Rheoli sylweddau ymbelydrol a datgomisiynu niwclear
Llwytho'r canlyniad llawn i lawr
Manylion am y canlyniad
Gwnaed nifer o newidiadau i’r fframwaith polisi drafft ar sail yr adborth a gafwyd, gan gynnwys:
- symleiddio’r strwythur a chael gwared ar fanylion amherthnasol
- egluro agweddau ar y polisi, yn enwedig sut mae’r polisi’n berthnasol i hylif ymbelydrol a gwastraff nwyol
- ychwanegu manylion at y fframwaith ar gyfer cyfleusterau gwaredu ger yr wyneb ar gyfer gwaredu gwastraff lefel ganolraddol llai peryglus yng Nghymru a Lloegr
Mae Llywodraeth y Deyrnas Unedig a’r gweinyddiaethau datganoledig wedi cyhoeddi’r fframwaith polisi terfynol ar gyfer y Deyrnas Unedig gyfan ar reoli sylweddau ymbelydrol a datgomisiynu niwclear, gan gyfuno polisïau pob rhan o’r DU.
Manylion am yr adborth a gafwyd
Cafwyd 330 o ymatebion i’r ymgynghoriad gan:
- aelodau o’r cyhoedd
- llywodraeth leol
- grwpiau rhanddeiliaid safleoedd niwclear
- diwydiant
- y rheoleiddwyr
- grwpiau buddiant eraill
Roedd y mwyafrif o’r ymatebwyr yn cefnogi’r cynigion.
O’r ymatebion hyn, cododd 136 faterion a oedd y tu hwnt i gwmpas yr ymgynghoriad. Rydym hefyd wedi darparu ymatebion i’r materion hyn.
Ymgynghoriad gwreiddiol
Disgrifiad o'r ymgynghoriad
Mae llywodraeth y DU a’r gweinyddiaethau datganoledig yn cynnig fframwaith polisi ar gyfer y DU gyfan sy’n dwyn ynghyd, mewn un pwynt cyfeirio, bolisïau ar reoli sylweddau ymbelydrol a datgomisiynu niwclear.
Rydym hefyd yn cynnig diwygio, diweddaru ac egluro rhai o’r polisïau hyn gyda’r nod o ysgogi gwelliannau mewn rhaglenni datgomisiynu niwclear a glanhau a rheoli deunyddiau ymbelydrol, a’r gwastraff a gynhyrchir ganddynt.
Mae’r cynigion yn canolbwyntio ar dri maes:
- rheoli gwastraff ymbelydrol solet
- diweddaru’r polisi ar gyfer datgomisiynu niwclear
- rheoli deunyddiau niwclear a gweddillion tanwydd niwclear
Mae’r ymgynghoriad mewn dwy ran.
Yn Rhan I rydym yn ceisio barn ar y polisïau yr ydym yn cynnig eu newid.
Yn Rhan II rydym yn darparu drafft o’r fframwaith polisi arfaethedig ar gyfer y DU gyfan fel y byddai’n ymddangos pe bai’r newidiadau polisi a gynigir yn Rhan I yn cael eu gweithredu.
Fersiwn Saesneg
Managing radioactive substances and nuclear decommissioning
Read the BEIS consultation privacy notice (English version only).
Dogfennau
Updates to this page
Diweddarwyd ddiwethaf ar 16 May 2024 + show all updates
-
Cyhoeddi ymateb y llywodraeth a fframwaith polisi.
-
First published.