Gwnewch eich car nesaf yn un trydan: treial negeseua gwyddoniaeth ymddygiadol
Cyhoeddwyd 1 February 2021
© Hawlfraint y Goron 2021
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/behavioural-science-messaging-trial-make-your-next-car-electric/c0a04491-075c-40cf-9b5e-23a1ffc58220
1. Cyflwyniad
Gweithiodd yr Adran Drafnidiaeth (DfT) gyda’r Asiantaeth Trwyddedu Gyrwyr a Cherbydau (DVLA) a Swyddfa’r Cabinet i gynnal treial ymddygiadol i ymchwilio i negeseua i annog y gwerthiant o gerbydau trydan yn y modd gorau, gan gefnogi uchelgeisiau sero-net y llywodraeth. Cychwynnodd y treial ar 6 March 2020 ac fe’i cynhaliwyd am 130 niwrnod, ar yr un adeg ag ymgynghoriad y llywodraeth ynghylch cyflwyno dyddiad dod â gwerthiant ceir a faniau petrol, diesel a hybrid i ben (Chwefror i Orffennaf 2020).
Roedd y treial yn targedu pobl a oedd newydd adnewyddu’u treth car ar-lein wrth gyflwyno neges a oedd yn annog defnyddwyr i glicio trwodd i’r wefan Go Ultra Low (GUL), sy’n annog prynu cerbydau trydan.
Cymharwyd cyfanswm o 8 neges (7 neges brawf a rheolydd). Datblygwyd negeseuon gan wyddonwyr ymddygiadol mewnol yr Adran Drafnidiaeth (DfT), a chydweithwyr polisi a chyfathrebu o’r Swyddfa Cerbydau Allyriadau Isel (OLEV). Roedd y cynnwys yn amrywio o arbedion cost i fuddion amgylcheddol a llygredd aer. Cymharwyd negeseuon i weld pa rai a gynhyrchodd y raddfa clicio drwodd uchaf i GUL.
Roedd y neges fwyaf llwyddiannus yn ymwneud ag ymgynghoriad y llywodraeth ynghylch dod â gwerthiant cerbydau peiriant tanio mewnol i ben:
Mae’r Llywodraeth yn ymgynghori ynghylch dod â gwerthiant ceir a faniau petrol, diesel a hybrid i ben erbyn 2035 neu’n gynharach. Ydych chi’n barod? Gwnewch eich car nesaf yn un trydan.
Y neges fwyaf effeithiol oedd yr un a oedd yn apelio at normau cymdeithasol:
Ymunwch â’r 6,000 o yrwyr newydd bob mis sy’n newid i gerbyd trydan. Gwnewch eich car nesaf yn un trydan.
Roedd y neges ynghylch y nifer o farwolaethau oedd yn ymwneud â llygredd aer hefyd wedi perfformio’n dda, ond i raddfa lai na’r 2 flaenorol:
Mae rhwng 28,000 a 36,000 o bobl yn marw bob blwyddyn o ganlyniad i lygredd aer. Mae’r hyn rydych yn ei yrru yn gwneud gwahaniaeth. Gwnewch eich car nesaf yn un trydan.
Roedd pob neges, gan gynnwys y rheolydd, wedi cyfrannu at gynnydd i gyrchu GUL. Gan raddio’r canfyddiadau o’r astudiaeth hon, amcangyfrifir:
- y byddai’r neges reoli ‘Mae gwybodaeth ar gael am gerbydau trydan. Gwnewch eich car nesaf yn un trydan.’) yn cynhyrchu tua 350,300 o glicio drwodd i GUL yn flynyddol
- y byddai ‘Mae’r Llywodraeth yn ymgynghori ynghylch dod â gwerthiant ceir a faniau petrol, diesel a hybrid i ben erbyn 2035 neu’n gynharach. Ydych chi’n barod? Gwnewch eich car nesaf yn un trydan.’) yn cynhyrchu tua 419,900 o glicio drwodd i GUL yn flynyddol
- y byddai ‘Ymunwch â’r 6,000 o yrwyr newydd bob mis sy’n newid i gerbyd trydan. Gwnewch eich car nesaf yn un trydan.’ yn cynhyrchu tua 407,900 o glicio drwodd i GUL yn flynyddol
Perfformiodd tair neges yn waeth na’r rheolydd ac roeddent felly’n aflwyddiannus. Cynhyrchwyd y raddfa clicio drwodd isaf gan y neges ynghylch argaeledd mannau gwefru cyflym:
Mae mannau gwefru cyflym ar gyfer cerbydau trydan ar gael mewn bron pob gorsaf gwasanaethau ar y draffordd yn y DU. Gwnewch eich car nesaf yn un trydan.
