Ymchwil yn DVLA
Yr ymchwil a wnaed gan yr Asiantaeth Trwyddedu Gyrwyr a Cherbydau (DVLA).
Mae DVLA yn asiantaeth weithredol yr Adran Drafnidiaeth (DfT) ac yn gyfrifol am reoli casglu data. Mae DVLA yn rheoli mwy na 50 miliwn o gofnodion gyrwyr a dros 40 miliwn o gofnodion cerbydau.
Mae’r asiantaeth yn parhau i ddal y safon Rhagoriaeth mewn Gwasanaethau Cwsmeriaid ar gyfer ei gwasanaeth i gwsmeriaid.
Trosolwg
Mae DVLA wedi cynnal ymchwil defnyddwyr ers 2008 gan ddefnyddio ystod eang o ddulliau ymchwil, o arolygon traddodiadol i gyfweliadau manwl, grwpiau ffocws a defnyddioldeb wedi’i dargedu neu brofi prototeipiau. Mae technoleg, ymddygiad cwsmeriaid a’r ffordd yr ydym yn cynnig ein gwasanaethau wedi newid yn sylweddol yn y cyfnod hwn ac mae ein cwsmeriaid wedi dweud wrthym eu bod am gael prosesau modern sy’n caniatáu mwy o hyblygrwydd yn y modd y darperir gwasanaethau.
Rydym wedi ymrwymo i ddatblygu gwasanaethau rhagorol ar gyfer ein cwsmeriaid sy’n ystyrlon iddynt ac yn hawdd iddynt eu defnyddio. Er mwyn deall yn glir yr hyn y mae ein cwsmeriaid yn eu disgwyl gan wasanaethau DVLA, rydym yn cynnal ymchwil helaeth. Mae enghreifftiau o rai ohonynt i’w gweld isod.
Prosiectau ac adroddiadau ymchwil
Mae gwybodaeth am brosiectau ymchwil a ariennir gan yr adran ar gael yn ymchwil DVLA.
Gwaith presennol
Ar hyn o bryd rydym yn gweithio ar yr arolygon canlynol, gyda rhai ohonynt yn gysylltiedig â’n gwasanaethau ar-lein:
- trethu cerbyd - Debyd Uniongyrchol
- nodyn atgoffa treth digidol
- adborth adnewyddu eich trwydded yrru
- trethu cerbyd
- rhoi gwybod am newidiadau ar V5CW
- adnewyddu trwydded yrru
- rhoi gwybod i DVLA am gyflwr meddygol
- cerdyn tacograff gyrrwr
- moduro DVLA
- Gweld Cofnod Cerbyd ar gyfer cerbydau fflyd
- gweld neu rannu eich gwybodaeth trwydded yrru
- eitemau post DVLA
- ceisiadau trwydded yrru ar-lein
- cofrestru ôl-gerbydau
- adborth am gofrestru cerbyd (RaV)
- gwasanaeth gwirio un cerbyd
- gwasanaeth gwirio a thalu am nifer o gerbydau
- gwasanaeth talu tâl am un cerbyd
- gwasanaeth archebu ffurflenni DVLA
- adnewyddu eich trwydded yrru
- parth aer glân: Cysylltwch â ni
- adborth am gyfrif Gyrwyr a cherbydau
- gyrrwr a cherbydau
- ail-ddylunio’r V85/1
- atal dogfennau fflydoedd V11W a V5CW
Mae DVLA yn gweithio’n agos gyda rhanddeiliaid, cwsmeriaid a phartïon eraill â diddordeb er mwyn sicrhau ein bod yn darparu cynhyrchion a gwasanaethau sy’n gweddu i’w hanghenion. Bydd y dudalen hon yn dangos datblygiadau yr amryw brosiectau gan gynnwys unrhyw adborth a chamau a gymerwyd o ganlyniad yr adborth. Lle na cymerir camau, fe’i ddarperir eglurhad.
I gymryd rhan yn ymchwil bellach
Rydym yn chwilio am wirfoddolwyr i ymuno â’n panel ymchwil ar-lein. Sefydlwyd y panel i gael mewnwelediad cwsmeriaid i wasanaethau moduro’r Adran Drafnidiaeth (DfT) a diogelwch ar y ffyrdd, i helpu datblygu’r gwasanaethau hynny a gwybodaeth gysylltiedig.
Os ydych chi dros 16 oed ac mae gennych ddiddordeb mewn bod yn rhan o’r panel hwn, neu os hoffech ragor o wybodaeth, e-bostiwch: marketresearch.panel@dvla.gov.uk
Ni all y tîm ymchwil yn DVLA helpu gydag ymholiadau cyffredinol wrth y cyhoedd trwy’r e-bost hwn. Cysylltwch â DVLA os oes gennych ymholiad am eich trwydded yrru neu gerbyd.
Profiad y defnyddiwr
Rydym wedi ymrwymo i ddatblygu gwasanaethau i’n cwsmeriaid sy’n ystyrlon iddynt ac yn hawdd iddynt eu defnyddio. Rydym yn cynnal ymchwil helaeth er mwyn deall yn well yr hyn y mae ein cwsmeriaid yn eu disgwyl gennym. Mae hyn yn cynnwys ymweld a siarad gyda rhanddeiliaid a phobl ledled y DU sy’n defnyddio ein gwasanaethau.
Bydd y mewnwelediad parhaus hwn gyda’n cwsmeriaid yn ein galluogi i ddeall rhesymau pobl dros ryngweithio â ni a’u hoffter ynghylch eu dewisiadau i wneud hynny.
Byddwn yn defnyddio’r adborth a gasglwyd i’n helpu dylunio a gwella ein gwasanaethau.