Ysgrifennydd Cymru yn cefnogi ymgyrchoedd Chwe Gwlad Cymru
Stephen Crabb: "Rydyn ni’n edrych ymlaen at wylio timau Cymru’n dod yn eu blaen ac yn dymuno pob llwyddiant iddyn nhw gyda’u hymgyrchoedd"
![](https://assets.publishing.service.gov.uk/media/5a61906a40f0b60ab9a800a0/s300_Millenium_Stadium_-_WEB.jpg)
Mae Ysgrifennydd Gwladol Cymru, Stephen Crabb, yn annog timau rygbi dynion a merched Cymru i ddechrau Pencampwriaeth y Chwe Gwlad RBS eleni yn hyderus pan fyddant yn wynebu Iwerddon y penwythnos hwn. Mae’r twrnamaint yn dilyn yn dynn ar sodlau Cwpan Rygbi’r Byd 2015, ymgyrch lle cyrhaeddodd Cymru rownd yr wyth olaf, gyda Stadiwm Principality Caerdydd yn gartref i wyth gêm, gan ddangos y ddinas i gynulleidfa fyd-eang.
Dywedodd Stephen Crabb, Ysgrifennydd Gwladol Cymru:
Bydd ymgyrch y Chwe Gwlad yn werth ei wylio, gyda miliynau o bobl o bob cwr o’r byd yn ei fwynhau dros y chwe wythnos nesaf.
Allan ar y cae, bydd pob tîm am y gorau, yn cystadlu’n frwd. Oddi ar y cae, bydd y twrnamaint yn rhoi hwb pwysig arall i economi Cymru ac i fusnesau lleol.
Wrth i filoedd o bobl baratoi i deithio i Gaerdydd i fwynhau awyrgylch unigryw diwrnod y gêm, bydd gwylwyr o bob cwr o’r byd yn gweld statws Cymru’n cynyddu unwaith eto fel lleoliad i gynnal digwyddiadau chwaraeon mawr.
Rydyn ni’n edrych ymlaen at wylio timau Cymru’n dod yn eu blaen ac yn dymuno pob llwyddiant iddyn nhw gyda’u hymgyrchoedd.
Bydd tîm Cymru’n wynebu’r Alban a Ffrainc yng Nghaerdydd ar ôl y gêm yn erbyn Iwerddon, ac yna’n chwarae yn erbyn Lloegr yn Twickenham cyn y gêm olaf yn erbyn yr Eidal gartref.