Corporate report

DBS 2025-2028 strategy (Welsh)

Published 2 April 2025

1. Rhagair gan Gadeirydd DBS

Wrth i ni gychwyn ar ein taith dros y 3 blynedd nesaf yn y Gwasanaeth Datgelu a Gwahardd (DBS), rydym yn parhau i fod yn ymrwymedig i’r cyfraniadau a wnawn i ddiogelu’r rhai mwyaf agored i niwed yn ein cymdeithas. Nid yw ein diben a’n gweledigaeth fel sefydliad wedi methu, a dim ond esblygu mae pwysigrwydd y rhain ers iddyn nhw gael eu creu yn wreiddiol yn ein strategaeth 2020-25:

“Amddiffyn y cyhoedd trwy helpu cyflogwyr i wneud penderfyniadau recriwtio a chyflogaeth mwy diogel, a thrwy wahardd unigolion sy’n peri risg i bobl agored i niwed.”

Ein hymrwymiad i wneud recriwtio a chyflogaeth yn fwy diogel yw’r elfen ganolog sy’n gyrru popeth a wnawn yn y gwasanaeth DBS. 

Yng nghyd-destun ffocws y llywodraeth newydd ar dwf economaidd ac atal troseddu ac adsefydlu troseddwyr, rydym hefyd yn canolbwyntio ar ddarparu gwell gwerth am arian a pharhau i wella ein cynnyrch a’n gwasanaethau i amddiffyn pobl agored i niwed a galluogi i bobl i fynd i mewn i gyflogaeth yn ddiogel. 

Yn unol â’r weledigaeth hon, byddwn yn parhau i wella ansawdd, effeithlonrwydd ac effeithiolrwydd ein gwasanaethau ar draws DBS, gan hefyd feithrin sefydliad sy’n fwy cynhwysol, yn fwy tryloyw ac yn fwy ymatebol. Bydd y penderfyniadau a wnawn a’r newidiadau a wnawn dros y 3 blynedd nesaf yn paratoi’r ffordd i DBS a’i safle o fewn y dirwedd ddiogelu am flynyddoedd lawer i ddod. 

Trwy ddiffinio’r effeithiau strategol yr ydym am eu gwneud – cyfrannu at leihau’r risg o niwed, galluogi unigolion i fynd i mewn i gyflogaeth yn ddiogel, amddiffyn yr hawl i adsefydlu, a chyfrannu at dwf economaidd – bydd y strategaeth 3 blynedd hon yn dangos sut yr ydym wedi ymrwymo i gofleidio arloesedd, gwneud penderfyniadau gwybodus sy’n cael eu gyrru gan ddata, a sicrhau ein bod yn parhau i fod ar flaen y gad o ran diogelu ac amddiffyn, fel sefydliad dibynadwy. Crëwyd y strategaeth ar y cyd gyda’n staff ac mae wedi cael ei chefnogi gan sylwadau a gafwyd gan ein gwahanol bartneriaid, a thrwy gydol y cyfan, fe welwch ein huchelgeisiau sydd i gael eu cyflawni erbyn 2028, sy’n amlinellu’r gwahaniaethau y gallwn eu gwneud. 

Mae popeth rydyn ni’n ei wneud o fewn DBS, o ddatblygu ein bwriad strategol, i ddarparu ein gwasanaethau’n weithredol o ddydd i ddydd, yn cael ei ategu gan ystyriaethau cyson o ddiogelu, ansawdd, cynaliadwyedd, gwerth am arian, ac amrywiaeth a chynhwysiant. Bydd y cwsmeriaid yn parhau i fod yn flaenllaw yn yr ystyriaethau hyn ac yn y penderfyniadau a wnawn. Mae hygyrchedd hefyd yn edefyn euraidd trwy gydol y strategaeth hon, gan sicrhau ein bod yn parhau i wneud ein gwasanaethau’n fwy hygyrch i bawb sydd angen eu cyrchu, a bod y wybodaeth gywir ar gael, yn brydlon ac mewn ffordd sy’n addas i’r bobl hynny sydd angen ei chyrchu. 

Mae datblygu technoleg well yn ystyriaeth allweddol hefyd drwy’r strategaeth gyfan hon er mwyn cefnogi darpariaeth ein cynhyrchion a’n gwasanaethau, ochr yn ochr â chefnogi ein gweithlu. Rydym am i’n pobl deimlo eu bod wedi’u grymuso a’u gwerthfawrogi am y gwaith y maen nhw’n ei wneud, ac rwy’n diolch i’n staff am eu cyfraniadau bob dydd, ac am y mewnwelediad a ddarparwyd ganddynt yn rhan o’r broses o ddatblygu’r strategaeth 3 blynedd newydd hon, y maent yn rhan ganolog ohoni. 

Rydym yn gobeithio y byddwch chi’n gweld y strategaeth hon yn fuddiol, a bod yr amcanion a’r camau gweithredu a fanylir drwyddi draw yn dangos y penderfynoldeb a’r ymrwymiad sydd gennym fel sefydliad i gofleidio ymhellach ein diben a’n gweledigaeth i wneud recriwtio a chyflogaeth yn fwy diogel. Yn debyg i’n strategaeth flaenorol, rydym yn uchelgeisiol yn ein dull ond mae’r uchelgais honno’n deillio o ddealltwriaeth, a’n dyhead i ddatblygu, y cyfraniadau pwysig yr ydyn ni’n eu gwneud yn y tirlun diogelu, yn ogystal â’r gwahaniaeth y gallwn ei wneud i’n partneriaid a’n cwsmeriaid, gyda chefnogaeth ddiwyro ein pobl o fewn y DBS. 

2. Cyflwyniad y Prif Weithredwr

Trwy’r swyddogaethau datgelu a gwahardd rydyn ni’n eu cyflawni ar draws y sefydliad, mae gan DBS rôl ddiogelu unigryw. Mae’r gwaith rydyn ni’n ei wneud, o ddydd i ddydd, yn darparu amddiffyniad sylweddol i’r cyhoedd ac yn darparu cefnogaeth i gyflogwyr.  

Y llynedd, cyhoeddwyd bron i 7.4m o dystysgrifau DBS gennym – sef cynnydd o 30% o’i gymharu â 2020 pan lansiwyd ein strategaeth gyntaf. Mae gennym bron i 3 miliwn o bobl wedi tanysgrifio i’n Gwasanaeth Diweddaru, ac rydym hefyd yn cynnal y Rhestrau Gwahardd Plant ac Oedolion sydd bellach yn cynnwys bron i 100,000 o bobl, sef cynnydd o fwy na 20% o’i gymharu â phan lansiwyd ein strategaeth ddiwethaf. Rydym yn cyflogi dros 1,200 o aelodau o staff yn uniongyrchol i ddarparu’r gwasanaethau hyn a thrwy unedau datgelu heddluoedd unigol, rydym hefyd yn anuniongyrchol yn cyflogi ychydig o dan 1300 aelod o staff i gefnogi’r broses effeithiol o wiriadau DBS Manylach a Manylach gyda Rhestr(i) Gwahardd. 

Dros y 5 mlynedd diwethaf, mae nifer y gwiriadau DBS a’r atgyfeiriadau gwahardd wedi cynyddu, ond mae ansawdd ein gwasanaethau gyda DBS wedi gwneud cynnydd sylweddol yn ystod y blynyddoedd diwethaf hefyd. Mae hyn wedi bod yn sbardun allweddol i ni i sicrhau ein bod yn parhau i gefnogi’r rhai mwyaf agored i niwed, gan wneud y penderfyniadau cywir, o fewn yr amseriadau cywir. 

Heb os, bu rhai eiliadau arwyddocaol ar ein taith dros y 5 mlynedd diwethaf, gan gynnwys:

• cefnogi unigolion yn gyflym i fynd yn ôl i waith rheng flaen trwy gydol pandemig COVID-19

• sicrhau bod y rhai oedd yn gweithredu’r cynllun Cartrefi i’r Wcráin yn derbyn gwiriadau DBS oedd yn angenrheidiol i helpu i benderfynu a oedd lletywyr yn addas

• gweithredu newidiadau sylweddol i’r Ddeddf Adsefydlu Troseddwyr a rheolau hidlo i gefnogi diogelu yn y gymuned ymhellach yn ogystal â chefnogi pobl i fynd i rolau newydd yn gyflym

Rydym wedi parhau i ddatblygu ein galluoedd trawsnewid digidol, gan gynnwys lansio ein gwasanaeth atgyfeirio gwahardd ar-lein newydd sy’n ei gwneud hi’n gyflymach ac yn haws i bobl atgyfeirio unigolion i dderbyn ystyriaeth am wahardd. Rydym hefyd wedi lansio cam cychwynnol gwasanaeth ymgeisio ar-lein newydd ar gyfer ceisiadau gwirio DBS Safonol, Manylach, a Manylach gyda Rhestr(i) Gwahardd, a fydd yn ei gwneud hi’n haws i ystod o gyrff cofrestredig gael mynediad at ein gwasanaethau. Mae’r llwyfannau hyn wedi’u llunio gyda phrofiad y defnyddiwr mewn golwg, gan sicrhau eu bod yn reddfol ac yn hygyrch i gwsmeriaid. 

Rydym hefyd wedi cyflwyno awtomeiddio i rai o’n gweithrediadau gwasanaeth cwsmeriaid, gan wella effeithlonrwydd ac ansawdd i’n cwsmeriaid. Roedd ein gwasanaeth gwirio DBS Sylfaenol ar-lein yn un o’r gwasanaethau digidol cyntaf ar draws y llywodraeth i gyflawni’r safon ‘wych’ a chwenychir, fel y mae wedi ei diffinio gan Wasanaeth Digidol y Llywodraeth ac mae’n parhau i ddatblygu a gwella mewn ymateb i anghenion ac adborth cwsmeriaid. 

