Dweud wrth DVLA ar ôl i rywun farw
Beth sydd angen ichi ei wneud
Gallwch ddefnyddio’r gwasanaeth Dywedwch Wrthym Unwaith i hysbysu DVLA pan fydd rhywun wedi marw os yw ar gael yn eich ardal.
Mae’r canllaw hwn hefyd ar gael yn Saesneg (English).
Mae’n rhaid ichi ddweud wrth DVLA ar wahân o hyd pan fyddwch yn:
- gwerthu’r cerbyd
- cadw’r cerbyd (hyd yn oed os yw dros dro ac nad ydych yn ei ddefnyddio)
- cadw rhif cofrestru personol (bydd angen ichi wneud hyn cyn ichi werthu’r cerbyd)
Os nad yw Dweud Wrthym Unwaith ar gael yn eich ardal
Ysgrifennwch i DVLA i ddweud wrthynt bod gyrrwr wedi marw. Cynhwyswch drwydded yrru’r unigolyn gyda’ch llythyr, os yw hi gennych.
Mae’n rhaid i’ch llythyr gynnwys:
- eich perthynas â’r unigolyn a fu farw
- y dyddiad y bu farw
- enw, cyfeiriad a dyddiad geni’r unigolyn
Anfonwch y llythyr i:
DVLA
Abertawe
SA99 1AB
Nid oes angen ichi anfon tystysgrif marwolaeth.
Os oes angen cymorth arnoch
Cysylltwch â DVLA os oes angen cymorth arnoch.