Cyfraddau'r Isafswm Cyflog Cenedlaethol a’r Cyflog Byw Cenedlaethol
Mae cyfradd fesul awr yr isafswm cyflog yn dibynnu ar eich oed ac a ydych chi’n brentis.
Mae’r tudalen hwn hefyd ar gael yn Saesneg (English).
Rhaid i chi fod o leiaf yn:
- oed gadael ysgol er mwyn cael yr Isafswm Cyflog Cenedlaethol
- 21 oed i gael y Cyflog Byw Cenedlaethol - bydd yr isafswm cyflog yn berthnasol o hyd i weithwyr 20 oed ac iau
Cyfraddau presennol
Dyma’r cyfraddau ar gyfer y Cyflog Byw Cenedlaethol (i’r rhai 21 oed a throsodd) a’r Isafswm Cyflog Cenedlaethol (i’r rhai o oed gadael ysgol o leiaf). Mae’r cyfraddau hyn yn newid bob 1 Ebrill.
| 21 a throsodd | 18 i 20 | O dan 18 | Prentis | |
|---|---|---|---|---|
| Ebrill 2024 (cyfradd presennol) | £11.44 | £8.60 | £6.40 | £6.40 |
| Ebrill 2025 | £12.21 | £10.00 | £7.55 | £7.55 |
Prentisiaid
Mae gan Brentisiaid hawl i gael y gyfradd prentis os ydynt naill ai:
- o dan 19 oed
- yn 19 oed neu drosodd ac ym mlwyddyn gyntaf eu prentisiaeth
Enghraifft
Mae gan brentis 21 oed ym mlwyddyn gyntaf ei brentisiaeth hawl i gael y gyfradd isafswm fesul awr o £6.40.
Mae gan brentisiaid hawl i gael yr isafswm cyflog ar gyfer eu hoed os ydynt:
- yn 19 oed neu drosodd
- wedi cwblhau blwyddyn gyntaf eu prentisiaeth
Enghraifft
Mae gan brentis 21 oed sydd wedi cwblhau blwyddyn gyntaf ei brentisiaeth hawl i gael cyfradd isafswm fesul awr o £11.44.
Cyfraddau blaenorol
Roedd y cyfraddau canlynol ar gyfer y Cyflog Byw Cenedlaethol a’r Isafswm Cyflog Cenedlaethol o fis Ebrill 2017 ymlaen.
Y cyfraddau o 1 Ebrill 2021 ymlaen
Cyn 1 Ebrill 2024 roedd y Cyflog Byw Cenedlaethol i’r rhai 23 oed a throsodd.
| 23 a throsodd | 21 i 22 | 18 i 20 | O dan 18 | Prentis | |
|---|---|---|---|---|---|
| Ebrill 2023 i Mawrth 2024 | £10.42 | £10.18 | £7.49 | £5.28 | £5.28 |
| Ebrill 2022 i Mawrth 2023 | £9.50 | £9.18 | £6.83 | £4.81 | £4.81 |
| Ebrill 2021 i Mawrth 2022 | £8.91 | £8.36 | £6.56 | £4.62 | £4.30 |
Y cyfraddau cyn 1 Ebrill 2021
Cyn 1 Ebrill 2021 roedd y Cyflog Byw Cenedlaethol ar gyfer y rhai 25 oed a throsodd.
| 25 a throsodd | 21 i 24 | 18 i 20 | O dan 18 | Prentis | |
|---|---|---|---|---|---|
| Ebrill 2020 i Mawrth 2021 | £8.72 | £8.20 | £6.45 | £4.55 | £4.15 |
| Ebrill 2019 i Mawrth 2020 | £8.21 | £7.70 | £6.15 | £4.35 | £3.90 |
| Ebrill 2018 i Mawrth 2019 | £7.83 | £7.38 | £5.90 | £4.20 | £3.70 |
Pwy sy’n cael yr isafswm cyflog
Darllenwch yr wybodaeth am pwy sydd â hawl i gael yr isafswm cyflog.
Gallwch ddefnyddio’r gyfrifiannell isafswm cyflog i weld a yw’r Isafswm Cyflog Cenedlaethol neu’r Cyflog Byw Cenedlaethol yn cael ei dalu.
Os nad ydych chi’n cael yr Isafswm Cyflog Cenedlaethol a’ch bod chi’n meddwl y dylech chi, cysylltwch ag Acas.