Ymgyrch DVLA newydd yn amlygu’r goblygiadau ar gyfer gyrwyr sy’n osgoi treth cerbyd
Mae DVLA wedi lansio ymgyrch cyhoeddusrwydd newydd mewn 11 ardal ar draws y wlad yn targedu gyrwyr sydd heb drethu eu ceir.
Mae’r neges yn glir i fodurwyr – os nad ydych yn trethu eich cerbyd ar amser, bydd DVLA yn cymryd camau. Trethwch ef neu byddwch yn ei golli.
Yr 11 ardal yn y DU sydd wedi eu targedu yw ardaloedd ble y mae osgoi treth cerbyd mwyaf uchel (yn seiliedig ar y nifer o gamau gorfodi a ddigwyddodd yn 2018).
| Ardal | Clampiwyd | Dirwy neu gosb | Cyfanswm |
|---|---|---|---|
| Llundain | 27,605 | 94,550 | 122,155 |
| Gogledd Iwerddon | 5,516 | 67,944 | 73,460 |
| Birmingham | 5,076 | 50,045 | 55,121 |
| Manceinion | 7,573 | 26,214 | 33,787 |
| Glasgow | 2,666 | 29,705 | 32,371 |
| Sheffield | 3,987 | 25,291 | 29,278 |
| Caerdydd | 3,021 | 24,598 | 27,619 |
| Nottingham | 3,507 | 21,346 | 24,853 |
| Bryste | 3,496 | 20,412 | 23,908 |
| Caerlyr | 3,344 | 19,196 | 22,540 |
| Coventry | 1,257 | 18,193 | 19,450 |
Mae’r ymgyrch hysbysebu yn canolbwyntio ar goblygiadau beidio â threthu eich cerbyd – o gosbau ariannol i achos llys i glampio ac yn olaf colli’r car.
Mae clamp enfawr sy’n ganolbwynt i ddelwedd yr ymgyrch yn adlewyrchu’r ffaith bod DVLA yn cymryd camau gorfodi yn erbyn cerbydau heb dreth ar strydoedd ar draws y wlad, a gall ddigwydd i chi os nad ydych yn trethu’ch cerbyd ar amser.
Dywedodd Pennaeth Gorfodi Tim Burton:
Mae gan yr ymgyrch hon neges clir ar gyfer unrhyw un sy’n diystyru’r gyfraith yn y modd hwn – trethwch ef neu byddwch yn ei golli.
Nid yw erioed wedi bod yn haws i drethu’ch car, felly nid oes esgus o gwbl. Byddai’n well gennym beidio â chlampio neu symud ceir, ond mae’r ymgyrch hon yn amlygu goblygiadau beidio â threthu eich cerbyd. Mae clampio’ch cerbyd yn ddrud ac yn anghyfleus – a gallwch yn y pen draw golli eich car.
Gall modurwyr fynd ar-lein, 24 awr y dydd, i drethu cerbyd neu wirio os oes gan y cerbyd treth gyfoes. Gallwch hyd yn oed wirio drwy ofyn Amazon Alexa neu Google Home – dim ond eich rhif cofrestru sydd arnoch ei angen.
Updates to this page
Diweddarwyd ddiwethaf ar 27 February 2019 + show all updates
-
Added translation
-
First published.