Guidance

Asesiad baich anghymesur ar gyfer y System Olrhain Gwartheg CTS Ar-lein

Published 20 December 2024

Applies to England and Wales

Yr effaith ar ddefnyddwyr

Nid yw ein gwasanaeth na’n gwybodaeth wedi’u hanelu’n benodol at bobl anabl.

Nid yw ein gwasanaeth na’n gwybodaeth yn benodol yn galluogi pobl i gymryd rhan mewn cymdeithas yn gyffredinol.

Yr effaith

Mae’r ffurflen yn ddogfen Word â rhai adrannau wedi’u cloi. Mae ganddi’r problemau canlynol ynglŷn â hygyrchedd y credwn y byddant yn ei gwneud yn anodd i ddefnyddwyr rhaglenni darllen sgrin lenwi’r ffurflen:

• dim penawdau i’r tablau

• celloedd wedi’u huno yn y tabl

• testun wedi’i alinio mewn un gell na fydd ganddo’r drefn darllen gywir

• trefn tabiau wedi torri

Pobl sydd ond yn defnyddio bysellfwrdd:

• nid yw pob swyddogaeth yn hygyrch gan ddefnyddio bysellfwrdd

• dim dolenni neidio

Gall unigolion ddefnyddio’r gwasanaeth ond byddant yn wynebu rhwystrau

Defnyddwyr â golwg gwan neu liwddall

• defnyddir lliw i gyfleu gwybodaeth

• cyferbynnedd lliwiau gwael

Gall unigolion ddefnyddio’r gwasanaeth ond byddant yn wynebu rhwystrau

Pobl y mae angen testun mwy o faint arnynt neu y mae angen iddynt chwyddo i mewn:

• nid yw’r gwasanaeth yn ail-lifo

• mae’r bwlch rhwng testun yn achosi i gynnwys gael ei docio

Ni all defnyddwyr ddefnyddio’r gwasanaeth heb wynebu llawer o rwystrau.

Nifer y defnyddwyr yr effeithir arnynt

Amcangyfrif o nifer y defnyddwyr yr effeithir arnynt os na fyddwn yn gwneud y wybodaeth/gwasanaeth yn gwbl hygyrch: 56,000

Ffynhonnell y data hyn: Nifer amcangyfrifedig y defnyddwyr sydd â mynediad at SOG Ar-lein. Ffynhonnell Gweithrediadau Gwasanaeth Symud Gwartheg Prydain (BMCS)

Y baich y bydd gwneud y pethau hynny yn hygyrch yn ei osod ar eich sefydliad

Manylion y corff sector cyhoeddus

Enw’r corff cyhoeddus: Asiantaeth Taliadau Gwledig

Natur y corff sector cyhoeddus: Mae’r Asiantaeth Taliadau Gwledig yn un o asiantaethau gweithredol Adran yr Amgylchedd, Bwyd a Materion Gwledig yn y DU. Cyn Brexit, yr Asiantaeth Taliadau Gwledig a ddarparai daliadau Polisi Amaethyddol Cyffredin yr Undeb Ewropeaidd i ffermwyr a masnachwyr yn Lloegr.

Maint, adnoddau a chyllideb: Sefydliad â 3,000 o gyflogeion. Cyllideb flynyddol gwerth £100 miliwn.

Y rheswm dros y baich

1. mae costau’r newid yn rhy uchel i’w diwygio

2. cyfnod byr o amser sydd ar ôl ar gyfer y cynnyrch hwn. Caiff ei ddisodli o fewn 24 mis

Yr amser neu’r gost i’w wneud yn hygyrch

• creu sgriniau cwbl ymatebol newydd ar gyfer SOG Ar-lein ar gyfer pob un o’r 286 o dudalennau

• y cyflenwr i ailddatblygu’r rhyngwyneb defnyddiwr er mwyn cyrraedd safon AA Canllawiau Hygyrchedd Cynnwys y We 2.1 Hygyrchedd

Ar gyfer Gweithredu Prosiect SOG Ar-lein ac AMLS, amcangyfrifir y byddai Taliadau untro yn cyfateb i £2,000,000-£3,800,000, heb gynnwys Treuliau na TAW.

Mae’r wybodaeth am ddatrysiadau a phrisiau yn y ddogfen hon, yn unol â’r cais, yn amcangyfrif trefn maint bras dangosol y bwriedid iddo gael ei ddefnyddio fel canllaw cyffredinol ac at ddibenion cynllunio cyllideb yn unig.

Mae’r amcangyfrif hwn yn seiliedig ar delerau ac amodau Contract C5495

Penderfyniad a hawliad

Hawliad

Rydym wedi asesu cost datrys y problemau. Credwn y byddai baich y gost hon yn anghymesur â’r manteision amcangyfrifedig bach i bobl ag anableddau, o ystyried y nifer cymharol fach o ddefnyddwyr a’r cyfnod byr o amser sydd ar ôl ar gyfer y feddalwedd a nodwyd. Felly, credwn y byddai’r budd i’r Asiantaeth Taliadau Gwledig o ganlyniad i roi newidiadau ar waith hefyd yn fach ac, unwaith eto, y byddai’r gost sy’n gysylltiedig â gwneud hynny yn anghymesur.

Rydym wedi ychwanegu’r hawliad am faich anghymesur at ein datganiad hygyrchedd.

Rheswm

(a) yr adnoddau sydd ar gael i sefydliad a ariennir gan drethdalwyr

(b) y costau o hyd at £3.8 miliwn ar gyfer dau wasanaeth Taliadau Gwledig a gaiff eu disodli o fewn 24 mis.

Dyddiad adolygu

Byddwn yn adolygu’r asesiad hwn ar 1 Ebrill 2025.

Adolygu a chymeradwyo

Neges Gyfreithiol

Cafodd yr hawliad a’r asesiad uchod eu gwirio a’u cymeradwyo gan swyddog cyfreithiol DEFRA ar 18 Ebrill 2024.

Cymeradwyo gan uwch-swyddog cyfrifol

Cafodd yr hawliad a’r asesiad uchod eu gwirio a’u cymeradwyo gan Terry Gadd, perchennog yr Ased Gwybodaeth ac Arweinydd yr Asiantaeth Taliadau Gwledig ar gyfer Cynlluniau a Gwasanaethau Da Byw a Masnachwyr, ar 19 Ebrill 2024.