Lansiwyd gwasanaeth allgymorth newydd gennym – sydd, yn ei 3 blynedd gyntaf, wedi ymgysylltu â bron i 50,000 o bobl – i ddarparu cyngor, hyfforddiant a chefnogaeth wedi’iu teilwra i gyflogwyr mewn perthynas â gwiriadau DBS a’r broses wahardd, gan gynnwys y gofyniad statudol i sefydliadau penodol gyfeirio pobl at y gwasanaeth DBS os yw rhywun wedi niweidio oedolyn neu blentyn agored i niwed, neu wedi eu rhoi mewn perygl. Mae llawer mwy i’w wneud yn y cyswllt hwn a bydd y strategaeth hon yn adlewyrchu ein huchelgeisiau newydd. 

Roedd ein strategaeth ddiwethaf hefyd yn uchelgeisiol o ran datblygu ein staff, gan fod sicrhau bod gennym y bobl iawn, gyda’r set gywir o sgiliau a lefel dealltwriaeth, yn gwneud y pethau cywir, yn sbardun allweddol i lwyddiant y gwasanaeth DBS. Rydym wedi parhau i wneud gwelliannau sylweddol i bawb sy’n gweithio yn y gwasanaeth DBS, gan gynnwys opsiynau gweithio hyblyg sydd wedi ein galluogi i ddenu a chadw staff medrus ac ymroddedig a chynnal ein safonau gwasanaethau cwsmeriaid o ansawdd uchel, i gyflwyno a datblygu ein Hacademi DBS ein hunain. Mae’r academi yn sicrhau bod gan ein staff fwy o allu i gael mynediad at ddysgu a datblygiad sy’n berthnasol i’w rôl ac i’n cyfrifoldebau diogelu ehangach.  

Mae sicrhau ein bod cefnogi, datblygu a buddsoddi yn sgiliau ein staff, sydd yn eu tro yn cefnogi ein cwsmeriaid orau ac yn cyfrannu at ddiogelu’r rhai sydd mewn perygl o niwed, yn un o ymrwymiadau hirdymor bwrdd DBS a’n tîm arweinyddiaeth strategol.  

2.1 Edrych i’r dyfodol

Datblygwyd ein strategaeth flaenorol i newid ac ymwreiddio’r sylfeini yr ydym yn gweithio arnynt, ac rydym wedi cyflawni’r rhan fwyaf o’r hyn yr oeddem yn bwriadu ei gyflawni erbyn 2025. Mae’r strategaeth newydd hon wedi ystyried llawer o leisiau, yn fewnol ac yn allanol, ac mae wedi’i datblygu i yrru a chyflawni’r newidiadau pellach sydd eu hangen i drawsnewid ein gwasanaethau i gwsmeriaid. 

Mae ein hamcanion wedi’u nodi’n glir yn y strategaeth hon, ac maent yn cefnogi ein gweledigaeth a rennir i wneud recriwtio a chyflogaeth yn fwy diogel, gan ddarparu gwasanaeth o ansawdd rhagorol, a sicrhau bod ein pobl yn deall y cyfraniadau pwysig y maent yn eu gwneud i ddiogelu. Bydd cyflawni’r amcanion hyn yn golygu newid pellach ledled y sefydliad gan gynnwys ail-lunio ein timau Gweithrediadau mewnol a chyflwyno technoleg newydd i gefnogi cyflenwi ein cynhyrchion a’n gwasanaethau yn well.    

Bydd ein model llywodraethu cadarn yn parhau i ddarparu goruchwyliaeth a sicrwydd, ac yn llywio penderfyniadau allweddol, yn ogystal â sicrhau ein bod yn cydymffurfio â’n dirprwyaethau ffurfiol gan y Swyddfa Gartref ac yn bodloni’r rhwymedigaethau cyfreithiol a rheoleiddiol perthnasol. 

Er mwyn cyflawni ein diben, cyflawni ein gweledigaeth, a chael yr effeithiau cywir erbyn 2028, byddwn yn canolbwyntio ar y 5 amcan strategol canlynol dros y 3 blynedd nesaf:

1. Ein cynnyrch a’n gwasanaethau: Byddwn yn darparu cynhyrchion a gwasanaethau hygyrch, amserol ac o ansawdd uchel yn effeithiol.

2. Bod yn weladwy, a dylanwadol ac yn sefydliad y gall pobl ymddiried ynddo: Byddwn yn sefydliad gweladwy, dibynadwy a dylanwadol trwy ddarparu ymgysylltiad ychwanegol wedi’i dargedu a chyflawni canlyniadau mesuradwy gyda’n rhanddeiliaid.

3. Cyflawni trwy dechnoleg arloesol: Byddwn yn defnyddio technolegau arloesol i gefnogi datblygiadau mewn prosesau a chynyddu ein gallu a’n hystwythder i ymateb i ofynion yn y dyfodol, gan wella effeithlonrwydd ac effeithiolrwydd ein gwasanaethau.

4. Arweiniad gan fewnwelediad a data cwsmeriaid: Byddwn yn cael ein harwain gan ddata cwsmeriaid a mewnwelediad, yn chwilio’n weithredol am ddata ac adborth ac yn eu defnyddio i yrru newid yn y gwasanaeth DBS, gan ddarparu’r daith orau bosibl i’n cwsmeriaid a dylanwadu ar newid yn allanol.

5. Rhoi’r ffocws ar bobl: Byddwn yn arwain ac yn cefnogi ein pobl i lywio ac addasu i newid, gan sicrhau bod DBS yn parhau i gyflawni ei rôl ddiogelu mewn ffordd gynaliadwy.

Mae’r strategaeth hon yn amlinellu ein llwybr ymlaen, gan fanylu ar yr hyn yr ydym am ei gyflawni erbyn 2028. Mae nifer o weithgareddau yr ydym eisoes wedi ymrwymo iddynt, gan weithio gyda’n cydweithwyr partner, yn cynnwys:

• Gweithio gyda’r Swyddfa Gartref ac adrannau eraill y llywodraeth i ddatblygu camau gweithredu i ymateb i argymhellion perthnasol a wnaed gan yr Ymchwiliad Annibynnol i Gam-drin Plant yn Rhywiol (IICSA)

• gweithio gyda Chyngor Cenedlaethol Penaethiaid yr Heddlu a’r Swyddfa Gartref i nodi opsiynau ar gyfer mynediad mwy effeithlon gan DBS at wybodaeth yr heddlu, gan gynnwys cefnogi’r trawsnewidiad o Gyfrifiadur Cenedlaethol yr Heddlu (PNC) i’r Gronfa Ddata Gorfodi’r Gyfraith (LEDS)

• datblygu ein galluoedd paru ymhellach i leihau nifer y ceisiadau sy’n gofyn am fewnbwn yr heddlu

• gweithredu technoleg newydd i gefnogi ymhellach ein swyddogaethau datgelu a gwahardd; bydd hyn yn cynnwys gwella diogelu trwy ddefnyddio technoleg i symleiddio prosesau rhwng DBS a’r heddluoedd ymhellach, gan alluogi cwblhau gwiriadau DBS yn gyflymach a gostwng costau yn y tymor hirach. Byddwn hefyd yn defnyddio technoleg gynorthwyol, gan gynnwys deallusrwydd artiffisial (AI), i ryddhau staff i wneud penderfyniadau gwahardd mwy amserol

Mae gennym hefyd nifer o gamau gweithredu ychwanegol y byddwn yn eu datblygu yn ystod y strategaeth hon, gan gynnwys parhau i wella ein swyddogaeth mewnwelediad er mwyn datblygu dealltwriaeth ehangach o’r dirwedd ddiogelu, datblygu hygyrchedd ein gwasanaethau i gwsmeriaid ymhellach, cynnig mwy o hyblygrwydd i staff mewn arferion gwaith, hyrwyddo trawsnewidiad ein gwasanaethau i rai digidol o un pen i’r llall, cydweithio’n ehangach â phartneriaid a rhanddeiliaid i gynyddu cyd-gyflawni ffurfiol a threialu a rhoi cynnig ar ddefnyddio technoleg arloesol i gefnogi ein penderfyniadau’n well.

3. Cyd-destun ehangach ar gyfer datblygu ein strategaeth

Mae’r gwasanaeth DBS yn gweithredu o fewn tirlun cymhleth ac mae’r strategaeth hon wedi cael ei datblygu gyda gyrwyr allanol perthnasol mewn golwg i ddarparu gwasanaeth effeithiol, effeithlon ac o safon uchel yn y blynyddoedd i ddod. Rydym wedi llunio ein dull drwy ganolbwyntio ar ddiogelu’r rhai sydd mewn perygl o niwed, helpu i alluogi unigolion i fynd i mewn i waith yn ddiogel, amddiffyn hawliau unigolion i adsefydlu, a darparu gwasanaethau gwerth am arian i gefnogi twf economaidd ledled Cymru a Lloegr, ac yn ein hystyriaethau gwahardd ar gyfer Gogledd Iwerddon. 

Mae cenhadaeth y llywodraeth newydd wedi rhoi pwyslais cadarn ar atal troseddau ac amddiffyn y rhai sydd mewn perygl o niwed, gan gynnwys ymrwymiad traws-lywodraethol i haneru trais yn erbyn menywod a merched dros y 10 mlynedd nesaf. Dros gyfnod y strategaeth hon, byddwn yn cyd-fynd â’r blaenoriaethau hyn ar amddiffyn a diogelu’r cyhoedd a byddwn yn sicrhau bod ein mentrau hefyd yn cefnogi amcanion ehangach y llywodraeth. 

