تشویقي مواد

د ابډامینل د اورتیک انیوریزم (AAA) سکرینینګ، د 65 کالو او پورته نارینه وو لپاره مفت معاینات (Pashto)

تازه شوی 3 July 2024

1. سرسري کتنه 

دغه لیفلټ د 65 کالو او تر هغه د زیات عمر لرونکو نارینه وو لپاره د ابډامینل د اورتیک انیوریزم سکرینینګ یعني د لړمانه د شاهرګ د پاړسوب د کتنې (چي د AAA سکرینینګ په نوم هم یادیږي) په اړه معلومات وړاندې کوي. 

دا څرګندوي چې د ابډامینل د اورتیک انیوریزم (AAA) څه شی دی او څه پیښیږي کله چې تاسو  سکرینینګ ته ورځئ. دا باید له تاسو سره مرسته وکړي چې پریکړه وکړي که تاسو غواړئ چي سکرین مو وشي. 

د AAA سکرینینګ چیک یو ساده مفت الټراساؤنډ سکن دی.  

2. موږ څوک څوک سکرین کوو 

این ایچ ایس ټولو هغو نارینه وو ته د سکرین بلنه ورکوي چي سږکال 65 کلن کېږي. 

3. تر 65 کالو مشران سړيان 

هغه نارینه چې عمرونه یې تر 65 پورته وي چې مخکې یې سکرین نه وي ترسره شوی هغوی کولای شي له خپلو ځايي خدماتو سره تماس ونیسي او د معایناتو سریښته ونیسي. 

4. د لړمانه د لوی رګ پاړسوب 

اورټا د وینې هغه لوی رګ دی چې ستاسو بدن ته وینه رسوي. دا ستاسو له زړه څخه ستاسو د سینې او معدې له لارې تیریږي. 

په ځینو هغو خلکو کې، څرنګه چي زاړه عمر ته رسېږي، په معدې کې د شاهرګ دیوال کمزوری کیدلای شي. دا بیا کېدلای شي چي په پراخېدلو شي او د لړمانه د شاهرګ پاړسوب رامینځته کړي. 

دا حالت په هغو نارینه وو کې زیات وي چي 65 وي یا تر هغه زیات عمر لري. 

The development of an abdominal aortic aneurysm.

د لړمانه د لوی رګ د پاړسوب پراختیا. 

5. د لړمانه د لوی رګ د پاړسوب پټ خطرونه 

لوی پاړسوبونه کم کم پېښېږي مګر دا کیدلای شي ډېر جدي وي. لکه څنګه چې د رګ دیوال کشېږي نو دا کمزوری کیږي او چوي چې د داخلي خونریزي لامل کیږي. شاوخوا له 85 تر 100 خلک ورڅخه مړه کیږي کله چې له پاړسوب څخه چاودېدل رامینځته کیږي. 

یو رګ چې فقط یو څه لوی شوی وي خطرناک نه وي. خو بیا هم، که د اورټا یعني شاهرګ اندازه د 3cm او 5.4cm ترمنځ وي نو دا مهمه ده چې موږ یې څارو چي وګورو چې ایا دا خو په نور په لوېدلو نه دی. 

6. د سکرینینګ ګټې 

که تاسو انیوریزم  یعني پاړسوب ولرئ نو تاسو ته به یې معمولا هیڅ نخښې څرګندې نه شي. مانا دا چې تاسو دا نه شئ ویلای چې ایا تاسو لرئ که یې نه لرئ، د هیڅ درد احساس به نه درته کېږي او شاید هیڅ بدلون به نه درته څرګندېږي. 

موږ د سکرینینګ وړاندیز ځکه درته کوو چي موږ وکولای شو انیوریزمونو وختي معلوم کړو او د څارنه یا درملنه یې وکړو. دا د هغو انیوریزم امکان ډېر را کموي چې د جدي ستونزو لامل کیږي. 

تاسو انیوریزم لرئ که يې نه لرئ د دې معلومولو لپاره ترټولو اسانه لار دا ده چې د معدې الټراساؤنډ سکین ترسره کړل شي. 

شاوخوا  په 92 هغو نارینه وو کې چې معاینه کیږي 1 یو یې د لړمانه د لوی رګ پاړسوب لري. 

7. د خطر عوامل 

د ښځو په پرتله نارینه  6 چنده ډیر احتمال لري چې د لړمانه د شاهرګ پاړسوب ولري، له همدې امله ښځو ته د سکریننګ وړاندیز نه کیږي. د عمر په تیریدو سره د انیوریزم احتمال ډیریږي. 

