. ###Enghraifft 1 Mae disgwyl i oedran Pensiwn y Wladwriaeth Sam fod yn 67. Cawsant eu heithrio allan sydd wedi lleihau eu hamcangyfrif Pensiwn y Wladwriaeth i £180 yr wythnos. Mae hyn yn llai na’r gyfradd lawn o Bensiwn y Wladwriaeth. Mae Sam yn dal i weithio a thalu Yswiriant Gwladol sy’n ychwanegu mwy o flynyddoedd cymhwyso i’w cofnod. Mae pob blwyddyn gymhwyso y maent yn ei hychwanegu’n werth £6.32 yr wythnos. Mae hyn yn golygu y bydd y didyniad o £20 yn cael ei ganslo drwy ychwanegu 4 blynedd gymhwyso arall cyn iddynt gyrraedd oedran Pensiwn y Wladwriaeth. ###Enghraifft 2 Mae Jo yn 60 oed ac maent newydd roi’r gorau i weithio. Cawsant eu heithrio allan a oedd yn lleihau eu Pensiwn y Wladwriaeth a ragwelir i £150 yr wythnos. Byddant yn cyrraedd oedran Pensiwn y Wladwriaeth yn 67 oed. Gallai Jo ddewis talu 7 mlynedd o gyfraniadau Yswiriant Gwladol gwirfoddol, i gael blynyddoedd cymhwyso pan nad ydynt yn gweithio. Bydd pob blwyddyn gymhwyso ychwanegol yn cynyddu eu swm o £6.32 yr wythnos, ond ni fydd Jo yn cyrraedd cyfradd lawn Pensiwn Newydd y Wladwriaeth.

Gwirio os oeddech wedi eithrio allan

Cafodd y rhan fwyaf o bobl a oedd wedi cael eu cyflogi cyn mis Ebrill 2016 eu heithrio allan ar ryw adeg. Gwiriwch eich slipiau cyflog cyn 6 Ebrill 2016. Os oes gennych unrhyw slipiau cyflog gyda’r llythrennau categori D, E, L, N neu O, yna roeddech wedi eithrio allan. Gallwch hefyd ofyn i’ch: cyflogwyr darparwyr pensiwn Os ydych wedi colli cysylltiad â darparwr pensiwn, efallai y bydd y Gwasanaeth Olrhain Pensiwn yn gallu dod o hyd i’w manylion cyswllt.

Eithrio allan o Bensiwn Ychwanegol y Wladwriaeth

Beth oedd eithrio allan

O dan reolau Pensiwn y Wladwriaeth cyn 2016, gallai eich cynllun pensiwn gweithle neu breifat ddewis ‘eithrio allan’ o’r Pensiwn Ychwanegol y Wladwriaeth. Roedd Pensiwn Ychwanegol y Wladwriaeth hefyd yn cael ei alw’n Ail Bensiwn y Wladwriaeth neu ‘SERPs’.

Mae’r canllaw hwn hefyd ar gael yn Saesneg (English)

Os cawsoch eich eithrio allan o Bensiwn Ychwanegol y Wladwriaeth, roedd rhai o’ch cyfraniadau Yswiriant Gwladol naill ai:

yn is na phobl nad oeddent wedi eu heithrio allan
yn cael eu talu i bensiwn arall, er enghraifft pensiwn gweithle neu breifat

Gwiriwch sut mae eithrio allan yn effeithio ar eich swm.

Daeth yr holl eithrio allan i ben ar 5 Ebrill 2016. Wedi hyn, mae cyfraniadau Yswiriant Gwladol ar y gyfradd safonol nes i chi gyrraedd oedran Pensiwn y Wladwriaeth.

Argraffu'r canllaw cyfan

Eithrio allan o Bensiwn Ychwanegol y Wladwriaeth

Beth oedd eithrio allan

Is this page useful?

Help us improve GOV.UK

Help us improve GOV.UK

Cookies on GOV.UK

Eithrio allan o Bensiwn Ychwanegol y Wladwriaeth

Beth oedd eithrio allan

Cynnwys cysylltiedig

Is this page useful?

Help us improve GOV.UK

Help us improve GOV.UK