Mae ffactorau economaidd yn effeithio ar y gwasanaeth DBS o ran costau’r gwasanaeth rydyn ni’n ei ddarparu a’r galw am y gwasanaethau hynny, a byddwn yn parhau i lywio’r heriau hyn wrth sicrhau gwerth am arian a darparu gwasanaethau o ansawdd uchel. Bydd buddsoddi nawr, i gynilo yn y dyfodol yn ystyriaeth allweddol wrth i ni gyflawni ein hamcanion strategol dros y 3 blynedd nesaf a gwella ein gallu technolegol. Mae’r strategaeth hon hefyd yn canolbwyntio ar bwysigrwydd mewnwelediad – gan ddefnyddio data ac adborth i ddarparu’r daith orau bosibl i’n cwsmeriaid, i yrru newid o fewn DBS, ac i ddylanwadu ar newid yn allanol. 

Gan fod DBS yn gweithio ledled Cymru a Lloegr ar gyfer gwasanaethau datgelu a gwahardd, yn ogystal â darparu gwasanaeth gwahardd yng Ngogledd Iwerddon, mae hyn yn golygu ein bod yn gwasanaethu poblogaeth amrywiol gydag anghenion diogelu amrywiol. Bydd ffactorau cymdeithasol fel poblogaeth sy’n heneiddio, mwy o ymwybyddiaeth o faterion diogelu, a disgwyliadau’r cyhoedd am dryloywder ac atebolrwydd, oll yn parhau i ddylanwadu ar y galw am ein gwasanaeth ac am ddarpariaeth ein gwasanaethau. Ein nod yw mynd i’r afael â’r heriau hyn trwy wella mynediad at wasanaethau ac ansawdd gwasanaethau.  

Bydd datblygiadau technolegol yn parhau i drawsnewid ein gweithrediadau. Rydym yn cofleidio trawsnewid digidol, gyda datblygiad llwyfannau ar-lein ac awtomeiddio wrth brosesu gwiriadau i wella effeithlonrwydd a chywirdeb. Mae buddsoddi mewn technoleg arloesol yn hanfodol ar gyfer moderneiddio gwasanaethau a chynnal ein safonau uchel o ddiogelwch a diogelu data. Bydd harneisio’r dechnoleg hon nid yn unig yn cefnogi gwelliannau i’n prosesau gweithredol ond bydd hefyd yn cynyddu ein gallu i ymateb i ofynion yn y dyfodol a bydd yn gwella effeithlonrwydd ac effeithiolrwydd cyffredinol ein gwasanaethau.  

Rydym yn parhau i fod yn ymrwymedig i arferion cynaliadwy, gan leihau ein hôl troed carbon lle bynnag y gallwn. 

Mae DBS yn gweithredu o fewn fframwaith o ofynion cyfreithiol a rheoleiddiol ac mae hynny’n cynnwys gweithio gydag ystod o sefydliadau allanol gan gynnwys adrannau eraill y llywodraeth, rheoleiddwyr, a chyrff masnach.  

Yn fewnol, rydym yn parhau i ddatblygu ein gweithlu medrus a thalentog gyda ffocws ar well hyfforddiant a datblygiad staff, a meithrin amgylchedd gwaith cydweithredol. Rydym hefyd yn anelu at symleiddio darpariaeth y gwasanaethau trwy brosesau integredig a phartneriaethau gydag endidau diogelu eraill a byddwn yn cynnal ein model llywodraethu lefel uchel i sicrhau cydymffurfiaeth â rheoliadau, dirprwyaethau, a thrwy strwythur y bwrdd ar gyfer cyfeiriad a sicrwydd strategol. 

4. Ein fframwaith strategol

Mae ein fframwaith strategol wedi cael ei symleiddio am y 3 blynedd nesaf; mae’r pwrpas a’r weledigaeth presennol yn parhau, ond yr effeithiau y gallwn eu gwneud erbyn 2028 yw ffocws y strategaeth bellach. Bydd y camau cadarnhaol a gymerir i gyflawni’r effeithiau yn cael eu hystyried o dan ein 5 amcan strategol newydd.  

4.1 Ein Diben

Amddiffyn y cyhoedd trwy helpu cyflogwyr i wneud penderfyniadau recriwtio a chyflogaeth mwy diogel, a thrwy wahardd unigolion sy’n peri risg i bobl agored i niwed. 

4.2 Ein Gweledigaeth

Byddwn yn gwneud recriwtio a chyflogaeth yn fwy diogel, trwy fod yn sefydliad gweladwy a dylanwadol y gellir ymddiried ynddo. Byddwn yn darparu gwasanaeth o ansawdd rhagorol i’n holl gwsmeriaid a phartneriaid. Bydd ein pobl yn deall y cyfraniadau pwysig y maent yn eu gwneud i ddiogelu ac yn teimlo’n falch o weithio mewn sefydliad cynhwysol a chynyddol amrywiol. 

4.3 Ein heffeithiau strategol erbyn 2028

Bydd popeth a wnawn rhwng nawr a 2028 yn cyflawni ein heffeithiau strategol; bydd yr holl weithgareddau i gwblhau’r cyflawniad hwnnw yn cael eu cynnal i sicrhau gwahaniaeth cadarnhaol mewn diogelu, gwella ansawdd ein gwasanaethau, sicrhau’r gwerth gorau am arian, cynaliadwyedd, a gwell amrywiaeth, cynhwysiant a lles. 

Byddwn yn cyfrannu at leihau’r risg o niwed i blant, oedolion agored i niwed, sefydliadau, a chymdeithas ehangach. Byddwn yn helpu i alluogi unigolion i fynd i mewn i gyflogaeth yn ddiogel ac amddiffyn yr hawl i adsefydlu.

Byddwn yn cyfrannu at dwf economaidd trwy ddarparu gwasanaethau gwerth am arian sy’n cefnogi cyflogwyr i wneud penderfyniadau recriwtio a chyflogaeth effeithiol ac effeithlon. 

4.4 Ein hamcanion strategol

Yn dilyn ymgynghori â staff a phartneriaid, rydym wedi datblygu 5 amcan strategol (AS) allweddol i’n galluogi i gyflawni popeth yr ydym am ei wneud erbyn 2028.  

Mae’r rhain yn adlewyrchu elfennau o’r strategaeth flaenorol ond maent wedi’u hail-fframio a’u diweddaru i yrru newid pellach dros y 3 blynedd nesaf. 

AS1: Ein cynnyrch a’n gwasanaethau

Byddwn yn darparu cynhyrchion a gwasanaethau hygyrch, amserol ac o ansawdd uchel yn effeithiol.   

AS2: Bod yn weladwy a dylanwadol ac yn sefydliad y gall pobl ymddiried ynddo

Byddwn yn sefydliad mwy gweladwy, dibynadwy a dylanwadol trwy ddarparu ein gwasanaethau yn effeithiol a chyflawni canlyniadau mesuradwy gyda’n rhanddeiliaid.  

AS3: Cyflawni trwy dechnoleg arloesol

Byddwn yn defnyddio technolegau arloesol i gefnogi datblygiadau prosesau a chynyddu ein gallu a’n hystwythder i ymateb i ofynion yn y dyfodol, gan wella effeithlonrwydd ac effeithiolrwydd ein gwasanaethau.  

AS4: Arweiniad gan fewnwelediad a data cwsmeriaid

Byddwn yn cael ein harwain gan gwsmeriaid a mewnwelediad, gan fynd ati’n weithredol i chwilio am ddata ac adborth a’u defnyddio i ddarparu’r daith orau bosibl i’n cwsmeriaid, gyrru newid yn y gwasanaeth DBS a dylanwadu ar newid yn allanol. 

AS5: Rhoi’r ffocws ar bobl

Byddwn yn arwain ac yn cefnogi ein pobl i lywio ac addasu i newid, gan sicrhau bod y gwasanaeth DBS yn parhau i gyflawni ei rôl ddiogelu mewn ffordd gynaliadwy. 

Yn yr adrannau perthnasol, bydd pob amcan strategol yn amlinellu beth mae’n olygu a pha wahaniaeth fydd yn cael ei wneud ym mhob blwyddyn o’r strategaeth. Bydd hefyd yn disgrifio sut y mae’r rhain yn eu tro yn cefnogi cyflawniad ein heffeithiau strategol. 

5. Ein gwerthoedd, ein hymddygiadau a’n hamcanion cydraddoldeb

Mae ein gwerthoedd a’n hymddygiadau yn parhau i fod wrth wraidd yr hyn a wnawn.  Fodd bynnag, rydym wedi gwella ein hymrwymiad i wella amrywiaeth a chynhwysiant ymhellach yn ein gwaith trwy ddatblygu amcanion cydraddoldeb penodol. 

Rydym yn mynd ar drywydd rhagoriaeth

Rydym yn ein herio ein hunain i fod yn greadigol ac archwilio ffyrdd newydd o weithio fel y gallwn ddarparu’r gwasanaeth gorau posibl i’n cwsmeriaid. 

Rydym bob amser yn ceisio cynhyrchu gwaith o’r ansawdd gorau y gallwn, yn gyson ac yn gywir. 

Rydyn ni’n gweithio gyda’n gilydd

Rydym yn cydweithio, rydym yn gwrando, yn dysgu ac yn rhannu gwybodaeth gyda’n cydweithwyr ledled DBS a gyda phartneriaid allanol. 