Cynhyrchwyd y raddfa clicio drwodd ail isaf gan y neges ynghylch hwylustod gwefru:
Gall gwefru’ch cerbyd trydan gartref fod mor hawdd â gwefru’ch ffôn dros nos. Gwnewch eich car nesaf yn un trydan
Y drydedd neges aflwyddiannus (er i raddfa lai) oedd ynghylch cost y filltir o ddefnyddio cerbyd trydan:
Gallai cerbydau trydan llawn gostio o gyn lleied ag 1g y filltir i’w rhedeg - llai na chwarter cost y cerbydau petrol neu ddiesel mwyaf effeithiol o ran tanwydd. Gwnewch eich car nesaf yn un trydan.
Roedd y neges ynghylch allyriadau traffig a charbon wedi perfformio’n debyg i’r rheolydd: ‘Traffig ffordd yw’r cyfrannwr unigol mwyaf i allyriadau carbon yn y DU. Mae’r hyn rydych yn ei yrru yn gwneud gwahaniaeth. Gwnewch eich car nesaf yn un trydan.’
2. Effaith COVID-19
Cymharwyd graddfeydd clicio drwodd pob neges o’r adeg cyn y cyfyngiadau i ar ôl y cyfyngiadau. Yn gyffredinol, mae patrymau yn y treial yn debyg ar draws y ddau gyfnod. Fodd bynnag, yn ystod y cyfyngiadau, lleihaodd graddfeydd clicio drwodd yn sylweddol ar gyfer pob neges ar gyfartaledd o 14%.
Mae hyn yn awgrymu bod pobl yn llai parod i dderbyn pob neges yn ystod y cyfnod hwn. Roedd ‘Ydych chi’n barod?’ yn parhau i gael y raddfa clicio drwodd orau’n gyffredinol. Perfformiodd ‘Ydych chi’n barod?’ a ‘6,000 o yrwyr newydd’ yn well na’r rheolydd cyn ac ar ôl y cyfyngiadau. Perfformiodd ‘28,000 i 36,000 o farwolaethau’ yn well yn unig na’r rheolydd ar ôl y cyfyngiadau. Amrywiodd llwyddiant negeseuon trwy’r cyfyngiadau, gan amlygu pwysigrwydd cynnwys negeseuon. Mae felly’n bwysig parhau i ddatblygu a phrofi negeseuon i sicrhau ein bod yn rhoi negeseuon ar waith yn gywir.
3. Negeseuon
3.1 Cefndir y negeseuon
Datblygwyd y negeseuon a brofwyd gan wyddonwyr ymddygiadol mewnol yr Adran Drafnidiaeth (DfT), a chydweithwyr polisi a chyfathrebu o’r OLEV. Roedd cynnwys y negeseuon yn amrywio o arbedion cost i bryderon amgylcheddol a llygredd aer.
Rhoddwyd y negeseuon ar wasanaeth Trethu eich cerbyd. Ar ôl adnewyddu treth car yn llwyddiannus ar-lein, cyflwynwyd tudalen ‘Diolch’ i ddefnyddwyr. Dangoswyd neges unigol ar hap i bob defnyddiwr ar y dudalen hon ac roeddent i gyd wedi’u cysylltu â GUL.
