Adam Williams
Bywgraffiad
Bywgraffiad
Penodwyd Adam yn Brif Weithredwr a Rheolwr Cyffredinol yn ffurfiol ym mis Rhagfyr 2022 (ar ôl bod yn Brif Swyddog Gweithredol Dros Dro o fis Medi 2022).
Yn flaenorol, roedd Adam yn Gyfarwyddwr Busnes a Pholisi Rhyngwladol ac yn aelod o Fwrdd yr IPO, ac roedd yn gyfrifol am weithgareddau rhyngwladol y Swyddfa, trafodaethau masnach, cymorth i fusnesau’r DU a’r byd academaidd, yn ogystal â hybu’r ecosystem IP yn y DU.
Mae Adam wedi gweithio’n flaenorol yn Llywodraeth y DU ar faterion polisi Amddiffyn ac mae ganddo brofiad helaeth o ymdrin â materion polisi yn yr UE, y Cenhedloedd Unedig a NATO yn ogystal â chynnal trafodaethau dwyochrog.
Ymunodd Adam â’r Swyddfa Eiddo Deallusol ar ddiwedd 2009 fel Pennaeth Cydgysylltu Rhyngwladol yn y Gyfarwyddiaeth Hawlfraint a Gorfodi. Yna ymgymerodd â rôl Dirprwy Gyfarwyddwr Polisi Rhyngwladol ym mis Gorffennaf 2013 a rôl Cyfarwyddwr ym mis Medi 2017.
Bu Adam hefyd yn Gyfarwyddwr Anweithredol gwirfoddol ar gyfer Cymdeithas Chwaraewyr Rygbi Cymru rhwng 2019 a 2021.
Mae gan Adam radd Baglor yn y Gwyddorau a gradd Meistr mewn Gweinyddu Busnes.
Yn ei amser personol, mae Adam yn mwynhau coginio, teithio rhyngwladol a gwylio Rygbi’r Undeb.
Prif Weithredwr a Rheolwr Cyffredinol, IPO
Y prif weithredwr yw arweinydd yr IPO ac mae’n gyfrifol am reoli’r sefydliad o ddydd i ddydd.
Mae’r Rheolwr Cyffredinol yn gyfrifol yn ffurfiol am weithrediad yr IPO a goruchwylio ansawdd ei adroddiadau cyfrifyddu ac ariannol.