Rydym yn parchu ac yn gwerthfawrogi pawb, ac rydym yn cydnabod ac yn gwerthfawrogi ein hymdrechion ein gilydd. Rydym yn dryloyw, ac rydym yn cyfathrebu’n glir, yn agored, a gyda thryloywder yn ein holl ryngweithiadau yn y gwaith. 

Rydym yn gweithredu gydag uniondeb

Rydym yn atebol, rydym yn cymryd cyfrifoldeb am ein gweithredoedd a’n penderfyniadau, ac yn cyflawni ein haddewidion. Rydym yn gwneud yn siŵr ein bod yn trin ein holl gydweithwyr yn deg. 

Rydym yn ymddwyn gyda phroffesiynoldeb, gan geisio gwneud y peth iawn. Rydym yn canolbwyntio ar y cwsmer, gan roi anghenion ein cwsmeriaid yn gyntaf yn ein holl weithredoedd yn y gwaith, a gwneud yn siŵr ein bod yn darparu’r gwasanaeth gorau posibl iddynt. 

Rydym yn Cofleidio Amrywiaeth a Chynhwysiant

Dros y tair blynedd nesaf, ein hamcanion penodol o ran cydraddoldeb yw bod y gwasanaeth DBS yn gwneud y pethau hyn:

• bod yn ymatebol i anghenion a disgwyliadau staff a chwsmeriaid sy’n esblygu yn y penderfyniadau a gymerwn a’r cynhyrchion a’r gwasanaethau rydym yn eu cynnig, yn ogystal â chefnogi ac annog dysgu cydraddoldeb, amrywiaeth a chynhwysiant i staff

• gwella’r ddealltwriaeth o staff a chwsmeriaid o gefndiroedd amrywiol trwy gyfleoedd ymgysylltu a chasglu data, i alluogi datblygiad gweithredol newidiadau i blisi a gwasanaethau, ac olrhain yr effaith

• bod yn weithle cynhwysol yn reddfol, yn unol â’n model ‘5 Is of Inclusion’ a nodir yn adran 6, gan sicrhau bod gwahaniaethau a phrofiadau staff unigol yn cael eu cydnabod, eu gwerthfawrogi a’u dathlu yn ogystal â gwella’r gwasanaeth i gwsmeriaid 

• parhau i gydymffurfio â’n rhwymedigaethau cyfreithiol o ran cydraddoldeb, amrywiaeth a chynhwysiant a bod yn rhagweithiol wrth greu diwylliant cwbl gynhwysol, yn fewnol a gyda’n rhanddeiliaid 

6. Cydraddoldeb, amrywiaeth a chynhwysiant yn y gwasanaeth DBS

Mae cydraddoldeb, amrywiaeth a chynhwysiant (EDI) yn sylfeini craidd ar gyfer gyrru arloesedd, cydweithredu a llwyddiant sefydliadol. Trwy feithrin amgylchedd sy’n gwerthfawrogi gwahaniaethau unigol ac yn sicrhau triniaeth deg, gallwn ddatgloi potensial llawn ein staff a chefnogi ein cwsmeriaid yn well. Rydym wedi gweithio’n galed yn y maes hwn ac rydym yn parhau â’n hymrwymiad i wella ein cyflawniad EDI ymhellach gyda’n model ‘5 Is of Inclusion’ trwy gydol cyfnod y strategaeth 3 blynedd nesaf hon. 

Mae amrywiaeth yn dod ag unigolion o gefndiroedd, diwylliannau a phrofiadau amrywiol ynghyd ac mae hyn yn gwella’r gallu i ddatrys problemau a’r greadigedd. Wrth ddatblygu amrywiaeth ein meddwl ymhellach, byddwn yn cynhyrchu syniadau ac atebion arloesol sy’n adlewyrchu ein sylfaen cwsmeriaid eang ac amywiol yn ein swyddogaethau datgelu a gwahardd.  

Gyda diwylliant greddfol gynhwysol, byddwn yn ceisio sicrhau bod pob aelod o staff yn teimlo ei fod yn cael ei werthfawrogi a’i gynnwys yn ein prosesau gwneud penderfyniadau, a byddwn yn sicrhau bod ein staff a’n cwsmeriaid yn cael eu gweld a’u clywed wrth ddatblygu a gwella ein cynhyrchion a’n gwasanaethau. Mae ein haelodau SLT yn “Llysgenhadon Cynhwysiant”, sy’n cefnogi Cynhwysiant ar draws DBS gyda Hyrwyddwyr nodweddiadol penodol yn eistedd o fewn ein cydweithwyr Cyfarwyddwr Cyswllt. Mae’r dull hwn yn sicrhau bod Cynhwysiant wedi’i ymgorffori yn DBS gydag arweinyddiaeth yn ysbrydoli cynhwysiant ym mhopeth y maent yn ei wneud.  Mae hyn yn gonglfaen i’n cyflwyniad EDI.  

Mae ein model ‘5 Is of Inclusion’ wedi’i adeiladu ar y ddealltwriaeth bod gan bob aelod o staff rôl hanfodol wrth ddatblygu, cynnal a dathlu EDI yn y gwasanaeth DBS. Y ‘5 I’ (sef ‘i’ yn Saesneg) yw Ysbrydoli Cynhwysiant, Dylanwadu ar Gynhwysiant, Gwella Cynhwysiant, Hysbysu Cynhwysiant a bod yn Reddfol Gynhwysol:

• Trwy Ysbrydoli Cynhwysiant, gall pob aelod o staff gefnogi ein mentrau, a gwneud gwahaniaeth cadarnhaol i gydweithiwr neu gwsmer

• O ran Dylanwadu ar Gynhwysiant, gall ein harweinwyr ac aelodau tîm gael eu grymuso i eirioli dros arferion a pholisi cynhwysol – gan gyflwyno syniadau i’w troi’n weithredoedd er mwyn gyrru newid cadarnhaol i staff a chwsmeriaid

• Trwy’r Gwella Cynhwysiant, gallwn sicrhau ein bod yn adolygu a gwella cyflwyniad EDI yn barhaus; ac yn ymgorffori adborth er mwyn datblygu polisïau ac arferion ar gyfer ein gweithlu amrywiol a’n sylfaen cwsmeriaid

• Trwy Hysbysu Cynhwysiant, rydym yn meithrin tryloywder a chyfathrebu agored, yn annog timau i gael y sgyrsiau mwy ‘anodd’ a dysgu o brofiadau byw i wella ein diwylliant cynhwysol

• Mae datblygu diwylliant gwirioneddol Reddfol Gynhwysol yn golygu ennyn dealltwriaeth a gwerthfawrogiad naturiol o amrywiaeth; ymgorffori ymddygiad cynhwysol ar draws y sefydliad gan ddefnyddio strwythur cymorth dan arweiniad cydweithwyr.  

Trwy gydol y strategaeth nesaf hon, byddwn yn archwilio cyfleoedd ar gyfer hygyrchedd a data demograffig / EDI i gael eu cofnodi trwy gydol taith y cwsmer i yrru gwelliannau i wasanaethau. Mae hyn yn cynyddu’r cyfle i staff ddysgu ac iddynt ddangos eu dealltwriaeth a’u gweithrediad o’n model cynhwysiant ochr yn ochr â’n cyfrifoldebau cyfreithiol ar y cyd a gwelliannau rhagweithiol i hygyrchedd ein gwasanaethau. Byddwn yn sicrhau, wrth i ni ddatblygu trawsnewidiad ein gwasanaethau i wasanaethau digidol o un pen i’r llall, bod anghenion hygyrchedd yn cael eu cadw ac y rhoddir opsiynau i gwsmeriaid.  

Mae ein hymrwymiad i EDI yn y gwasanaeth DBS yn amlwg yn y ffaith ei fod wedi’i ymgorffori trwy gydol y strategaeth fel ‘ffocws sylfaenol’. Bydd pob penderfyniad a gweithgaredd yn cael ei ystyried trwy lens EDI. Mae gennym rai rhwymedigaethau cyfreithiol – fel ein Dyletswydd Cydraddoldeb Sector Cyhoeddus – i’w bodloni pan fyddwn yn meddwl am EDI yn y gwasanaeth DBS, ond mae ein hymrwymiad a’n gweledigaeth yn ehangach na chydymffurfiaeth.  

Byddwn yn mesur ein hymdrechion EDI trwy gyfuniad o adborth staff, yn ffurfiol ac yn anffurfiol, gan gynnwys trwy ein harolwg Ymgysylltu â Gweithwyr ac arolygon dirybudd yn ystod y flwyddyn, trwy olrhain ein Dangosyddion Perfformiad Allweddol perthnasol, cwblhau hyfforddiant, cwblhau gweithgareddau blynyddol sy’n gysylltiedig ag EDI i gyflawni ein hamcanion a thrwy fecanweithiau mewnol fel ein Grŵp Llywio Pobl ac adroddiadau’r Pwyllgor Archwilio a Risg.  

Mewn gwirionedd, mae EDI yn y gwasanaeth DBS yn ymwneud â phob aelod o staff, a phob cwsmer. Rydym yn ymroddedig i adeiladu diwylliant cynhwysol, gwella polisïau ac arferion lle mae ei angen arnynt, cael sicrwydd allanol am unrhyw newidiadau i gynhyrchion a gwasanaethau i sicrhau eu bod yn gweithio i’r rhai sydd eu hangen, a dod yn llais blaenllaw o arfer da mewn perthynas â gweithgareddau EDI a darparu gwasanaethau ar draws y sector cyhoeddus erbyn 2028.