3.2 Cynnwys negeseuon, crynodeb o gyfraddau clicio drwodd a llaw-fer
Tabl 1: cynnwys negeseuon, cyfraddau clicio drwodd a disgrifydd llaw-fer
|
Neges |
Cynnwys |
Graddfa clicio drwodd |
Llaw-fer |
|---|---|---|---|
| Prawf E |
Mae’r Llywodraeth yn ymgynghori ynghylch dod â gwerthiant ceir a faniau petrol, diesel a hybrid i ben erbyn 2035 neu’n gynharach. Ydych chi’n barod? Gwnewch eich car nesaf yn un trydan. |
3.50% |
‘Ydych chi’n barod?’ |
| Prawf B |
Ymunwch â’r 6,000 o yrwyr newydd bob mis sy’n newid i gerbyd trydan. Gwnewch eich car nesaf yn un trydan. |
3.40% |
‘6,000 o yrwyr newydd’ |
| Prawf D |
Mae rhwng 28,000 a 36,000 o bobl yn marw bob blwyddyn o ganlyniad i lygredd aer. Mae’r hyn rydych yn ei yrru yn gwneud gwahaniaeth. Gwnewch eich car nesaf yn un trydan. |
3.10% |
‘28,000 i 36,000 o farwolaethau’ |
| Prawf C |
Traffig ffordd yw’r cyfrannwr unigol mwyaf i allyriadau carbon yn y DU. Mae’r hyn rydych yn ei yrru yn gwneud gwahaniaeth. Gwnewch eich car nesaf yn un trydan. |
2.93% |
‘Allyriadau traffig a charbon’ |
|
Rheolydd |
Mae gwybodaeth ar gael ynghylch cerbydau trydan. Gwnewch eich car nesaf yn un trydan. |
2.92% |
Rheolydd |
| Prawf A |
Gallai cerbydau trydan llawn gostio o gyn lleied ag 1g y filltir i’w rhedeg - llai na chwarter cost y cerbydau petrol neu ddiesel mwyaf effeithiol o ran tanwydd. Gwnewch eich car nesaf yn un trydan. |
2.80% |
‘1g y filltir’ |
| Prawf F |
Gall gwefru’ch cerbyd trydan gartref fod mor hawdd â gwefru’ch ffôn dros nos. Gwnewch eich car nesaf yn un trydan. |
2.74% |
‘Hwylustod gwefru’ |
| Prawf G |
Mae mannau gwefru cyflym ar gyfer cerbydau trydan ar gael mewn pob gorsaf gwasanaethau ar y draffordd yn y DU. Gwnewch eich car nesaf yn un trydan. |
2.36% |
‘Argaeledd mannau gwefru’ |
4. Canlyniadau a chanfyddiadau
4.1 Pa neges oedd y fwyaf effeithiol?
Cymharwyd graddfeydd clicio drwodd i nodi pa neges a gynhyrchodd y raddfa clicio drwodd uchaf yn gyffredinol ac a oedd wedi perfformio’n sylweddol well na’r rheolydd a negeseuon eraill.
Gwnaethpwyd cymariaethau gan ddefnyddio data dros 130 niwrnod (6 Mawrth i 14 Gorffennaf 2020). Yn gyfan gwbl, roedd 4,272,526 o ddefnyddwyr gwefan y llywodraeth a oedd wedi’u olrhain ar gyfer talu treth cerbyd. Ar gyfartaledd, roedd 534,066 o ddefnyddwyr yr amod/neges.
Mae Tabl A yn yr atodiad yn cyflwyno manylion sawl defnyddiwr a welodd bob neges prawf, sawl un a gliciodd drwodd, a beth oedd y raddfa clicio drwodd ar gyfer pob neges. Mae Siart 1 yn amlygu graddfeydd clicio drwodd pob neges o’u cymharu â’r rheolydd.
Siart 1: canran y rhai a ymwelodd â gwefan talu treth cerbyd y llywodraeth a gliciodd drwodd i GUL ar gyfer pob neges yn ystod y treial cyfan (130 niwrnod o 6 Mawrth i Orffennaf 2020) (%). Perfformiodd ‘Ydych chi’n barod? orau.
| Neges | Graddfa clicio drwodd (%) |
|---|---|
| Rheolydd | 2.92 |
| Argaeledd mannau gwefru | 2.36*** |
| Hwylustod gwefru | 2.74*** |
| 1g y filltir | 2.8** |
| Allyriadau traffig a charbon | 2.93 |
| 28,000 i 36,000 o farwolaethau | 3.1*** |
| 6,000 o yrwyr newydd | 3.4*** |
| Ydych chi’n barod? | 3.5*** |
Yn y siart a’r tabl data uchod, N=4,272,526. ** yn nodi gwahaniaeth sylweddol ar lefel 1%, *** yn nodi gwahaniaeth sylweddol ar lefel 0.1%.