ستاسو د لړمانه د شاهرګ پاړسوب درلودلو چانس بیاهم ډېرېدلای شي که: 

• تاسو سګرټ څکوئ او یا کوم وخت څکول 

• تاسو د وینی لوړ فشار لرئ 

• ستاسو ورور، خور یا مور او پلار د لړمانه د شاهرګ پاړسوب لري، یا یې درلودلی وي 

8. د AAA سکرینینګ ټېسټ 

موږ یو ساده الټراساؤنډ سکین کاروو، همهغه شان چې امیندواره ښځو ته وړاندیز کیږي. دا ډېر چټک وي او معمولا تر 10 دقیقو کم دوام کوي. 

په کلینیک کې به موږ ستاسو شخصي توضیحات وګورو، سکین به درته تشریح کړو او تاسو ته به فرصت درکړو چې کومه پوښتنه وکړئ. 

موږ به له تاسو څخه وغواړو چې څملئ او خپل کمیس درونغاړئ یا یې پرانیځئ. تاسو اړتیا نلرئ چې جامې وباسئ. موږ به ستاسو پر نس باندي یخ جیل واچوو. 

بیا به موږ ستاسو پر پوستکي باندي د سکین کولو سینسر تېرراتېر کړو. سکین به په سکرین کې د اورټا یعني د شاهرګ انځور وښیې او موږ به یې مېچه واخلو. 

موږ به تاسو ته سملاسي ستاسو پایله ووایو او یوه کاپي به ستاسو GP پرېکټس ته ورواستوو. 

9. د سکرینینګ احتمالي پایلې 

4 پایلې کېدلای شي: 

1. هیڅ انیوریزم یعني پاړسوب و نه موندل شو 

2. کوچنی انیوریزم شته 

3. منځنی انیوریزم شته 

4. لوی انیوریزم شته 

9.1 هیڅ انیوریزم ونه موندل شو 

که ستاسو شاهرګ تر 3 سانتي مترو کم وي، نو مانا یې دا ده چې تاسو د انیوریزم نلرئ. ډیری نارینه دا پایله لري. له دې وروسته درملنې یا څارنې ته اړتیا نشته. موږ به تاسو ته د AAA سکرینینګ لپاره بیا بلنه در نه کړو. 

9.2 کوچنی انوریزم 

که ستاسو شاهرګ د 3 سانتي مترو او 4.4 سانتي مترو په منځ کې وي، تاسو یو کوچنی انوریزم لرئ. موږ په هرو 12 میاشتو کې د کوچني انیوریزم لرونکو سړیانو ته د سکین لپاره بلنه ورکوو چي وګورو ایا هغه په لوېدلو دی که نه. 

9.3 منځنی انیوریزم 

که ستاسو شاهرګ د 4.5 سانتي مترو او 5.4 سانتي مترو په منځ کې وي، تاسو یو منځنی ​​انیوریزم لرئ. موږ په هرو 3 میاشتو کې د منځني ​​انیوریزم لرونکو سړیانو د سکین لپاره بلنه ورکوو چي وګورو ایا دا په لوېدلو دی که نه. 

9.4 لوی انیوریزم 

که ستاسو شاهرګ 5.5 سانتي متره پراخ یا لوی وي، تاسو لوی انیوریزم یعني پاړسوب لرئ. فقط په هرو 1000 نارینه وو کې چې معاینه کیږي 1 یې لوی انیوریزم لري. موږ هغو سړیانو ته چې د لوی انیوریزم سره مخ دي د متخصص ټیم سره د لیدو وخت ورکوو چي نور سکینونه ولري او د ممکنه درملنې په اړه خبرې ورسره وکړي، معمولا يې عملیات کېږي. 

10. د کوچني یا منځني ​​انیوریزم څارنه 

که تاسو کوچنی یا منځي ​​انیوریزم ولرئ تاسو به پدې مرحله کې درملنې ته اړتیا ونلرئ. خوبیاهم، دا مهمه ده چې د انیوریزم کچه وڅېړل شي ځکه چې تاسو ممکن درملنې ته اړتیا ولرئ که چیرې دا لوی شي. ډیری پاړسوبونه بېخي ورو ورو پراخېږي، نو ډیری نارینه چې کوچني یا منځني ​​انیوریزم لري هیڅکله درملنې ته اړتیا نلري. 

موږ به تاسو ته بلنه درکړو چې هر کال د سکین لپاره بیرته راشئ که تاسو کوچنی انوریزم لرئ یا په هرو 3 میاشتو کې راشئ که تاسو منخنی ​​انیوریزم لرئ. 

