پریس ریلیز

سکریٹری خارجہ نے اقوام متحدہ کے نئے سکریٹری جنرل کا خیرمقدم کیا ہے

سکریٹری خارجہ نے اقوام متحدہ سلامتی کونسل کے اس فیصلے کا خیرمقدم کیا ہے جس میں انتونیوگیوٹیریزکے رسمی طور پراگلا سکریٹری جنرل مقررکئے جانے کی سفارش کی ہے

از:
Foreign & Commonwealth Office اور The Rt Hon Boris Johnson
شائع کردہ
6 October 2016
اسے 2016 to 2019 May Conservative government کے تحت شائع کیا گیا تھا

سکریٹری خارجہ بورس جانسن نے کہا

اقوام متحدہ سلامتی کونسل نے رسمی طور سے اقوام متحدہ جنرل اسمبلی میں اگلے سکریٹری جنرل کی حیثیت سے انتونیو گیوٹیریز کی سفارش کی ہے۔ وہ اس عہدے کے لئےاپنی صلاحیتوں اور تجربے کی بنیاد پر ممتازترین امیدوار ہیں۔ مجھے آج صبح انتونیو سے بات کرکےخوشی ہوئی اور میں نے ان کو برطانیہ کی جانب سے مبارکباد دی اورآنے والے سالوں میں ان کے ساتھ قریبی طور سے کام کرنے کے اپنے عہد پر زور دیا.

میں بان کی مون کو ان کی سکریٹری جنرل کے طور پرتقریبا دس سالہ کارکردگی پرخراج تحسین پیش کرتا ہوں۔ انہوں نے اقوام متحدہ کی قیادت بڑے وقار اورکمٹمنٹ سے کی، اپنی کوششوں کا مرکزبے حد ضرورتمندوں کی مدد کوبنایا اورانسانی حقوق کے احترام کو اقوام متحدہ کے ایجنڈا کے مرکز میں رکھا.

مجھے اعتماد ہے کہ انتونیو گیوٹیریز ان بنیادوں پر کام کو آگے بڑھائیںگے، وہ قیادت فراہم کریں گے جس کی اقوام متحدہ کو نہ صرف شام کے بحران کے لئے بلکہ دنیا کو درپیش کئی چیلنجز کا مقابلہ کرنے کے لئے ضرورت ہے۔ مجھے امید ہے کہ جنرل اسمبلی جلد ہی اس سفارش کو قبول کرلے گی تاکہ انتونیو اپنے اس اہم فریضے کے لئے تیاری شروع کرسکیں .

مزید معلومات

Media enquiries

For journalists

ای میل newsdesk@fco.gov.uk

Updates to this page

شائع کردہ 6 October 2016