Noder
Ar gyfer pob siart a thabl yn y canllaw hwn:
- lle nodir N, mae N yn cynrychioli nifer y cyfranogwyr
- mae’r prawf-Z yn brawf o’r tebygolrwydd bod gwahaniaeth rhwng cymedrau dau grŵp (cyfartaleddau) yn ganlyniad hap a damwain (gau gwir)
- mae gwerth-p yn nodi’r tebygolrwydd allan o 1 bod canlyniad oherwydd hap a damwain, mae lefel arwyddocâd yn nodi’r tebygolrwydd uchafswm bod canlyniad oherwydd hap a damwain
4.2 Effeithiolrwydd negeseuon yn ystod y treial cyfan (130 niwrnod)
Mae Tabl B yn yr atodiad yn dangos manylion y cymariaethau a wnaethpwyd. Cynhyrchodd ‘Ydych chi’n barod?’ y raddfa clicio drwodd uchaf yn gyffredinol ac roedd yn sylweddol uwch na’r holl negeseuon eraill. ‘6,000 o yrwyr newydd’ oedd y neges fwyaf effeithiol nesaf, a chynhyrchodd ‘28,000 i 36,000 o farwolaethau’ y raddfa clicio drwodd drydedd uchaf. Roedd y ddwy’n sylweddol uwch na’r neges rheoli.
Canlyniad tair neges oedd nifer sylweddol o glicio drwodd oedd yn llai na’r rheolydd: Cynhyrchodd ‘Argaeledd mannau gwefru’ y raddfa clicio drwodd isaf, yna ‘Hwylustod gwefru’ a ddilynwyd gan ‘1g y filltir.’
4.3 Asesu effaith
Yn ystod yr 130 niwrnod y cynhaliwyd y treial hwn, roedd 4,272,526 yn defnyddio’r gwasanaeth Trethu eich cerbyd. Mae hyn yn golygu, cyfartaledd o tua 32,800 o ddefnyddwyr y diwrnod. Gan ddefnyddio’r gwerth hwn, gallwn ddisgwyl tua 12 miliwn o ddefnyddwyr y flwyddyn.
Wrth ddefnyddio’r nifer disgwyliedig o ddefnyddwyr y gwasanaeth Trethu eich cerbyd, gellir defnyddio’r raddfa clicio drwodd ar gyfer y gwahanol negeseuon i amcangyfrif y cynnydd potensial yn y clicio drwodd i GUL yn ystod blwyddyn.
Yr amcangyfrifon yw:
- rheolydd (2.92%), tua 350,200 o glicio drwodd
- ‘Ydych chi’n barod?’ (3.50%), tua 419,900 o glicio drwodd
- ‘6,000 o yrwyr newydd’ (3.40%), tua 407,900 o glicio drwodd
- ‘28,000 i 36,000 o farwolaethau’ (3.10%), tua 371,900 o glicio drwodd
4.4 Oedd mesurau cyfyngiadau COVID-19 wedi effeithio ar ganlyniadau?
Gallai mesurau cyfyngiadau a osodwyd er mwyn diogelu’r cyhoedd rhag COVID-19 fod wedi effeithio ar agweddau cyhoeddus ac ymddygiad clicio drwodd.
Cynhaliwyd dadansoddiad pellach i archwilio a oedd hyn wedi effeithio ar ganlyniadau’r prawf negeseuon wrth gymharu pa neges a gynhyrchodd y raddfa clicio drwodd uchaf cyn y cyfyngiadau (6 i 23 Mawrth 2020; 17 niwrnod) a pha un a gynhyrchodd y raddfa clicio drwodd uchaf ar ôl y cyfyngiadau (24 Mawrth i 14 Gorffennaf 2020; 113 o ddiwrnodau).
Siart 2: cymhariaeth graddfeydd clicio drwodd cyn ac ar ôl y cyfyngiadau ar gyfer pob neges (130 niwrnod o 6 Mawrth i 14 Gorffennaf 2020). Yn gyffredinol, roedd graddfeydd clicio drwodd ar ôl y cyfyngiadau’n is yn ystadegol na chyn y cyfyngiad.
| Neges | Cyn y cyfyngiadau | Ar ôl y cyfyngiadau |
|---|---|---|
| Ydych chi’n barod? | 4.06 | 3.4*** |
| 6,000 o yrwyr newydd | 3.64 | 3.35*** |
| 28,000 i 36,000 o farwolaethau | 3.41 | 3.02*** |
| Allyriadau traffig a charbon | 3.42 | 2.92*** |
| Rheolydd | 3.32 | 2.86*** |
| 1g y filltir | 3.22 | 2.76*** |
| Hwylustod gwefru | 3.25 | 2.68*** |
| Argaeledd mannau gwefru | 2.73 | 2.3*** |
Yn y siart a’r tabl data uchod, cyn y cyfyngiadau N= 440,269; ar ôl y cyfyngiadau N=3,828,349. ** yn nodi gwahaniaeth sylweddol ar lefel 1%, *** yn nodi gwahaniaeth sylweddol ar lefel 0.1%.