7. Amcan Strategol 1: Ein cynhyrchion a’n gwasanaethau

“Byddwn yn darparu cynhyrchion a gwasanaethau hygyrch, amserol ac o ansawdd uchel yn effeithiol.”

Ein nod yw cynnig cynhyrchion a gwasanaethau sy’n hawdd i bawb eu cyrchu ac ymgysylltu â nhw, ochr yn ochr â bodloni safonau ansawdd uchel. Rydym wedi ymrwymo i sicrhau bod y rhain yn cael eu cyflawni’n brydlon ac yn effeithlon, heb oedi diangen i gefnogi ein heffeithiau sefydliadol ar gyfrannu at leihau’r risg o niwed a chefnogi twf economaidd. 

Bydd cyflawni’r amcan strategol hwn yn dod â’r gwahaniaethau canlynol yn ein cynhyrchion a’n gwasanaethau bob blwyddyn i sicrhau y byddwn yn ymateb i anghenion a disgwyliadau cwsmeriaid erbyn 2028 trwy drawsnewid gwasanaethau i rai digidol o un pen i’r llall. Byddwn yn gwella ei effeithlonrwydd a’i effeithiolrwydd yn ei weithrediadau datgelu ac yn cefnogi recriwtio a chyflogaeth fwy diogel yn y dirwedd ddiogelu trwy well gwybodaeth, dealltwriaeth a mynediad i’n swyddogaethau gwahardd. Ni fydd hygyrchedd y gwasanaeth wedi’i gyfyngu i’n rhwymedigaethau EDI ond bydd yn sicrhau bod y wybodaeth gywir wrth law gan bawb sydd angen gwybod am DBS a’r rôl rydyn ni’n ei chwarae wrth ddiogelu, a’u bod yn gallu cael mynediad at ein gwasanaethau mewn ffordd sy’n addas iddyn nhw. 

Blwyddyn 1:

• Bydd hygyrchedd gwasanaethau yn cael ei wella ymhellach yn unol â gofynion deddfwriaethol ac anghenion cwsmeriaid

• Bydd cyfleoedd i gydweithio mewn perthynas â gwybodaeth yr heddlu, ac opsiynau ar gyfer mynediad mwy effeithlon i wybodaeth yr heddlu, yn cael eu harchwilio gyda’r Swyddfa Gartref a Chyngor Penaethiaid Cenedlaethol yr Heddlu. Bydd datblygiad pellach hefyd yn ein gallu i baru, fel y nodir ar SO3.1

• Bydd prosesau dilysu hunaniaeth (ID) yn cael eu datblygu yn unol â deddfwriaeth yr Adran Gwyddoniaeth, Arloesi a Thechnoleg

Blwyddyn 2:

• Bydd Cyrff Cofrestredig a Sefydliadau Cyfrifol yn gallu cyflawni achrediad DBS ar gyfer eu gwasanaethau o fewn y drefn

• Bydd cyfleoedd i weithio gydag adrannau’r Llywodraeth i leihau nifer y ceisiadau sy’n gwrthdaro yn cael eu harchwilio

Blwyddyn 3:

• Bydd ymgeiswyr yn gallu profi eu hunaniaeth yn haws trwy adnoddau digidol a lleihau dibyniaeth ar ddilysu ID â llaw

• Byddwn yn cynnig darparu gwasanaethau cyflymach a byddwn yn gwella effeithiolrwydd prosesau gweithredol a chefnogi gyda chymorth technoleg arloesol

• Byddwn yn ymatebol i anghenion a disgwyliadau cwsmeriaid trwy drawsnewid gwasanaethau i rai digidol o un pen i’r llall; gan gynnwys gwell gallu i ryngweithio’n uniongyrchol â ni, a bodloni gofynion hygyrchedd perthnasol

• Bydd ein systemau technoleg yn cael eu moderneiddio trwy gwblhau’r gwaith o ddarparu ein cyfres dechnoleg genhedlaeth nesaf

Dylanwadu’n gadarnhaol ar ein heffeithiau strategol

Byddwn yn cyfrannu at leihau’r risg o niwed i blant, oedolion agored i niwed, sefydliadau, a chymdeithas ehangach. Byddwn yn helpu i alluogi unigolion i fynd i mewn i gyflogaeth yn ddiogel ac amddiffyn yr hawl i adsefydlu:

Bydd y gwaith sy’n cael ei wneud o dan yr amcan strategol hwn yn dylanwadu’n gadarnhaol ar ein heffeithiau strategol drwy sicrhau bod gan gyflogwyr y wybodaeth sydd ei hangen arnynt am wiriadau DBS i wneud asesiadau risg wrth recriwtio neu barhau i gyflogi staff a gwirfoddolwyr sy’n gweithio gyda phlant ac oedolion sy’n agored i niwed. Byddwn hefyd yn parhau i sicrhau bod penderfyniadau o ansawdd uchel yn cael eu gwneud pan fyddwn yn ystyried a yw rhywun yn risg i blant a/neu oedolion agored i niwed ac y dylid eu gwahardd o rolau penodol.     

Bydd trawsnewid gwasanaethau i rai digidol o un pen i’r llall yn cynnig cynhyrchion a gwasanaethau sy’n canolbwyntio ar y cwsmer gyda gwybodaeth sydd mor gywir a chyfredol â phosibl. 

Byddwn yn cyfrannu at dwf economaidd trwy ddarparu gwasanaethau sy’n rhoi gwerth am arian ac sy’n cefnogi cyflogwyr i wneud penderfyniadau recriwtio a chyflogaeth effeithiol ac effeithlon:

Bydd ein gwasanaethau yn cael eu symleiddio i sicrhau bod gwiriadau cyn cyflogaeth cyflymach a phenderfyniadau gwahardd mwy amserol yn cael eu gwneud. Yn ei dro, bydd hyn yn golygu bod cyflogwyr yn gallu gwneud penderfyniadau amserol ynglŷn â phwy maen nhw’n rhoi lle iddynt yn eu gweithlu, neu’n parhau i’w cyflogi. Byddwn yn parhau i wella’r effeithlonrwydd a’r gwerth am arian a ddarparwn i’r cyhoedd ac i gyflogwyr a byddwn yn ceisio lleihau ein ffioedd.

8. Amcan Strategol 2: Bod yn weladwy a dylanwadol ac yn sefydliad y gall pobl ymddiried ynddo

“Byddwn yn sefydliad gweladwy, dibynadwy a dylanwadol trwy ddarparu ein gwasanaethau yn effeithiol a chyflawni canlyniadau mesuradwy gyda’n rhanddeiliaid”.

Ein nod yw cefnogi darpariaeth ein gwasanaethau trwy fod yn sefydliad gweladwy, dibynadwy a dylanwadol. Byddwn yn gweithio’n agos gydag ystod o bartneriaid i gyflawni canlyniadau ystyrlon a mesuradwy sy’n gwneud cyfraniad cadarnhaol at ddiogelu ac yn helpu i gyfrannu at leihau niwed, ac i gefnogi twf economaidd. 

Bydd cyflawni’r amcan strategol hwn yn dod â’r gwahaniaethau canlynol yn ein cynhyrchion a’n gwasanaethau bob blwyddyn i sicrhau y byddwn yn parhau i weithio i wella dealltwriaeth cyflogwyr o gwmpas y gweithgareddau a reoleiddir erbyn 2028. Byddwn yn cynyddu cydweithrediad â rhanddeiliaid allanol ac yn cael ein cydnabod fel addysgwr dibynadwy yn y maes diogelu. Byddwn yn creu ac yn cyflwyno rhaglen beilot i gefnogi rhanddeiliaid, arolygiaethau, a rheoleiddwyr gyda’r broses recriwtio a chyflogaeth fwy diogel. 

Blwyddyn 1:

• Byddwn yn cynyddu cydweithrediad â rhanddeiliaid allanol ac yn cael ein cydnabod fel addysgwr dibynadwy mewn diogelu

• Byddwn yn datblygu rhaglen gefnogi allgymorth wedi’i hadnewyddu i sicrhau cysondeb yn y dull gweithredu, y canllawiau a’r cyngor a roddwn i bartneriaid sy’n gweithio gyda’r rhai sy’n cael eu diogelu gan y gwaith a wnawn

Blwyddyn 2:

• Bydd y sefydliadau hynny sydd â dyletswydd orfodol i gyfeirio unigolion atom ar gyfer ystyriaethau gwahardd yn deall ac yn gweithredu eu cyfrifoldebau yn well

• Byddwn yn datblygu cyd-gyflwyniad negeseuon gyda phartneriaid ar ddarparu gwybodaeth sydd mewn cofnodion troseddol rhyngwladol

• Trwy ein hymdrechion Allgymorth, bydd cyflogwyr yn cael gwell dealltwriaeth o’r cyfnodau adsefydlu a sut mae’r rhain yn ymwneud â phenderfyniadau recriwtio a chyflogaeth mwy diogel

Blwyddyn 3:

• Byddwn yn datblygu gweithgor peilot gyda phartneriaid allweddol i dreialu rhaglen gefnogi allgymorth lefel uwch sy’n cefnogi Arolygiaethau a rheoleiddwyr, ac yn cynnwys darpariaeth e-ddysgu

• Byddwn yn llais blaenllaw mewn arferion da wrth wneud gweithgareddau EDI a darparu gwasanaethau, gyda chyfleoedd i nodi a phrofi newidiadau i gynhyrchion a gwasanaethau trwy banel cynghori EDI allanol

• Byddwn yn archwilio gyda chydweithwyr y Swyddfa Gartref ddiwygiadau posibl i’r model cyllido presennol i sicrhau cynaliadwyedd a gwerth am arian

• Byddwn wedi optimeiddio mynediad at gofnodion troseddol perthnasol a gwybodaeth yr heddlu, diogelu effeithlonderau a gwella’r effeithiolrwydd ym model uned datgelu’r heddlu

Dylanwadu’n gadarnhaol ar ein heffeithiau strategol

Byddwn yn cyfrannu at leihau’r risg o niwed i blant, oedolion agored i niwed, sefydliadau, a chymdeithas ehangach. Byddwn yn helpu i alluogi unigolion i fynd i mewn i gyflogaeth yn ddiogel ac yn amddiffyn yr hawl i adsefydlia:

Trwy ganolbwyntio ein hymdrechion ar gefnogi ein partneriaid a’n rhanddeiliaid i ddeall a gweithredu’r ddyletswydd i gyfeirio at fframwaith gwahardd yn well, byddwn yn cyfrannu’n uniongyrchol at leihau’r risg o niwed.  

