Arddangos platiau rhif
Trosolwg
Rhaid i blatiau rhif (a elwir hefyd yn blatiau trwyddedu) ddangos eich rhif cofrestru yn gywir. Ni allwch aildrefnu llythrennau neu rifau, na’u newid fel eu bod yn anodd eu darllen.
Gallech gael dirwy o hyd at £1,000 a bydd eich cerbyd yn methu ei brawf MOT os byddwch yn gyrru gyda phlatiau rhif sydd wedi’u harddangos yn anghywir.
Mae’r canllaw hwn hefyd ar gael yn Saesneg (English).
Cyflwynwyd y fformat rhif cofrestru cerbyd presennol yn 2001. Mae’n cynnwys:
-
2 lythyren (mae’r rhain yn cyfeirio at y rhanbarth yn y wlad lle cafodd eich cerbyd ei gofrestru gyntaf)
-
2 rif (mae’r rhain yn dweud wrthych pryd y’i cyhoeddwyd)
-
3 llythyren wedi’u dewis ar hap
Gallwch gael platiau rhif sy’n gwrthsefyll lladrad - mae’r rhain yn ei gwneud yn anoddach i rywun eu tynnu o’ch cerbyd yn gyflym a’u hailddefnyddio. Gofynnwch i’ch deliwr ceir lleol neu gyflenwr platiau rhif cofrestru am ragor o wybodaeth.
Gallwch hefyd gael rhifau cofrestru personol.