Yn gyffredinol, roedd y cyfyngiadau wedi lleihau graddfa clicio drwodd pob neges ar bwynt canran amrwd cyfartalog o 0.47%. Mae hwn yn ostyngiad cyfrannol cyfartalog o 14% ac roedd yn sylweddol ar gyfer pob neges (gweler siart 2). Gostyngodd ‘Ydych chi’n barod?’ y mwyaf o cyn i ar ôl y cyfyngiadau (4.06% i 3.40%), a ‘6,000 o yrwyr newydd y lleiaf (3.64% i 3.35%) (gweler tabl C yn yr Atodiad).
Gweler tablau D i G yn yr atodiad ar gyfer cymariaethau a manylion sawl defnyddiwr welodd bob neges prawf, sawl un a gliciodd drwodd, a beth oedd y raddfa clicio drwodd ar gyfer pob neges cyn ac ar ôl y cyfyngiadau. Gweler siart 3 a siart 4 ar gyfer sut y perfformiodd bob neges yn erbyn y rheolydd.
Cyn y cyfyngiadau, perfformiodd ‘Ydych chi’n barod?’ yn sylweddol well na’r rheolydd a gweddill y negeseuon. Roedd ’6,000 o yrwyr newydd’ hefyd yn effeithiol a pherfformiodd yn sylweddol well na’r rheolydd ond i raddfa lai. Nid oedd unrhyw negeseuon eraill yn sylweddol well na’r rheolydd.
Siart 3: canran y rhai a ymwelodd â gwefan talu treth cerbyd y llywodraeth a gliciodd drwodd i GUL ar gyfer pob neges cyn y cyfyngiadau (%) (17 niwrnod rhwng 6 i 23 Mawrth 2020). Perfformiodd ‘Ydych chi’n barod?’ orau.
| Graddfa clicio drwodd (%) | |
|---|---|
| Rheolydd | 3.32 |
| Argaeledd mannau gwefru | 2.73*** |
| Hwylustod gwefru | 3.22 |
| 1g y filltir | 3.25 |
| Allyriadau traffig a charbon | 3.41 |
| 28,000 i 36,000 o farwolaethau | 3.42 |
| 6,000 o yrwyr newydd | 3.64** |
| Ydych chi’n barod? | 4.06*** |
Yn y siart a’r tabl data uchod, N=440,269. ** yn nodi gwahaniaeth sylweddol ar lefel 1%, *** yn nodi gwahaniaeth sylweddol ar lefel 0.1%.
Ar ôl y cyfyngiadau, y negeseuon oedd yn perfformio orau oedd ‘Ydych chi’n barod?’, ‘6,000 o yrwyr newydd’ a ‘28,000 i 36,000 o farwolaethau’. Perfformiodd ‘Ydych chi’n barod?’ a ‘6,000 o yrwyr newydd’ yn debyg i’w gilydd ac roeddent yn sylweddol well na’r rheolydd. Roedd ‘28,000 i 36,000 o farwolaethau’ yn sylweddol waeth na’r ddwy neges oedd yn perfformio orau, ond roedd yn parhau i berfformio’n well na’r rheolydd.
Siart 4: canran y rhai a ymwelodd â gwefan talu treth cerbyd y llywodraeth a gliciodd drwodd i GUL ar gyfer pob neges ar ôl y cyfyngiadau (%) (17 niwrnod rhwng 24 Mawrth i 14 Gorffennaf 2020). Perfformiodd ‘Ydych chi’n barod?’ a ‘6,000 o yrwyr newydd’ orau.
| Graddfa clicio drwodd (%) | |
|---|---|
| Rheolydd | 2.86 |
| Argaeledd mannau gwefru | 2.3*** |
| Hwylustod gwefru | 2.68*** |
| 1g y filltir | 2.76** |
| Allyriadau traffig a charbon | 2.92 |
| 28,000 i 36,000 o farwolaethau | 3.02*** |
| 6,000 o yrwyr newydd | 3.35*** |
| Ydych chi’n barod? | 3.4*** |
Yn y siart a’r tabl data uchod, N=3,828,349. ** yn nodi gwahaniaeth sylweddol ar lefel 1%, *** yn nodi gwahaniaeth sylweddol ar lefel 0.1%.