Trwy ein hymdrechion Allgymorth, a thrwy weithio gyda chyflogwyr i ddeall cyfnodau adsefydlu’n well, byddwn yn sicrhau gwell dealltwriaeth o’r ffordd y mae’r rhain yn ymwneud â recriwtio a phenderfyniadau cyflogaeth mwy diogel ; gan geisio sicrhau bod unigolion yn gallu mynd i mewn i gyflogaeth yn ddiogel a diogelu’r hawl i adsefydliad. 

Byddwn yn cyfrannu at dwf economaidd trwy ddarparu gwasanaethau sy’n rhoi gwerth am arian ac sy’n cefnogi cyflogwyr i wneud penderfyniadau recriwtio a chyflogaeth effeithiol ac effeithlon:

Bydd prosesau mwy effeithlon ac atgyfeiriadau cynhwysfawr a dderbynnir yn sicrhau y bydd ein gwasanaethau’n cefnogi cyflogwyr yn gyflymach i wneud penderfyniadau recriwtio a chyflogaeth effeithlon ac effeithlon.  

Bydd bod yn weladwy, dibynadwy a dylanwadol yn y tirlun diogelu ac adsefydlu yn cynyddu dealltwriaeth rhanddeiliaid o’r gwaith a wnawn ac yn optimeiddio mynediad at ein cynhyrchion yn briodol; gan leihau’r risg i sefydliadau cyflogi wrth gryfhau’r diogelwch.

9. Amcan Strategol 3: Cyflawni trwy dechnoleg arloesol

“Byddwn yn defnyddio technolegau arloesol i gefnogi datblygiadau prosesau a chynyddu ein gallu a’n hystwythder i ymateb i ofynion yn y dyfodol, gan wella effeithlonrwydd ac effeithiolrwydd ein gwasanaethau”.

Byddwn yn treialu ac yn defnyddio technoleg arloesol ymhellach – gan gynnwys deallusrwydd artiffisial (AI) – i symleiddio a gwella ein prosesau, datblygu atebion i dasgau ailadroddus a chefnogi gwneud penderfyniadau gweithredol. Bydd hyn yn golygu ein bod yn gallu ymateb yn gyflymach ac yn well i adborth cwsmeriaid a newidiadau neu heriau eraill yn y dyfodol. Bydd ein gallu a’n cynhyrchiant yn cynyddu, a bydd hyn yn cyfrannu at ein heffeithiau strategol. 

Bydd cyflawni’r amcan strategol hwn yn gwneud y gwahaniaethau canlynol i’n gallu i gyflawni trwy ddefnyddio technoleg arloesol bob blwyddyn i sicrhau y byddwn yn cynnig gwell darpariaeth gwasanaethau. Er enghraifft, erbyn mis Mawrth 2028, byddwn wedi dechrau cyflwyno’r Gwasanaeth Diweddaru diwygiedig a fydd yn darparu hysbysiadau ‘gwthio’ i gyflogwyr am unrhyw newidiadau perthnasol i wybodaeth a gedwir gan y gwasanaeth DBS am weithiwr neu wirfoddolwr unigol. 

Blwyddyn 1:

• Byddwn yn lleihau nifer yr atgyfeiriadau a wneir gan yr heddlu trwy gynyddu ansawdd algorithm paru’r heddlu

• Bydd mewnbynnau technoleg arloesol yn cael eu treialu i gefnogi prosesau gweithredol a chymorth, gan gynnwys rhoi cynnig ar ddefnyddio deallusrwydd artiffisial i gefnogi ‘r prosesau hyn

Blwyddyn 2:

• Bydd technoleg arloesol yn cynorthwyo prosesau ein gwasanaethau gweithredol a chymorth yn rheolaidd

• Bydd opsiynau ‘n cael eu harchwilio i leihau nifer yr atgyfeiriadau sy’n ofynnol gan yr heddlu

• Bydd y systemau technoleg wedi’u moderneiddio sydd ar waith yn darparu mwy o wydnwch ac yn cefnogi gofynion am newid yn gyflym

Blwyddyn 3:

• Byddwn yn cynnig darpariaeth gwasanaethau cyflymach a byddwn yn gwella effeithiolrwydd prosesau gweithredol a chymorth

Dylanwadu’n gadarnhaol ar ein heffeithiau strategol

Byddwn yn cyfrannu at leihau’r risg o niwed i blant, oedolion sy’n agored i niwed, sefydliadau, a chymdeithas ehangach. Byddwn yn helpu i alluogi unigolion i fynd i mewn i gyflogaeth yn ddiogel ac yn amddiffyn yr hawl i adsefydliad:

Yn ein gwaith gwahardd, bydd technoleg arloesol yn cefnogi ein prosesau gweithredol ar gyfer datgelu ac yn darparu cymorth gyda thasgau gweinyddol a rhai nad ydynt yn cynnwys gwneud penderfyniadau, fel y gellir gwneud penderfyniadau prydlon.  

Byddwn yn cyfrannu at dwf economaidd trwy ddarparu gwasanaethau sy’n rhoi gwerth am arian ac sy’n cefnogi cyflogwyr i wneud penderfyniadau recriwtio a chyflogaeth effeithiol ac effeithlon:

Bydd gweithredu systemau wedi’u diweddaru yn sicrhau gwytnwch yn y ffordd yr ydym yn gweithredu yn ogystal â chynnig y cyfle i newidiadau gael eu gwneud yn y dyfodol. Gallai hyn fod mewn ymateb i adborth cwsmeriaid neu i yrwyr allanol eraill fel pandemig arall neu argyfwng tebyg, neu er mwyn gweithredu newidiadau deddfwriaethol.

10. Amcan Strategol 4: Arweiniad gan fewnwelediad a data cwsmeriaid

“Byddwn yn cael ein harwain gan gwsmeriaid a mewnwelediad, yn chwilio’n weithredol am ddata ac adborth ac yn eu defnyddio i yrru newid yn y gwasanaeth DBS, gan ddarparu’r daith orau bosibl i’n cwsmeriaid a dylanwadu ar newid yn allanol”.

Byddwn yn datblygu technegau ymatebol, yn cynnwys optimeiddio’r defnydd a wneir o’n rhaglen Amnewid Eiddo Technolegol Etifeddol, i gasglu, coladu a datblygu data ac adborth, yn fewnol ac yn allanol. Bydd y mewnwelediad sy’n deillio o hynny yn cefnogi newidiadau gwybodus sy’n diwallu anghenion ein cwsmeriaid yn well, gan ein galluogi i dargedu ein gweithgareddau allgymorth yn well, ac ychwanegu gwerth i waith partneriaid allanol mewn modd ymatebol, ystwyth sy’n arwain at wahaniaeth mesuradwy i ddiogelu ac effeithlonrwydd.   

Bydd cyflawni’r amcan strategol hwn yn dod â’r gwahaniaethau canlynol bob blwyddyn i sicrhau y byddwn yn cael ein harwain gan gwsmeriaid, buddiolwyr a mewnwelediad fel sefydliad erbyn 2028. Byddwn yn ffynhonnell ddibynadwy o fewnwelediadau diogelu perthnasol mewn perthynas â’n cynhyrchion a’n gwasanaethau a byddwn yn defnyddio’r mewnwelediadau hyn i weithio ar y cyd ag eraill i gyfrannu at leihau’r risg o niwed. 

