Twf ac adfywio rhanbarthol i'w sbarduno gan arian ychwanegol i brosiectau diwylliannol allweddol Cymru
Sicrhau cyllid yw’r rhan nesaf yn y Cynllun ar gyfer Newid i sicrhau twf economaidd ledled y wlad
£15 million confirmed for Wales cultural projects in the latest step to deliver economic growth across the country.
- Sbarduno twf mewn swyddi, twristiaeth ac adfywio rhanbarthol trwy gyllid ar gyfer prosiectau diwylliannol mawr yng Nghymru.
- Mae prosiectau yng Nghymru yn rhan o nifer o brosiectau ledled y DU a fydd yn derbyn miliynau o bunnoedd gyllid i helpu i sbarduno degawd o adfywio cenedlaethol
- Sicrhau cyllid yw’r rhan nesaf yn y Cynllun ar gyfer Newid i sicrhau twf economaidd ledled y wlad
Mae’r llywodraeth wedi cadarnhau heddiw (17 Chwefror) y bydd adfywio twf rhanbarthol yn cael yr hwb y mae wirioneddol ei angen, gyda dau brosiect diwylliannol mawr yng Nghymru yn derbyn £15 miliwn o gyllid i helpu i hybu twf a sbarduno adfywio ar lefel ranbarthol.
Bydd cyllid yn ‘allweddol’ i arddangos y DU fel un o wledydd blaenllaw y byd o ran diwylliant, gan ddenu ymwelwyr o bedwar ban byd.
Yn bwysig iawn, bydd hyn yn helpu i hybu twf ym mhob rhan o’r wlad – elfen allweddol o Gynllun ar gyfer Newid llywodraeth y DU – trwy greu swyddi, ac mewn rhai achosion, adeiladu cartrefi newydd.
Mae’r prosiectau yng Nghymru a fydd yn derbyn cyllid yn cynnwys:
- £10 miliwn ar gyfer Venue Cymru yng Nghonwy, Cymru – i wella’r ganolfan gelfyddydau mwyaf yng Nghymru y tu allan i Gaerdydd, a sicrhau newid sylweddol yn y ffordd mae’r adeilad yn cael ei ddefnyddio, gan gynnwys ystryried adleoli’r llyfrgell bresennol a’r Ganolfan Wybodaeth i Ymwelwyr i greu canolfan ddiwylliannol modern ac arloesol.
- £5 miliwn ar gyfer Pont Gludo Casnewydd, Cymru, a fydd yn ariannu gwaith atgyweirio a gwaith cynnal a chadw hollbwysig i Bont Gludo Casnewydd, sy’n chwarae rôl hanfodol yn yr economi twristiaeth fel atyniad i ymwelwyr yn Ne Cymru.
Meddai Dirprwy Brif Weinidog y DU, Angela Rayner:
Mae gan bob cwr o’r DU rywbeth unigryw i’w gynnig, ac mae’n rhaid i ni lawn werthfawrogi ein hadnoddau diwylliannol anhygoel.
Mae ein Cynllun ar gyfer Newid yn addo i sicrhau twf ar gyfer pob rhanbarth ac rwyf wedi gweld o lygad y ffynnon sut mae’r prosiectau hyn yn sbarduno twf yn ein cymunedau.
Trwy fuddsoddi yn y prosiectau diwylliannol hollbwysig hyn, gallwn rymuso arweinwyr a phobl leol i wireddu eu gwir botensial a dathlu popeth y mae gan eu tref nhw i’w gynnig. Mae hyn yn golygu mwy o dwristiaeth, mwy o dwf, a mwy o arian ym mhocedi pobl.”
Meddai Alex Norris, y Gweinidog dros Dwf Lleol:
Mae buddion y prosiectau gwych hyn yn ymestyn ymhell tu hwnt i ffiniau’r gymuned a’r sir, maen nhw’n allweddol ar gyfer ysgogi dathliad rhanbarthol a chenedlaethol o ddiwylliant a chreadigrwydd y DU, ynghyd â sbarduno twf ac adfywiad.
Mae’r buddsoddiad hwn yn marcio cam enfawr ymlaen yn ein degawd o adfywio cenedlaethol, fel yr ydym wedi ymrwymo iddo yn ein Cynllun ar gyfer Newid. Creu swyddi, hybu twristiaeth ac adfywio yn ein rhanbarthau yw’r math o dwf cynaliadwy hirdymor y mae’r llywodraeth yn ei flaenoriaethu i roi mwy o arian ym mhocedi pobl yn y pen draw.”
Meddai Ysgrifennydd Gwladol Cymru, Jo Stevens:
Mae Venue Cymru a Phont Gludo Casnewydd yn dirnodau eiconig yn eu cymunedau lleol ac rwy’n hapus iawn y bydd y cyllid hwn gan Lywodraeth y DU yn cael ei ddefnyddio i hybu sectorau twristiaeth a diwylliant Cymru, sydd eisoes ymysg y rhai mwyaf blaenllaw yn y byd.
Mae ein buddsoddiad yn y ddau brosiect gwych hyn yn enghraifft o sut bydd ein Cynllun ar gyfer Newid yn arwain at ddegawd o adfywio cenedlaethol i bobl ledled Cymru. Dyma Lywodraeth y DU sy’n sicrhau adfywio a thwf economaidd i bob cymuned.”
Bydd y prosiectau hyn yn dathlu ac yn codi ymwybyddiaeth o werth cymdeithasol a hanes diwylliannol unigryw Cymru. Ar yr un pryd, bydd yn cefnogi twf economaidd trwy greu swyddi lleol a denu twristiaid ar raddfa genedlaethol.
Rydym wedi blaenoriaethu’r prosiectau mwyaf datblygedig, a fydd yn gweld y buddion yn mynd tu hwnt i ffiniau rhanbarthol ac yn denu buddsoddiadau, er mwyn gwneud y gorau o wariant cyhoeddus a sicrhau twf hirdymor.