Sylwadau Ysgrifennydd Cymru ynghylch colli swyddi yng ngweithfeydd dur Tata
Stephen Crabb: “Mae'r diswyddiadau arfaethedig hyn yn ergyd ddifrifol i gymuned Port Talbot a'r economi leol”
![](https://assets.publishing.service.gov.uk/government/uploads/system/uploads/default_news_organisation_image_data/file/203/s300_UKG_Logo__2_.png)
Dywedodd Stephen Crabb, Ysgrifennydd Gwladol Cymru:
Mae’r diswyddiadau arfaethedig hyn yn ergyd ddifrifol i gymuned Port Talbot a’r economi leol. Mae gweithwyr yn y gweithfeydd a’u teuluoedd yn wynebu amser pryderus dros ben, a’n blaenoriaeth yw helpu’r rheini y bydd hyn yn debygol o effeithio arnynt.
Bydd Llywodraeth y DU yn parhau i wneud ei gorau i gefnogi’r diwydiant dur sydd o dan bwysau anhygoel yn sgil mewnforio dur rhad a gwasgfa mewn prisiau ledled y byd. Mae hyn yn golygu gweithio gyda Tata i sicrhau bod ganddynt bresenoldeb sylweddol o hyd yn ne Cymru.