Blwyddyn 1:

• Byddwn yn teilwra ein cyngor a’n canllawiau sy’n wynebu tuag allan yn well, gyda hygyrchedd mewn golwg, gan dynnu ar adborth gan staff a chwsmeriaid

• Byddwn yn nodi cyfleoedd pellach i wneud gwell defnydd o’r data sydd gennym, a chyfleoedd newydd i geisio adborth cwsmeriaid a rhanddeiliaid

Blwyddyn 2:

• Byddwn yn gwella ein dealltwriaeth o staff a chwsmeriaid o gefndiroedd amrywiol trwy gyfleoedd cofnodi data er mwyn galluogi i bolisïau gael eu datblygu ac i newidiadau gael eu gwneud i wasanaethau, ac i’w heffaith gael ei holrhain

• Bydd ein hymgysylltiad â’r sector yn cael ei ategu a’i yrru gan ddefnydd gwell o’r data a gedwir gan DBS a thrwy ddefnyddio data ffynhonnell agored ac allanol

• Bydd mewnwelediad a dadansoddi tueddiadau yn llywio datblygiad ein cynhyrchion a’n gwasanaethau yn y dyfodol

• Byddwn yn cefnogi dealltwriaeth gyd-destunol ehangach o ddiogelu bygythiadau, niwed a risg trwy ddatblygu rhaglen Mewnwelediadau flynyddol i gefnogi diogelu ymhellach mewn sectorau allweddol

Blwyddyn 3:

• Byddwn yn ffynhonnell ddibynadwy o fewnwelediad am ddiogelu perthnasol a byddwn yn datblygu hyn i ddarparu mwy o gyfleoedd i gydweithio â sefydliadau rhanddeiliaid

• Byddwn yn datblygu ac yn darparu prosesau a gwasanaethau sy’n canolbwyntio fwy ar y cwsmer, yn seiliedig ar fewnwelediad o ddata ac adborth cwsmeriaid

Dylanwadu’n gadarnhaol ar ein heffeithiau strategol

Byddwn yn cyfrannu at leihau’r risg o niwed i blant, oedolion agored i niwed, sefydliadau, a chymdeithas ehangach. Byddwn yn helpu i alluogi unigolion i fynd i mewn i gyflogaeth yn ddiogel ac amddiffyn yr hawl i adsefydlu:

Byddwn yn cyfrannu at ddiogelu plant ac oedolion sy’n agored i niwed, yn helpu i alluogi unigolion i fynd i mewn i gyflogaeth yn ddiogel, ac yn diogelu’r hawl i adsefydliad trwy ddarparu canllawiau sy’n rhoi’r hyder i gyflogwyr reoli gwybodaeth tystysgrifau’n gywir ac yn briodol gyda mwy o ymwybyddiaeth o gynhyrchion DBS ar draws gwahanol sectorau. Byddwn yn defnyddio mewnwelediad i ddatblygu ymwybyddiaeth mewn sectorau allweddol o’r ddyletswydd i gyfeirio unigolion i gael eu gwahardd.  

Byddwn yn cyfrannu at dwf economaidd trwy ddarparu gwasanaethau sy’n rhoi gwerth am arian ac sy’n cefnogi cyflogwyr i wneud penderfyniadau recriwtio a chyflogaeth effeithiol ac effeithlon:

Bydd mwy o ddealltwriaeth o adborth cwsmeriaid yn arwain at well gwasanaethau a chefnogaeth i unigolion a chyflogwyr, fel y gellir gwneud ceisiadau a phenderfyniadau recriwtio DBS priodol ac amserol. Bydd hyn yn cyfrannu at dwf economaidd drwy sicrhau bod unigolion yn gallu sicrhau swydd neu ddychwelyd i’r gwaith yn gyflym. Bydd y data a’r mewnwelediad a gofnodir yn sicrhau ein bod yn parhau i gynnig gwasanaethau gwerth am arian gyda phrosesau ymgeisio wedi’u darparu mewn modd sy’n canolbwyntio ar y cwsmer gyda hygyrchedd mewn golwg. Bydd y gwaith o dan yr amcan strategol hwn yn darparu mwy o fewnwelediad sy’n seiliedig ar dystiolaeth i dargedu ymgysylltiad allanol â chyflogwyr yn well a sicrhau bod ganddynt yr wybodaeth sydd ei hangen arnynt i gael y gwerth gorau posibl o’n gwasanaethau.

11. Amcan Strategol 5: Yn canolbwyntio ar bobl

“Byddwn yn arwain ac yn cefnogi ein pobl i lywio ac addasu i newid, gan sicrhau bod DBS yn parhau i gyflawni ei rôl ddiogelu mewn modd cynaliadwy”.

Wrth i ni lywio newid sefydliadol sylweddol trwy gydol y strategaeth hon, byddwn yn cefnogi ein pobl gydag empathi a thryloywder, gan ganolbwyntio ar adeiladu gwytnwch unigol a sefydliadol. Rydym yn cydnabod bod newid yn dod â heriau a chyfleoedd y mae’n rhaid i ni fanteisio arnynt. Rydym wedi ymrwymo i ddarparu’r hyfforddiant, datblygiad a chefnogaeth sydd ei angen ar ein pobl i ddarparu’r gwasanaeth gorau posibl i’n cwsmeriaid. Bydd y newidiadau yn cynnwys trawsnewidiad yn y modd mae ein gwasanaethau gweithredol (cyhoeddi tystysgrifau DBS a gwneud penderfyniadau gwahardd) yn cael eu darparu.

Bydd cyflawni’r amcan strategol hwn yn gweld y gwahaniaethau canlynol yn cael eu gwneud ym mhob blwyddyn i sicrhau ein bod yn meithrin gweithlu modern, cynhwysol erbyn 2028 sy’n adlewyrchu’r sawl rydym yn eu gwasanaethu drwy addasu i newid, cynnig opsiynau cyflogaeth hyblyg, a denu a chadw’r bobl gywir i gyflawni ein cenhadaeth ddiogelu yn gynaliadwy. 

Blwyddyn 1:

• Bydd gan staff fwy o hyblygrwydd gyda’u hopsiynau gweithio gyda chontractau cartref neu hybrid yn cael eu cynnig fel rhan o’n pecyn cyflogaeth

• Byddwn yn parhau i wella a buddsoddi yn ein cynnig academi (dysgu a datblygu)

• Bydd ein model a’n harferion gweithlu yn cael eu datblygu er mwyn sicrhau bod amrywiaeth yn cael ei gofleidio, a bod ein systemau cymorth yn cael eu hadolygu a’u diweddaru, ac rydym yn gweithio tuag at ein model Cymorth Technoleg Amnewid Ystad Technoleg Blaenorol

• Byddwn yn gyrru mesurau effeithlonrwydd trwy ail-beirianneg proses yn ein gwasanaethau gweithredol, symleiddio tasgau a gweithgareddau i gael gwared ar unrhyw ddyblygu yn dilyn uno’ry ddwy gyfarwyddiaeth weithredol

Blwyddyn 2:

• Bydd bod yn reddfol gynhwysol yn cael ei ymgorffori ym mhopeth a wnawn, gan sicrhau bod cydnabyddiaeth a gwerth gwahaniaethau a phrofiadau staff unigol yn cael eu dathlu yn ogystal â gwella gwasanaeth cwsmeriaid

• Bydd ein staff yn gweithio i’w potensial uchaf trwy ddatblygu a buddsoddi ymhellach mewn dysgu a chysgodi staff i gynnig profiad, achrediad a chymwysterau perthnasol

• Bydd sicrwydd ar gael ynglŷn â gofod swyddfa yn y dyfodol er mwyn i staff benderfynu orau ar eu trefniadau gwaith 

Blwyddyn 3: 

• Bydd ein model gweithlu a’n defnydd o dechnoleg arloesol yn cael eu halinio’n llawn gyda dull hyblyg sy’n golygu y gallwn ymateb yn chwim i newidiadau allanol

• Byddwn yn dod yn llais blaenllaw ar arfer da mewn Ymgyfnewid Data Electronig (EDI) ar draws y sector cyhoeddus

Dylanwadu’n gadarnhaol ar ein heffeithiau strategol

Byddwn yn cyfrannu at leihau’r risg o niwed i blant, oedolion sy’n agored i niwed, sefydliadau, a chymdeithas ehangach. Byddwn yn helpu i alluogi unigolion i fynd i mewn i gyflogaeth yn ddiogel ac amddiffyn yr hawl i adsefydlu:

Byddwn yn cyfrannu at leihau’r risg o niwed trwy roi hyfforddiant, datblygiad a chefnogaeth i staff sy’n hygyrch a chywir. Bydd hyn yn helpu i sicrhau bod ymgeiswyr a chyflogwyr yn cwblhau’r gwiriadau DBS priodol a bod y rhain mor gywir â phosibl, a’n bod yn gwneud penderfyniadau gwahardd i’r safon uchaf posib.

Byddwn yn cyfrannu at dwf economaidd trwy gynnig gwasanaethau gwerth am arian sy’n cefnogi cyflogwyr i wneud penderfyniadau recriwtio a chyflogaeth effeithiol ac effeithlon:

Bydd cefnogi a datblygu ein pobl yn helpu i ddenu a chadw gweithlu talentog a chymhellgar a all weithredu newidiadau, symleiddio prosesau, a rhoi gwerth am arian ar draws cynhyrchion a gwasanaethau.

12. Cefnogi ein strategaeth

12.1 Llywodraethu

Bydd bwrdd DBS yn parhau i oruchwylio cyflawniad y strategaeth hon a bydd yn gweithio’n agos â’r Swyddfa Gartref wrth wneud hynny. Mae’r bwrdd yn parhau â’i strwythur pwyllgorau gwell, gyda’r gwaith monitro parhaus o weithgareddau’n digwydd trwy ei bwyllgorau Rheoli Newid a Pobl. Bydd y Pwyllgor Ansawdd, Cyllid a Pherfformiad yn cyfarfod bob deufis bellach i sicrhau cynnydd y strategaeth gyda’r pwyllgor Archwilio a Risg a Thâl yn cyfarfod bob chwarter i ddarparu sicrwydd ar risg. 

12.2 Cynllunio busnes a rheoli newid

Mae DBS yn datblygu cynllun busnes blynyddol bob blwyddyn, ynghyd â chynllun Newid a Thrawsnewid sy’n cael ei ddiweddaru’n rheolaidd a fframwaith newid a thrawsnewid cysylltiedig. Mae’r rhain gyda’i gilydd yn gyrru gweithrediad y strategaeth ac yn cael eu sicrhau drwy’r trefniadau llywodraethu a nodir uchod. 

