Canllawiau

Hysbysiad preifatrwydd APHA Cynllun teithio anifeiliaid anwes

Diweddarwyd 30 September 2024

Yn berthnasol i England, Gymru and Scotland

Mae eich data’n cael eu casglu gan

Adran yr Amgylchedd, Bwyd a Materion Gwledig (Defra) yw’r rheolydd data ar gyfer data personol y byddwch yn eu rhoi i’r Asiantaeth Iechyd Anifeiliaid a Phlanhigion (APHA).

Mae APHA yn un o asiantaethau gweithredol Defra. Gallwch gysylltu â Rheolwr Diogelu Data APHA drwy e-bost yn: data.protection@defra.gov.uk.

Mae APHA hefyd yn gweithio gyda Llywodraeth Cymru, Llywodraeth yr Alban a’r Adran Amaethyddiaeth, yr Amgylchedd a Materion Gwledig, sy’n rheolyddion ar y cyd ag APHA ar gyfer unrhyw ddata personol perthnasol.

Dylid anfon unrhyw gwestiynau am y ffordd y mae Defra ac APHA yn defnyddio eich data personol a’ch hawliau cysylltiedig i Reolwr Diogelu Data APHA drwy anfon e-bost at: data.protection@defra.gov.uk.

Gellir cysylltu â’r Swyddog Diogelu Data sy’n gyfrifol am fonitro bod Defra ac APHA yn bodloni gofynion y ddeddfwriaeth drwy e-bost yn: data.protection@defra.gov.uk.

Pa ddata personol sy’n cael eu casglu

Rydym yn casglu’r eitemau canlynol o ddata personol:

• enw
• cyfeiriad
• manylion cyswllt
• manylion yr anifeiliaid byw rydych yn berchen arnynt a/neu’n cadw

Sut y cafwyd eich data

Gall unrhyw asiant sy’n gweithredu ar eich rhan wrth wneud cais am ddogfennaeth deithio ddarparu eich data i APHA.

Pam y mae APHA yn defnyddio eich data

Mae gofyniad statudol ar APHA i gasglu a defnyddio data personol er mwyn darparu dogfennaeth i wirio a dilysu’r canlynol:

• dogfen deithio gydol oes yr anifail anwes
• manylion yr anifail anwes a’r ymgeisydd 

Mae’r ddogfennaeth hon yn hwyluso’r broses anfasnachol o symud anifeiliaid anwes ac anifeiliaid cymorth o fewn tiriogaeth y Deyrnas Unedig.

Y sail gyfreithiol dros brosesu eich data

Lle bo’n ofynnol yn ôl y gyfraith, gall data gael eu cyhoeddi ar wefan Llywodraeth y DU neu wefan yr UE.

Ceir rhagor o wybodaeth am APHA yn gov.uk/apha.

Ymhlith y seiliau cyfreithiol dros brosesu data mae’r canlynol:

• cyflawni tasg a wneir er budd y cyhoedd neu wrth arfer awdurdod swyddogol a roddir i’r rheolydd
• cydymffurfio â rhwymedigaeth gyfreithiol sydd gan y rheolydd
• cyflawni contract y mae’r gwrthrych data yn rhan ohono neu er mwyn cymryd camau ar gais testun y data cyn ymrwymo i gontract
• rydych wedi cydsynio i ni brosesu eich data at un neu fwy o ddibenion penodedig

Gofyniad cyfreithiol neu gytundebol i ddarparu data personol

Mae’n ofyniad statudol casglu eich data er mwyn galluogi APHA i gyhoeddi dogfennaeth i hwyluso’r broses anfasnachol o symud anifeiliaid anwes ac anifeiliaid cymorth o fewn tiriogaeth y Deyrnas Unedig.

Canlyniadau peidio â rhoi’r data angenrheidiol

At ddibenion statudol a budd y cyhoedd, mae angen darparu data fel y nodir yn y ddeddfwriaeth berthnasol.

I gael rhestr gyfredol o’r ddeddfwriaeth sy’n rheoli Masnach Ryngwladol, ewch i www.legislation.gov.uk/cy/.

Gyda phwy y bydd APHA yn rhannu eich data

Efallai y bydd data personol ar gael i awdurdodau lleol a chyrff cyhoeddus eraill yn y DU a’r UE er mwyn bodloni gofynion cyfreithiol.

Gallwn rannu data â Defra a’i hasiantaethau, Llywodraeth Cymru, Llywodraeth yr Alban, yr Adran Amaethyddiaeth, Amgylchedd a Materion Gwledig, a sefydliadau ac awdurdodau gorfodi eraill.

Mae’n bosibl y bydd angen i ni ryddhau gwybodaeth (gan gynnwys data personol a gwybodaeth fasnachol) o dan y ddeddfwriaeth ganlynol:

• Rheoliad Cyffredinol y DU ar Ddiogelu Data (GDPR y DU)
• Deddf Diogelu Data 2018
• Deddf Rhyddid Gwybodaeth 2000
• Rheoliadau Gwybodaeth Amgylcheddol 2004

Ni fyddwn yn caniatáu unrhyw dor cyfrinachedd diangen ac ni fyddwn yn gweithredu’n groes i’n rhwymedigaethau o dan ddeddfwriaeth diogelu data y DU.

Storio a defnyddio data personol y tu allan i’r DU

Caiff canran fach iawn o gofnodion y llywodraeth sy’n cynnwys gwybodaeth bersonol, ei dewis er mwyn eu cadw’n barhaol yn yr Archifau Cenedlaethol. Sicrheir eu bod ar gael yn unol â Deddf Rhyddid Gwybodaeth 2000, fel y’i diwygiwyd gan Ddeddf Diogelu Data 2018.

Yn bennaf, ni fydd y data a roddir gennych yn cael eu trosglwyddo y tu allan i’r Ardal Economaidd Ewropeaidd.

Am faint o amser y bydd APHA yn cadw data personol

Caiff cyfnodau cadw eu pennu drwy ystyried rhesymau statudol, rheoleiddiol, cyfreithiol a diogelwch, ochr yn ochr â gwerth hanesyddol.

Cedwir yr holl wybodaeth yn APHA yn unol â’n polisi cadw. Os hoffech gael rhagor o wybodaeth, cysylltwch ag enquiries@apha.gov.uk.

Eich hawliau

Dewch o hyd i wybodaeth am eich hawliau o dan y gyfraith diogelu data.

Cwynion

Mae gennych yr hawl i wneud cwyn am y defnydd o’ch data personol unrhyw bryd i Swyddfa’r Comisiynydd Gwybodaeth (Swyddfa’r Comisiynydd Gwybodaeth – yr awdurdod goruchwyliol diogelu data).

Siarter gwybodaeth bersonol APHA

Mae siarter gwybodaeth bersonol APHA yn nodi’n fras fanylion gwaith prosesu data personol APHA.