Cyflwynwch gais am ddull adnabod â llun i bleidleisio (a elwir yn 'Dystysgrif Awdurdod Pleidleiswyr')
Defnyddiwch y gwasanaeth hwn i gyflwyno cais am ‘Dystysgrif Awdurdod Pleidleiswyr’. Gallwch chi ei ddefnyddio i fwrw pleidlais yn bersonol mewn rhai etholiadau a refferenda a gynhelir yn y DU. Ni allwch ei ddefnyddio fel prawf o hunaniaeth am unrhyw reswm arall.
Mae’r gwasanaeth hwn hefyd ar gael yn Saesneg (English).
Cyflwynwch gais am Dystysgrif Awdurdod Pleidleiswyr:
- os nad oes gennych chi ddull adnabod â llun cydnabyddedig
- os nad ydych chi bellach yn edrych fel y llun ar eich dull adnabod â llun
- os yw’r enw ar eich dull adnabod â llun yn wahanol i’ch enw ar y gofrestr etholiadol
Os yw’r enw ar eich dull adnabod â llun yn wahanol, gallwch chi gofrestru i bleidleisio eto neu fynd â dogfen gyda chi sy’n profi eich bod chi wedi newid eich enw wrth i chi fynd i bleidleisio.
Gwiriwch fod gennych chi ddull adnabod â llun cydnabyddedig
Cyn i chi gyflwyno cais am Dystysgrif Awdurdod Pleidleiswyr, dylech chi wirio a oes eisoes gennych chi ddull adnabod â llun cydnabyddedig a phryd bydd angen i chi ei ddefnyddio i bleidleisio.
Cyflwynwch gais am ddull adnabod â llun i bleidleisio
Gallwch gyflwyno cais am ddim. Bydd angen y canlynol arnoch chi:
- llun digidol o’ch hun a dynnwyd yn ddiweddar
- eich rhif Yswiriant Gwladol
Gallwch wneud cais o hyd os nad oes gennych rif Yswiriant Gwladol. Bydd angen darparu dogfennau eraill i brofi eich hunaniaeth, er enghraifft, tystysgrif geni, datganiad banc a bil cyfleustodau.