Cyfradd diweithdra yng Nghymru yn disgyn yn llai ‘na cyfartaledd y DU
Alun Cairns yn rhoi sylwadau ar y ffigurau swyddi diweddaraf sy'n dangos bod cyfraddau diweithdra wedi gostwng yng Nghymru.
![](https://assets.publishing.service.gov.uk/media/5a37dabaed915d5a5f965fd7/s300_UKG_Logo__2_.png)
Mae Alun Cairns wedi croesawu’r ffigurau diweddaraf am swyddi sy’n dangos bod cyfraddau diweithdra yng Nghymru wedi disgyn dros y chwarter diwethaf a’u bod bellach yn is na gweddill y DU.
Mae’r ystadegau’n dangos y canlynol:
- Mae lefel diweithdra 11,000 yn is dros y chwarter. Mae’r gyfradd yng Nghymru bellach yn 4% sy’n is na chyfartaledd y DU sef 4.3%
- Mae’r lefel cyflogaeth yng Nghymru 13,000 yn is (0.1 pwynt canran) dros y chwarter. Mae’r gyfradd cyflogaeth bellach yn 72.5% sy’n dal yn is na chyfartaledd y DU (75.1%)
- Mae anweithgarwch economaidd 11,000 yn uwch (0.6 pwynt canran) dros y chwarter a 21,000 yn uwch (1.1 pwynt canran) dros y flwyddyn.
- Mae cyfanswm cyflogaeth y DU 94,000 yn uwch (0.2 pwynt canran) dros y chwarter a 317,000 yn uwch (0.7 pwynt canran) dros y flwyddyn. Mae’r gyfradd cyflogaeth bellach yn 75.1%.
- Mae cyfanswm diweithdra’r DU 52,000 yn is (0.2 pwynt canran) dros y chwarter a 215,000 yn is (0.7 pwynt canran) dros y flwyddyn. Mae’r gyfradd cyflogaeth bellach yn 4.3% sydd ymysg yr isaf ers 1975.
Dywedodd Alun Cairns, yr Ysgrifennydd Gwladol:
Mae hi’n grêt gweld y gyfradd diweithdra yng Nghymru yn disgyn yn is na chyfartaledd y DU. Mae Llywodraeth y DU yn gweithio’n galed i greu’r amodau iawn ar gyfer twf economaidd, buddsoddiad a swyddi yng Nghymru ac mae ystadegau’r mis yma’n dangos cryfder economi Cymru.
Serch hynny, mae angen gwneud mwy i gynyddu’r gyfradd cyflogaeth. Rwy’n bendant y bydd allforio mwy i farchnadoedd newydd yn tyfu economi Cymru ac yn creu swyddi ar draws Cymru. Dwi’n gwneud popeth rwy’n gallu ei wneud i helpu cwmnïau yng Nghymru gynyddu eu potensial allforio.