5. Atodiad
5.1 Polisi cydymffurfio cwcis
Yn unol â Rheoliadau Diogelu Data Cyffredinol (GDPR), mae gan GOV.UK bolisi cydymffurfio cwcis. Oherwydd hyn, nid ydym yn gallu olrhain pob defnyddiwr i GOV.UK. Mae hyn yn golygu bod y niferoedd o’r treial hwn yn debygol o fod yn is na chyfanswm y nifer o ymweliadau â’r gwasanaeth Trethu eich cerbyd.
Olrheiniwyd gweddau tudalen unigryw, clicio drwodd i GUL, a graddfeydd clicio drwodd gan ddefnyddio Google Analytics. Oherwydd y modd y prosesir ac y cedwir data yn Google Analytics, talgrynnir niferoedd yn aml i fyny neu i lawr. Mae hyn yn achosi anghywirdebau bach mewn gweddau unigryw a chlicio drwodd wrth werthuso cyfnodau data gwahanol. Canlyniad hyn yw cyfanswm gweddau tudalen amrywiol yn ein dadansoddiad. Ni effeithir ar raddfa clicio drwodd gan hyn.
5.2 Tablau
Tabl A: manylion gweddau unigryw i wefan talu treth y llywodraeth, clicio drwodd i GUL, a graddfa clicio drwodd ar gyfer pob neges am y treial cyfan (130 niwrnod o 6 Mawrth i 14 Gorffennaf 2020)
| Neges | Gweddau unigryw o’r dudalen Trethu eich cerbyd | Clicio drwodd i GUL | Graddfa clicio drwodd (%) |
|---|---|---|---|
| A | 535,918 | 15,019 | 2.8 |
| B | 531,965 | 18,081 | 3.4 |
| C | 533,830 | 15,624 | 2.93 |
| D | 535,189 | 16,597 | 3.1 |
| E | 535,575 | 18,729 | 3.5 |
| F | 533,574 | 14,602 | 2.74 |
| G | 536,729 | 12,669 | 2.36 |
| Rheolydd | 529,746 | 15,493 | 2.92 |
Tabl B: gwahaniaeth pwynt canran yn y raddfa clicio drwodd rhwng Rheolydd, Neges E a negeseuon treial eraill (130 niwrnod rhwng 6 Mawrth i 14 Gorffennaf 2020)
| Neges | Rheolydd | Neges B | Neges D |
|---|---|---|---|
| A | -0.12 *** | -0.60 *** | -0.30 *** |
| B | + 0.48 *** | ddim ar gael | +0.30 *** |
| C | +0.01 (p=0.950) | -0.47 *** | -0.17 *** |
| D | +0.18 *** | -0.30 *** | ddim ar gael |
| E | +0.58 *** | +0.10 ** | +0.40 *** |
| F | -0.18 *** | -0.66 *** | -0.36 ** |
| G | -0.56% *** | -1.04 *** | -0.74 *** |
| Rheolydd | ddim ar gael | -0.48 *** | -0.18 *** |
Yn y tabl uchod, ** yn nodi gwahaniaeth sylweddol ar lefel 1%, *** yn nodi gwahaniaeth sylweddol ar lefel 0.1%.
