Hysbysiad preifatrwydd olrhain gwartheg
Diweddarwyd 29 Hydref 2024
Yn berthnasol i Gymru a Loegr
© Hawlfraint y Goron 2024
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/animal-support-measures-privacy-notice/f15d86b1-bd4a-409a-a3b7-618c24eeb9ab
Manylion am y ffordd y mae’r Asiantaeth Taliadau Gwledig (RPA) yn casglu ac yn prosesu data personol sy’n ymwneud ag olrhain gwartheg.
1. Diben Prosesu’r Data
1.1 Olrhain Gwartheg
System ar gyfer adnabod a chofrestru gwartheg.
2. Pam y gallwn brosesu eich data personol
Mae’r gyfraith yn caniatáu i ni brosesu eich data personol o dan Erthygl 6 (1)(e) o Reoliad Cyffredinol y DU ar Ddiogelu Data (GDPR y DU). Caniateir i ni brosesu data personol pan fydd angen i ni ymgymryd â thasg gyhoeddus.
3. Pa ddata personol rydym yn eu prosesu
Y wybodaeth rydym yn ei chasglu ac yn ei phrosesu yw:
- gwybodaeth gofrestru cwsmeriaid
- manylion cyfrif banc
- rhifau daliadau (CPH)
- rhifau tagiau clust
- llyfrau buchesi, cofnodlyfrau ceidwaid a chofnodion cysylltiedig
- manylion unrhyw un sy’n gweithredu ar eich rhan, er enghraifft asiant
Mae’n bosibl y byddwn yn prosesu eich data personol, gan gynnwys eich cyfeiriad e-bost a gaiff ei gynnwys mewn unrhyw gwestiynau neu adborth y byddwch yn eu hanfon atom. Mae’n bosibl hefyd y byddwn yn defnyddio eich gwybodaeth i gysylltu â chi am grantiau’r dyfodol a diweddariadau i’r polisi ffermio a fyddai’n berthnasol i chi.
4. Eich cyfrifoldeb o ran data personol pobl eraill
Os ydych wedi cynnwys data personol am bobl eraill yn eich cofnodion, mae’n rhaid i chi ddweud wrthynt. Rhaid i chi roi copi o’r Hysbysiad Preifatrwydd hwn iddynt er mwyn sicrhau eu bod yn gwybod y bydd eu data personol yn cael eu defnyddio.
5. Ble y bydd eich data personol yn cael eu storio
Rydym yn storio, yn trosglwyddo ac yn prosesu eich data personol ar ein gweinyddion yn y Deyrnas Unedig (y DU) ac yn yr Undeb Ewropeaidd (UE).
6. Am ba hyd y byddwn yn cadw eich data personol
Byddwn yn cadw eich data am hyd oes yr anifail.
Cyfeiriwch at ein Siarter Gwybodaeth Bersonol a’r adran ‘Am faint o amser y byddwn yn cadw data’ am ragor o wybodaeth am unrhyw eithriadau posibl.
7. Gyda phwy rydym yn rhannu eich data personol
Rydym yn rhannu eich data personol â’r canlynol:
- Yr Asiantaeth Safonau Bwyd
- Yr Uned Genedlaethol Troseddau Bwyd
- Yr Asiantaeth Iechyd Anifeiliaid a Phlanhigion (APHA)
- Gwasanaethau Ymchwilio Defra
- Safonau Masnach
- awdurdodau lleol
- swyddogion allanol
- lladd-dai
- gwneuthurwyr tagiau clust
- Cymdeithas Gwneuthurwyr Adnabod Da Byw Cymeradwy
- Livestock Information Ltd
- Gwasanaeth Cynghori Ffermwyr
- Gwasanaeth Cofnodi a Symud Anifeiliaid
- Bwrdd Datblygu Amaethyddiaeth a Garddwriaeth (yn ogystal ag Awdurdod Gweithredol Moch Prydain)
- Undeb Ffermwyr Ulster
- Cyfarwyddiaeth Taliadau Gwledig ac Arolygiadau Llywodraeth yr Alban
- Taliadau Gwledig Cymru Llywodraeth Cymru
- Polisi Defra
- cynlluniau gwarant fferm
8. Eich hawliau
Darllenwch ein Siarter Gwybodaeth Bersonol i gael gwybod pa hawliau sydd gennych o dan y Rheoliad Cyffredinol ar Ddiogelu Data a Deddf Diogelu Data 2018.
9. Sut i wneud cwyn
Os bydd gennych bryderon ynglŷn â’r ffordd y mae’r RPA yn defnyddio eich data personol, darllenwch am sut i gysylltu â ni neu am sut i wneud cwyn.