Y Swyddfa Eiddo Deallusol yn Lansio Gwefan Ddwyeitihog yn Rhan o'i Hymrwymiad i'r Gymraeg
Bydd pobl sy'n ymweld â thudalen hafan a phrif dudalennau llywio'r Swyddfa Eiddo Deallusol ar GOV.UK yn gweld bod y rhain yn ddwyieithog bellach, wrth i'r Swyddfa Eiddo Deallusol gwblhau ei cham cyntaf o'i rhaglen waith i ddarparu ei gwybodaeth a'i gwasanaethau digidol yn Gymraeg.
Mae hyn yn rhan o ymrwymiad y Swyddfa Eiddo Deallusol o dan ei chynllun iaith Gymraeg i ddarparu cynifer o wasanaethau ag y bo modd yn y Gymraeg a’r Saesneg, er mwyn galluogi i gwsmeriaid ddefnyddio’r gwasanaethau hyn yn yr iaith a ddewisant.
O ganlyniad i’r rhaglen gyfieithu, mae timau yn y Swyddfa Eiddo Deallusol – yn cynnwys staff sy’n siarad Cymraeg – wedi bod yn gweithio gyda Gwasanaeth Digidol y Llywodraeth (GDS) i greu cynnwys Cymraeg ar gyfer gwefan y Swyddfa Eiddo Deallusol.
Gan ddechrau gyda’r gwasanaeth ymgeisio am nodau masnach, bydd y Swyddfa Eiddo Deallusol yn canolbwyntio wedyn ar gyfieithu ei gwasanaethau mwyaf poblogaidd i’r Gymraeg, yn ogystal â’r cynnwys ar y wefan sy’n cael y nifer uchaf o ymweliadau.
Mae’r broses o wneud cais am, adnewyddu neu ymchwilio cofrestriad patent, nod masnach neu ddyluniad yn mynd i fod yn gwbl ddigidol drwy gyfrwng y ‘Rhaglen drawsffurfio Un IPO’, felly bydd modd i’r cwsmeriaid sy’n defnyddio’r gwasanaethau ar-lein newydd hyn gwblhau eu trafodion yn y Gymraeg os dewisant.
Bydd y prosiect camau niferus hwn i gyfieithu ein gwasanaethau’n helpu ein cwsmeriaid Cymraeg i ddefnyddio’r system Eiddo Deallusol yn eu dewis iaith.
Cadwch lygad ar GOV.UK i gael diweddariadau pellach wrth i’r gwaith hwn fynd yn ei flaen.
Updates to this page
Diweddarwyd ddiwethaf ar 12 September 2024 + show all updates
-
Added translation
-
First published.