Tabl C: cymariaethau o gyfraddau clicio drwodd cyn y cyfyngiadau yn erbyn ar ôl y cyfyngiadau ar gyfer pob neges (130 niwrnod o 6 Mawrth i 14 Gorffennaf 2020)
| Neges | Cyfradd clicio drwodd cyn y cyfyngiadau (%) | Cyfradd clicio drwodd ar ôl y cyfyngiadau (%) | Gostyngiad cyfrannol (%) |
|---|---|---|---|
| A | 3.22 | 2.76 | 14.29 |
| B | 3.64 | 3.35 | 7.97 |
| C | 3.42 | 2.92 | 14.62 |
| D | 3.41 | 3.02 | 11.44 |
| E | 4.06 | 3.4 | 16.26 |
| F | 3.25 | 2.68 | 17.53 |
| G | 2.73 | 2.3 | 15.75 |
| Rheolydd | 3.32 | 2.86 | 13.86 |
Tabl D: manylion gweddau unigryw gwefan talu treth y llywodraeth, clicio drwodd i GUL a graddfa clicio drwodd ar gyfer pob neges cyn y cyfyngiadau (17 niwrnod o 6 i 23 Mawrth 2020)
| Neges | Gweddau unigryw o’r dudalen Trethu eich cerbyd | Clicio drwodd i GUL | Graddfa clicio drwodd (%) |
|---|---|---|---|
| A | 55,110 | 1,772 | 3.22 |
| B | 54,959 | 1,999 | 3.64 |
| C | 55,037 | 1,880 | 3.42 |
| D | 55,261 | 1,882 | 3.41 |
| E | 55,449 | 2,252 | 4.06 |
| F | 54,563 | 1,775 | 3.25 |
| G | 55,238 | 1,509 | 2.73 |
| Rheolydd | 54,652 | 1,817 | 3.32 |
Tabl E: gwahaniaeth pwynt canran yn y raddfa clicio drwodd rhwng y Rheolydd, Neges E a negeseuon treial eraill (17 niwrnod o 6 i 23 Mawrth 2020)
| Neges | Rheolydd | Neges E |
|---|---|---|
| A | - 0.10 (p=0.310) | -0.84 *** |
| B | + 0.32 ** | -0.42 *** |
| C | +0.10 (p=0.400) | -0.64 *** |
| D | +0.09 (p=0.460) | -0.65 *** |
| E | +0.74 *** | ddim ar gael |
| F | -0.07 (p=0.510) | -0.81 *** |
| G | -0.59 *** | -1.33 *** |
| Rheolydd | ddim ar gael | -0.74 *** |
Yn y tabl uchod, ** yn nodi gwahaniaeth sylweddol ar lefel 1%, *** yn nodi gwahaniaeth sylweddol ar lefel 0.1%.
Tabl F: manylion gweddau unigryw â gwefan talu treth y llywodraeth, clicio drwodd i GUL a graddfa clicio drwodd ar gyfer pob neges ar ôl y cyfyngiadau (113 niwrnod o 24 Mawrth i 14 Gorffennaf 2020)
| Neges | Gweddau unigryw o’r wefan talu treth | Clicio drwodd i GUL | Graddfa clicio drwodd (%) |
|---|---|---|---|
| A | 479,276 | 13,225 | 2.76 |
| B | 476,394 | 15,954 | 3.35 |
| C | 479,113 | 13,988 | 2.92 |
| D | 479,055 | 14,461 | 3.02 |
| E | 479,991 | 16,312 | 3.40 |
| F | 477,909 | 12,794 | 2.68 |
| G | 480,580 | 11,043 | 2.30 |
| Rheolydd | 476,031 | 13,630 | 2.86 |
Tabl G: gwahaniaeth pwynt canran yn y raddfa clicio drwodd rhwng Rheolydd, Neges B, Neges E a negeseuon treial eraill (113 niwrnod o 24 Mawrth i 14 Gorffennaf 2020)
| Neges | Rheolydd | Neges B | Neges D | Neges E |
|---|---|---|---|---|
| A | -0.10** | -0.59*** | -0.26*** | -0.64*** |
| B | + 0.49*** | ddim ar gael | +0.33*** | -0.05 (p=0.180) |
| C | +0.06 (p=0.100) | -0.43*** | -0.10** | -0.48*** |
| D | +0.16*** | -0.33*** | ddim ar gael | -0.38*** |
| E | +0.54*** | +0.05 (p=0.180) | +0.38*** | ddim ar gael |
| F | -0.20*** | -0.67*** | -0.34*** | -0.72*** |
| G | -0.56*** | -1.05*** | -0.72*** | -1.1*** |
| Rheolydd | ddim ar gael | -0.49*** | -0.16*** | -0.50*** |
Yn y tabl uchod, ** yn nodi gwahaniaeth sylweddol ar lefel 1%, *** yn nodi gwahaniaeth sylweddol ar lefel 0.1%.