Newidiadau i’r Cynllun Cadw Swyddi yn sgil Coronafeirws o 1 Gorffennaf 2021 ymlaen
Diweddarwyd 3 March 2021
© Hawlfraint y Goron 2021
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/changes-to-the-coronavirus-job-retention-scheme/760cb49a-3a33-45f9-a92c-ec167cbf96cf
Mae’r Cynllun Cadw Swyddi yn sgil Coronafeirws wedi’i ymestyn tan 30 Medi 2021 a bydd lefel y grant sydd ar gael i gyflogwyr drwy’r cynllun yn aros yr un fath tan 30 Mehefin 2021.
1. Newidiadau i lefel y grant o 1 Gorffennaf 2021 ymlaen
O 1 Gorffennaf 2021 ymlaen, bydd lefel y grant yn cael ei gostwng a gofynnir i chi gyfrannu tuag at gostau cyflog eich cyflogeion sydd ar ffyrlo. Er mwyn bod yn gymwys ar gyfer y grant, mae’n rhaid i chi barhau i dalu eich cyflogeion sydd ar ffyrlo 80% o’u cyflog, hyd at uchafswm o £2,500 y mis, am y cyfnod y maent ar ffyrlo.
Mae’r tabl isod yn dangos lefel cyfraniad y llywodraeth a fydd ar gael yn y misoedd sydd i ddod, cyfraniad gofynnol y cyflogwr a’r swm y bydd y cyflogai yn ei gael bob mis tra bo’r cyflogai ar ffyrlo 100% o’r amser.
Mae uchafswm cyflog yn gymesur â’r oriau na chawsant eu gweithio.
| Mai | Mehefin | Gorffennaf | Awst | Medi | |
|---|---|---|---|---|---|
| Cyfraniad y llywodraeth: cyflog am oriau na chawsant eu gweithio | 80% hyd at £2,500 | 80% hyd at £2,500 | 70% hyd at £2,187.50 | 60% hyd at £1,875 | 60% hyd at £1,875 |
| Cyfraniad y cyflogwr: CYG a chyfraniadau pensiwn y cyflogwr | Iawn | Iawn | Iawn | Iawn | Iawn |
| Cyfraniad y cyflogwr: cyflog am oriau na chawsant eu gweithio | Na | Na | 10% hyd at £312.50 | 20% hyd at £625 | 20% hyd at £625 |
| Am yr oriau na chawsant eu gweithio, mae’r cyflogai’n cael | 80% hyd at £2,500 y mis | 80% hyd at £2,500 y mis | 80% hyd at £2,500 y mis | 80% hyd at £2,500 y mis | 80% hyd at £2,500 y mis |
Gallwch barhau i ddewis ychwanegu at gyflog eich cyflogeion, dros y cyfanswm o 80% a’r uchafswm o £2,500 am yr oriau na chawsant eu gweithio, allan o’ch poced eich hun.