موږ به تاسو ته د انیوریزم د پراخېدلو د چانس کمولو په اړه مشوره درکړو. ستاسو GP پرېکټس ممکن تاسو ته ټابلیټونه درکړي یا ستاسو اوسنو درملو باندي بیاکتنه وکړي. دوی ممکن ستاسو د وینې فشار هم وګوري. 

11. د لوی انوریزم درملنه 

که موږ یو لوی انیوریزم پیدا کړو، موږ به تاسو یو متخصص ټیم ته راجع کړو. دوی به ځینې نورې ازموینې ترسره کړي او یو متخصص به ستاسو سره د ممکنه درملنې په اړه بحث وکړي. دا عموما یو عملیات وي، معمولا په څو اونیو کې تنظیم کیږي که تاسو پریکړه وکړئ چې تاسو یې غواړئ. 

د هغه وخت په جریان کې چې د لوی AAA درملنه نه کیږي، تاسو ممکن د موټر چلول بس کړئ او د روغتیا اړوند انشورنس یعني بیمه به وګورئ، لکه د سفر بیمه. 

د انیوریزم درملنه چې د سکرینینګ په کارولو سره موندل کیږي معمولا خورا مؤثره وي. د درملنې خطرونه شته چې د متخصص لخوا به په تفصیل سره درته تشریح شي. 

هرڅوک چې لوی انیوریزم ولري عملیات به ونه کړي. 

12. د سکرینینګ څخه خطرونه 

پخپله سکین هیڅ خطر نه لري. 

خو بیاهم ، د هرو 10,000 نارینه وو څخه شاوخوا 41 به اخیر د انیوریزم رغولو لپاره عملیات ولري. په اوسط ډول، د دغو 41 نارینه وو څخه 1 به د عملیاتو څخه ژوندی پاتې نشي مګر کېدلای شي د دوی انیوریزم ممکن هیڅکله و نه چوي که درملنه یې وهم نشي. 

سکرینینګ په بشپړه توګه د انیوریزم د چاودېدلو خطر څخه خلاص نه دی، مګر دا د دې حالت په وړاندې د خوندیتوب غوره طریقه ده. 

13. نور شرایط 

سکرینینګ فقط د دې لپاره دی چې وکتل شي چې ایا تاسو د لړمانه د شاهرګ پاسوب لرئ که نه. دا د نورو شرایطو لپاره لټون نه کوي. که تاسو د کومې طبي ستونزې په اړه اندیښمن یاست نو تاسو باید د خپل GP پرېکټس سره خبرې وکړئ. 

14. د سکرینینګ ټېسټ کره توب 

د انیوریزم موندلو لپاره کارول شوی سکین خورا د ډاډ وړ دی. د سکرینینګ هیڅ ازموینه په بشپړ ډول مؤثره کیدلای نشي مګر بېخي کم داسي پېښېږي چې بیا یو سړي لوی انیوریزم سره مخامخ شي که چیرې د سکرینینګ لخوا هیڅ انیوریزم ونه موندل شي. 

ځینې ​​وختونه هغه څوک چې سکین ترسره کوي د دې توان نلري چې د رګ په روښانه توګه وګوري. دا د اندیښنې کومه خبره نه ده او دوی به تاسو څخه وغواړي چې یو بل سکین ترسره کړئ، معمولا په بله ورځ. 

15. محرمیت 

د این ایچ ایس د سکرینینګ پروګرامونه ستاسو د NHS له سوابقو څخه شخصي معلومات کاروي چي تاسو ته په سم وخت کې د سکرینینګ لپاره بلنه درکړي. NHS انګلستان ستاسو معلومات د دې لپاره هم کاروي چي ډاډ ترلاسه کړي چې تاسو د لوړ کیفیت پاملرنې ترلاسه کوئ او د سکرینینګ پروګرامونو د بهتري لپاره. د how your information is used and protected, and your options په اړه نور معلومات ترلاسه کړئ. 

16. نور معلومات 

که تاسو د سکرینینګ لپاره رابلل شوي یاست، ستاسو د ځایی سکرینینګ خدمت لپاره د تلیفون شمیره ستاسو د اپواینټمنټ په لیک کې ده. Find contact details for your local AAA screening service. 

د Circulation Foundation او د British Heart Foundation د رګونو او شریانونو ناروغیو لرونکو خلکو سره کومک کوي چې د شاهرګونو د ناروغیو په نوم پیژندل کیږي ، پشمول لړمانه د شاهرګ پاړسوب. 

تاسو کولای شئ له خپل GP پرېکټس سره هم خبرې وکړئ. 

ومومئ چې څنګه له opt out of screening له سکرینګ څخه ځان بچ کول غوره کړئ.