Gweithio i UKCES
Sut i wneud cais am swydd gyda Chomisiwn y DU dros Gyflogaeth a Sgiliau.
Ewch i’n tudalen swyddi gwag (Saesneg yn unig).
Dilynwch y cyfarwyddiadau sy’n gysylltiedig â’r swydd wag i wneud cais. Fel arfer, y cyfarwyddyd fydd llenwi ac anfon unrhyw ddogfennau penodedig ychwanegol.
Os oes gennych ddiddordeb mewn prentisiaeth gyda’r llywodraeth, gallwch ddefnyddio’r offeryn swyddi prentisiaeth gwag (Saesneg yn unig) trwy’r Gwasanaeth Prentisiaeth Cenedlaethol. I gael rhagor o wybodaeth, gallwch gysylltu â HR.Team@ukces.org.uk.
Buddion
Mae UKCES wedi ennill statws achrediad Buddsoddwr Mewn Pobl - Aur (Saesneg yn unig). Yn ogystal â’r 8 niwrnod o wyliau cyhoeddus, mae UKCES yn cynnig o leiaf 25 niwrnod o wyliau’r flwyddyn i bob gweithiwr amser llawn, ynghyd â 2.5 niwrnod dewisol rhwng y Nadolig a’r Flwyddyn Newydd.
Rydym yn cydnabod bod trefniadau gweithio hyblyg yn bwysig i weithwyr presennol a darpar weithwyr. Mae gennym amrywiaeth o bolisïau ar gydbwysedd rhwng bywyd a gwaith, gan gynnwys:
- polisi gweithio hyblyg
- absenoldeb mamolaeth
- gofal cyn-geni
- absenoldeb tadolaeth
- absenoldeb mabwysiadu
- absenoldeb rhiant
- egwyl gyrfa
- absenoldeb tosturiol â thâl
- argyfyngau domestig
- amser i ffwrdd ar gyfer dyletswyddau cyhoeddus (heb dâl)
Gwobrau Cydnabod
Yn ogystal â chyflog, mae UKCES yn awyddus i wobrwyo staff sy’n mynd gam ymhellach ac i gydnabod eu cyflawniadau a’u gwaith caled. Gall staff enwebu cydweithwyr am ‘wobr cydnabod’ (£25) neu ‘wobr diolch’ (£125).
Buddion eraill
Mae buddion eraill yn cynnwys:
- cynllun pensiwn y gwasanaeth sifil
- cymorth iechyd galwedigaethol
- cynllun beicio i’r gwaith
- talebau gofal plant
- rhaglen cymorth i weithwyr (EAP)
- brechiadau rhag y ffliw
- ffrwythau am ddim
- te, coffi a dŵr am ddim
- cyfleusterau chwaraeon a chlwb chwaraeon y gwasanaeth sifil sydd â chymhorthdal ar eu cyfer