Beth i ddod i'ch cyfweliad Canolfan Byd Gwaith
Os cewch eich gwahodd i gyfweliad wyneb yn wyneb mewn Canolfan Byd Gwaith, bydd angen i chi ddod â ID a dogfennau gyda chi.
Bydd angen i chi ddod â’r gwreiddiol o bob un o’r canlynol:
- un ID gyda llun
- un prawf o gyfeiriad
- un prawf arall o hunaniaeth
Efallai y gofynnir cwestiynau i chi i gadarnhau pwy ydych os na dderbynnir eich ID neu ddogfennau.
Mae’r dudalen hon hefyd ar gael yn Saesneg (English)
ID Gyda Llun
Gall hyn gynnwys unrhyw un o’r canlynol:
- pasbort o unrhyw wlad
- trwydded yrru cerdyn-llun (llawn neu dros dro)
- cerdyn adnabod y GIG gyda sglodyn biometrig
- cerdyn adnabod y lluoedd arfog neu’r heddlu
- cerdyn PASS (Cynllun Safonau Prawf Oedran Cenedlaethol)
- trwydded breswylio biometrig (BRP) yn dangos bod hawl gennych i aros yn y DU am 6 mis neu fwy
- cerdyn adnabod gwladolyn tramor (ond nid cardiau adnabod a gyhoeddwyd o dan Gynllun Hunaniaeth Cenedlaethol y DU)
- dogfen statws mewnfudo neu ddogfen deithio arall yn dangos bod gennych hawl i aros yn y DU am gyfnod amhenodol
- tystysgrif brodori fel dinesydd Prydeinig, sy’n dangos bod gennych hawl i weithio yn y DU
- trwydded yrru cerdyn-llun tramor gyda thrwydded yrru ryngwladol, yn ddilys am hyd at 12 mis o’r dyddiad y daethoch i’r DU
- trwydded breswylio, tystysgrif gofrestru neu ddogfen arall yn dangos eich hawl i fyw yn barhaol yn y DU, os ydych yn ddinesydd yr UE, y Swistir, Norwy, Gwlad yr Iâ neu Liechtenstein
- cerdyn preswylio parhaol a roddwyd i aelod o deulu gwladolyn o’r UE, y Swistir, Norwy, Gwlad yr Iâ neu Liechtenstein
Prawf o gyfeiriad
Gall hyn gynnwys unrhyw un o’r canlynol:
- bil ffôn symudol, ffôn llinell daearol, nwy, dŵr neu drydan sydd wedi’i ddyddio o fewn y 6 mis diwethaf
- cyfriflen banc, cymdeithas adeiladu, cerdyn credyd neu undeb credyd, sydd wedi’i ddyddio o fewn y 6 mis diwethaf
- datganiad Treth Gyngor cyfredol
- trwydded yrru cerdyn-llun lawn neu dros dro y DU (os nad yw eisoes wedi’i defnyddio fel ID gyda llun)
- trwydded yrru bapur lawn y DU
- dogfennau cofrestru cerbyd
- eich hysbysiad treth diweddaraf gan CThEF (er enghraifft, asesiad treth, datganiad o gyfrif, hysbysiad codio)
- unrhyw ohebiaeth arall gan CThEF (ond nid P45 neu P60)
- datganiad morgais
- llythyr gan eich cyflogwr
- llythyr gan ysgol, coleg neu brifysgol
- polisïau yswiriant adeiladau, cynnwys neu gerbydau
- polisïau yswiriant bywyd neu yswiriant
- cerdyn rhent y cyngor neu gytundeb tenantiaeth
- prawf o’r gofrestr etholiadol eich bod yn byw yn y cyfeiriad
- datganiad cyfrif benthyciad personol
- dogfennau benthyciad myfyrwyr
- llythyr gan gyfrifydd neu gyfreithiwr
- tystysgrif gan gyflenwr cyfleustodau yn dangos eich bod yn defnyddio trefniant rhagdalu yn eich cyfeiriad, wedi’i ddyddio o fewn y 6 mis diwethaf
Prawf pellach o hunaniaeth
Gall hyn gynnwys unrhyw un o’r canlynol:
- cerdyn debyd, credyd neu siop cyfredol gyda datganiad yn cadarnhau’r manylion ar y cerdyn
- P45 neu P60
- llyfr cyfrif cynilo
- llyfr siec personol
Neu unrhyw un o’r canlynol os nad yw wedi cael ei ddefnyddio eisoes i brofi eich cyfeiriad:
- bil ffôn symudol, ffôn llinell daearol, nwy, dŵr neu drydan wedi’i ddyddio o fewn y 6 mis diwethaf
- cyfriflen banc, cymdeithas adeiladu, cerdyn credyd neu undeb credyd, wedi’i ddyddio o fewn y 6 mis diwethaf
- datganiad Treth Gyngor cyfredol
- slip cyflog neu ddatganiad pensiwn cyfredol neu ddiweddar, wedi’i ddyddio o fewn y 6 mis diwethaf
- eich hysbysiad treth diweddaraf gan CThEF (er enghraifft, asesiad treth, datganiad cyfrif, hysbysiad codio)
- dogfennau benthyciad myfyrwyr
- datganiad morgais
- cerdyn rhent y cyngor neu gytundeb tenantiaeth
- datganiad cyfrif benthyciad personol
- polisïau yswiriant adeiladau, cynnwys neu gerbydau
- polisïau yswiriant bywyd neu yswiriant
- tystysgrif gan gyflenwr cyfleustodau yn dangos eich bod yn defnyddio trefniant rhagdalu yn eich cyfeiriad, wedi’i ddyddio o fewn y 6 mis diwethaf
Gellir defnyddio biliau cyfleustodau fel prawf o gyfeiriad ac fel prawf adnabod pellach os ydynt gan gyflenwyr gwahanol.