12.3 Mwy o gysylltedd ac ymgysylltu

Wrth ddatblygu’r strategaeth hon, rydym wedi siarad â staff ar draws y gwasanaeth DBS ac wedi ceisio syniadau ganddyn nhw a chan ein rhanddeiliaid a’n partneriaid, yn ogystal â defnyddio data ffynhonnell agored i ddarparu mewnwelediadau i dueddiadau’r dyfodol.  

Roedd y cysylltedd hwn â staff a rhanddeiliaid yn bosibl oherwydd y gwaith rydyn ni wedi’i wneud i adeiladu perthnasoedd yn fewnol ac yn allanol dros y blynyddoedd diwethaf. Bydd y strategaeth hon yn parhau i adeiladu ar ein hymgysylltiad mewnol ac allanol; mae gennym y Fforwm Gweithwyr, y grwpiau cynghori EDI mewnol, a sawl grŵp o fewn DBS sydd hefyd yn cyfrannu at gyflawni’r strategaeth hon yn barhaus. Mae nifer o uchelgeisiau o fewn y strategaeth hon i ddatblygu cysylltiadau cryfach fyth â phartneriaid a rhanddeiliaid allanol a dim ond cryfhau cynnhwsiant eu lleisiau nhw fydd hynny wrth i ni lunio cyflawniad y strategaeth hon ymhellach dros y tair blynedd nesaf.  

12.4 Cyllid ac ariannu

Rydym yn cael ein hariannu gan y ffioedd a gynhyrchir o’n cynhyrchion datgelu (gwiriadau DBS). Mae ein hincwm yn dibynnu ar faint o geisiadau am wiriadau DBS a thanysgrifiadau’r Gwasanaeth Diweddaru a dderbynnir bob blwyddyn. Mae ffioedd ar gyfer gwiriadau DBS Sylfaenol, Safonol, Manylach, a Manylach gyda Rhestr(i) Gwaharddedig, a’r Gwasanaeth Diweddaru, yn caniatáu i geisiadau gwirfoddol gael eu prosesu yn rhad ac am ddim. Mae’r incwm o ffioedd a gynhyrchir o wiriadau hefyd yn ariannu ein gwaith gwahardd. 

Byddwn yn parhau i osod cyllideb ym mhob cynllun busnes blynyddol, a fydd yn cynnwys y costau ar gyfer cyflawni’r strategaeth hon. Dros gyfnod y strategaeth, byddwn yn adolygu ein ffioedd yn rheolaidd (a lle bo’n bosibl, yn eu gostwng) er mwyn sicrhau bod ein costau’n cael eu halinio â, a’n bod yn cadw at egwyddorion, Rheoli Arian Cyhoeddus, yn ogystal â’r craffu ychwanegol y byddwn yn ei wneud ar ein fframwaith gwerth am arian. 

12.5 Adrodd ar gyflenwi

Mae gan DBS nifer o drefniadau lle’r ydym yn cynllunio, cyflawni, mesur, adrodd ac adolygu’r hyn yr ydym yn anelu at ei gyflawni. Mae’r mesur yn aml-haenog gyda ffocws ar strategaeth a ffocws ar weithrediadau’r sefydliad, ac mae ein dull o fesur gweithrediadau a mesuriadau sefydliadol yn aeddfed ac wedi’i ymwreiddio.  

Mae ein dull o fesur effeithiau a chanlyniadau yn esblygu, ac rydym wedi gwneud rhywfaint o gynnydd gyda mesurau yn y fan yma yn 2024 drwy’r ffrwd waith gwerth am arian. Mae gennym syniad clir o ble rydyn ni am fod o ran dangos ein heffaith, a byddwn yn parhau i aeddfedu ein dull gweithredu, gan symud tuag at fframwaith mesur mwy seiliedig ar ganlyniadau yn ystod dwy flynedd gyntaf y strategaeth. 

Bydd y strategaeth yn cael ei chyflwyno trwy gynllun busnes blynyddol; bydd pob cynllun busnes yn nodi manylion y gweithgaredd i’w wneud er mwyn cyflawni bwriad y strategaeth. 

Yng nghynllun busnes pob blwyddyn, bydd y bwrdd yn cytuno ar set o dargedau a mesurau i fonitro ein cynnydd wrth gyflawni’r strategaeth. Byddwn yn adrodd ar ein cynnydd trwy ein hadroddiad blynyddol a’n cyfrifon. Bydd y ddau gyhoeddiad ar gael trwy ein gwefan. 

12.6 Casgliad

Mae’r strategaeth newydd hon yn nodi ein huchelgeisiau realistig ar gyfer cyflawniadau dros y tair blynedd nesaf. Mae’n galw’n gyfiawn am y newidiadau technolegol yr ydym am eu gwneud dros y blynyddoedd nesaf i sicrhau y gallwn barhau i ddarparu ein cynhyrchion a’n gwasanaethau i’r ansawdd uchaf yn y ffordd fwyaf effeithlon, gan gefnogi gwneud penderfyniadau yn gyflymach.  

Mae’n ailddatgan ein diben a’n gweledigaeth, ond am y tro cyntaf mae’n manylu ar yr effeithiau yr ydym am eu gwneud a’u dylanwadu erbyn 2028. Mae’r byd yn parhau i newid yn gyflym, ac rydym am wneud yn siŵr ein bod ar flaen y gad mewn perthynas â’r newidiadau hynny, lle bo’n bosibl, gan eu rhagweld nhw a gallu ymateb yn gyflym pan fo angen.  

Yn anad dim, rydym am weld ein heffeithiau strategol yn digwydd fel y gallwn wneud gwahaniaeth mesuradwy i ddiogelu plant ac oedolion agored i niwed, cyfrannu at adsefydlu troseddwyr, a darparu gwasanaethau gwerth am arian sy’n chwarae rhan mewn twf economaidd.   

Bydd y 3 blynedd nesaf yn heriol, ond yn gadarnhaol, er mwyn gwneud y gwahaniaeth yr ydym am ei wneud gyda’n staff a fydd yn hollol hanfodol i lwyddiant cyflawniad y strategaeth hon, gan weithio ochr yn ochr â’n partneriaid, rhanddeiliaid a’r cyhoedd.

13. Ein strategaeth mewn 60 eiliad

13.1 Pam rydyn ni yma:

 Amddiffyn y cyhoedd trwy helpu cyflogwyr i wneud penderfyniadau recriwtio a chyflogaeth mwy diogel, a thrwy wahardd unigolion sy’n peri risg i bobl agored i niwed.

13.2 Erbyn 2028, dyma fydd ein heffeithiau:

• byddwn yn cyfrannu at leihau’r risg o niwed i blant, oedolion agored i niwed, sefydliadau a chymdeithas ehangach

• byddwn yn helpu i alluogi unigolion i fynd i mewn i gyflogaeth yn ddiogel ac yn amddiffyn yr hawl i adsefydlu

• byddwn yn cyfrannu at dwf economaidd drwy ddarparu gwasanaethau gwerth am arian sy’n cefnogi cyflogwyr i wneud penderfyniadau recriwtio a chyflogaeth effeithiol

13.3 Sut y byddwn yn gwneud hyn:

• byddwn yn darparu cynhyrchion a gwasanaethau hygyrch, amserol, o ansawdd uchel yn effeithiol

• byddwn yn sefydliad gweladwy, dibynadwy a dylanwadol trwy ddarparu ein gwasanaethau’n effeithiol a chyflawni canlyniadau mesuradwy gyda’n rhanddeiliaid

• byddwn yn defnyddio technolegau arloesol i gefnogi datblygiadau prosesau a chynyddu ein gallu a’n hystwythder i ymateb i ofynion yn y dyfodol, gan wneud ein gwasanaethau’n fwy effeithiol ac effeithlon

• byddwn yn cael ein harwain gan gwsmeriaid a mewnwelediad, yn ceisio ac yn defnyddio data ac adborth i yrru newid yn y gwasanaeth DBS ac yn dylanwadu ar newid yn allanol

• byddwn yn arwain ac yn cefnogi ein pobl i lywio ac addasu i newid, gan sicrhau bod DBS yn parhau i gyflawni ei rôl ddiogelu mewn ffordd gynaliadwy

13.4 Ein Galluogwyr a’n gyrwyr, y byddwn yn buddsoddi ynddynt yw:

• Prosesau Cymorth- gwasanaethau cymorth rhagweithiol, ymatebol sydd wedi’u halinio’n strategol

• Ein Pobl- darparu hyfforddiant a datblygiad i roi’r arweinyddiaeth, yr offer, y sgiliau a’r wybodaeth sydd eu hangen arnynt i’n staff

-Ein Technoleg- darparu gweithrediadau ystwyth, wedi’u galluogi’n ddigidol gyda systemau a phrosesau effeithlon, dibynadwy

Ein Gweithleoedd- sicrhau ein bod yn cynnig yr opsiynau mwyaf cynhyrchiol ac effeithlon i ganiatáu i staff fod ar eu mwyaf effeithiol

13.5 Ein ffocws ym mhopeth a wnawn:

• Diogelu

• Ansawdd

• Gwerth am arian

• Cynaliadwyedd

• Amrywiaeth, cynhwysiant a lles

13.6 OneDBS

Trwy ein hymdrechion, ein gwerthoedd a’n hymddygiadau ar y cyd, gallwn wneud DBS yn lle gwych i weithio a gwneud gwahaniaeth gwirioneddol i fywydau pobl:

• Rydym yn mynd ar drywydd rhagoriaeth

• Rydym yn gweithio gyda’n gilydd

• Rydym yn gweithredu gydag uniondeb

• Rydym yn cofleidio amrywiaeth a chynhwysiant