Mae personoliaeth a phrofiad Gareth yn ganolog i’w rôl newydd
Diweddarwyd 21 Rhagfyr 2023
© Hawlfraint y Goron 2023
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/disability-confident-promotional-material/1259d3ba-b4eb-4a43-80d5-b56428640c2c
Un o’r ymrwymiadau y gall cyflogwyr eu gwneud fel aelod Hyderus o ran Anabledd yw cynnig profiad gwaith, prentisiaeth, hyfforddeiaeth neu interniaeth i berson sydd ag anabledd.
Mae yna lawer o fuddion busnes i’r dull hwn - cefnogi eich cymuned leol, dod o hyd i gronfa o doniau cudd, ac o bosibl ddatblygu sgiliau rheoli eich cydweithwyr.
Un sefydliad sydd wedi elwa o raglen profiad gwaith fu RSBi/City Building yn Glasgow.
Gwnaethant recriwtio Gareth Nzelwa fel prentis oedolyn mewn gwaith saer. Dywed ei gydweithiwr Lesley Quinn:
Mae Gareth wedi dod â phrofiad aruthrol i’w brentisiaeth o’i swydd flaenorol ac mae wrth ei fodd yn gweithio gyda’i ddwylo. Mae ei bersonoliaeth yn golygu ei fod wrth wraidd unrhyw dîm a fydd yn allweddol wrth ddarparu gwasanaethau rhagorol i gwsmeriaid. Mae ei gyfraniad yn gymaint fel eich bod chi’n anghofio bod ganddo anabledd.
Gareth yn RSBi/City Building yn Glasgow
Dywed Gareth, sy’n bwriadu gweithio’n llawn amser fel saer unwaith y bydd wedi ei gymhwyso’n llawn:
Rwy’n teimlo’n gyffyrddus yn City Building. Rydw i wedi bondio gyda llawer o bobl yma ac wedi gwneud llawer o ffrindiau. Rwy’n mwynhau gweithio gydag eraill.
Gall cyflogwyr sydd am gynnig lleoliadau gwaith gysylltu â’r Llinell Gwasanaethau Cyflogwyr.