Canllawiau

Cynllun Cartrefi i'r Wcráin (2023-24) dyfarniad grant nawdd taliad diolch i'r cartref Rhif 50/DLUHC17GR240433 (Cymru)

Cyhoeddwyd 19 April 2024

Mae’r Ysgrifennydd Gwladol dros Ffyniant Bro, Tai a Chymunedau (“yr Ysgrifennydd Gwladol”) wrth arfer y pwerau a roddwyd gan adran 50 o Ddeddf Marchnad Fewnol y DU 2020, yn gwneud y penderfyniad a ganlyn:

Dyfynnu

1. Gellir dyfynnu’r penderfyniad hwn fel y grant diolch noddwr Cartrefi i’r Wcráin Rhif 50/ DLUHCC17GR240433

Pwrpas y dyfarniad 

2. Prif ddiben y grant Diolch i noddwyr Cartrefi i’r Wcrain yw cefnogi awdurdodau lleol i wneud taliadau Diolch misol yn uniongyrchol i aelwydydd sy’n noddi o dan y cynllun, gan gynnwys lle bo’n berthnasol ar gyfer plant a phlant dan oed nad ydynt yn teithio gyda’u rhiant neu warcheidwad nac yn ymuno â nhw yn y DU.

3. Mae aelwydydd sy’n noddi yn gymwys i dderbyn £350 y mis am 12 mis cyntaf gwestai, a £500 y mis o fis 13 o arhosiad eu gwestai tan ddiwedd caniatâd fisa eu gwestai. Bydd hyn hyd at dair blynedd i noddwyr gwesteion ar fisa tair blynedd Cartrefi i’r Wcrain, sef £350 ym Mlwyddyn 1, a £500 ar gyfer blynyddoedd 2 a 3. Ar gyfer noddwyr gwesteion ar fisa 18 mis Cartrefi i’r Wcrain (h.y. ceisiadau a wneir o 15:00 ar 19 Chwefror 2024), bydd noddwyr yn gymwys i dderbyn £350 ym Mlwyddyn 1, a £500 ar gyfer misoedd 13-18. Mae hyn hefyd yn berthnasol i noddwyr plant dan oed cymwys.

4. Mae’r taliadau hyn yn ddewisol i’r aelwyd sy’n noddi.

Penderfyniad

5. Yr Ysgrifennydd Gwladol sy’n pennu’r awdurdodau y mae’r grant hwn i’w dalu iddynt a swm y grant sydd i’w dalu fel y nodir yn Atodiad A i’r penderfyniad hwn.

6. Telir y grant mewn ôl-daliadau yn seiliedig ar nifer y taliadau cyfreithlon a wneir gan awdurdodau lleol i noddwyr cymwys sydd wedi bodloni’r gofynion ar gyfer cymeradwyo fel rhan o’r cynllun. Bydd taliadau’n cael eu gwneud gan ddefnyddio’r broses chwarterol bresennol ar DELTA, gan gynnwys lle bo’n berthnasol ar gyfer plant a phlant dan oed nad ydynt yn teithio gyda’u rhiant neu warcheidwad neu’n ymuno â’u rhiant neu warcheidwad yn y DU.

Amodau’r dyfarniad

7. Yn unol ag adran 50 o Ddeddf Marchnad Fewnol y DU 2020, mae’r Ysgrifennydd Gwladol yn penderfynu y telir y grant yn ddarostyngedig i’r amodau a ganlyn yn Atodiad B.

Cydsyniad Trysorlys EF

8. Cyn gwneud y penderfyniad hwn mewn perthynas ag awdurdodau lleol, cafodd yr Ysgrifennydd Gwladol ganiatâd Trysorlys EM.

9. Llofnodwyd gan awdurdod yr Ysgrifennydd Gwladol.

Emma Payne

Cyfarwyddwr, Rhaglen Cartrefi i Wcráin

Brandio Llywodraeth y DU

10. Bydd Derbynnydd y Grant bob amser yn ystod ac ar ôl diwedd y Cyfnod Ariannu yn:

• cydymffurfio â gofynion y Llawlyfr Brandio mewn perthynas â’r Gweithgareddau a Ariennir; a

• rhoi’r gorau i ddefnyddio’r logo Ariennir gan Lywodraeth y DU ar gais os bydd yr Awdurdod yn cyfarwyddo i wneud hynny.

11. Mae Llawlyfr Brandio yn golygu llawlyfr brandio Llywodraeth EM Deyrnas Unedig Prydain Fawr a Gogledd Iwerddon ‘Ariennir gan Lywodraeth y DU’ a gyhoeddwyd gyntaf gan Swyddfa’r Cabinet ym mis Tachwedd 2022 ac sydd ar gael yma gan gynnwys unrhyw ddiweddariadau dilynol o bryd i’w gilydd.

Atodiad A: Dyraniadau grant

Mae dyraniadau grant ynghlwm fel dogfen ar wahân.

Atodiad B: Amodau’r dyfarniad  

Yn unol ag adran 50 o Ddeddf Marchnad Fewnol y DU 2020, mae’r Ysgrifennydd Gwladol yn penderfynu y telir y grant yn ddarostyngedig i’r amodau a ganlyn:

1.Dim ond yn unol â’r amgylchiadau a nodir yn y canllawiau Cartrefi i’r Wcrain ar gyfer cynghorau y dylid talu taliadau i noddwyr (sy’n gysylltiedig yn Atodiad C) ac ni ddylid eu rhyddhau tan:

a. Ar gyfer noddwyr gwesteion sy’n cyrraedd y cynllun Cartrefi i Wcráin:

• mae ymweliad â’r cartref sy’n noddi, gan yr awdurdod lleol, wedi’i gwblhau;

• mae’r awdurdod lleol wedi cadarnhau bod y llety’n addas, bod y gwestai yn iach ac nad oes unrhyw bryderon difrifol o ran diogelu na lles.

b. Ar gyfer noddwyr plant a phlant dan oed nad ydynt yn teithio gyda neu’n ymuno â’u rhiant neu warcheidwad sy’n cyrraedd y cynllun Cartrefi i Wcráin:

• bod yr holl wiriadau diogelu a llety wedi’u cwblhau gan gynnwys yr asesiad addasrwydd noddwr a arweinir gan yr awdurdod lleol, a bod yr awdurdod lleol wedi cadarnhau bod y trefniant yn addas ar sail y ffactorau a nodir yn y canllawiau;

• mae’r awdurdod lleol wedi cwblhau’r ymweliad cychwynnol ar ôl cyrraedd, sy’n gyson â’r gofynion a nodir yn y cynllun a’r canllawiau maethu preifat, gan gadarnhau addasrwydd y trefniadau byw a sefydlu unrhyw anghenion lles uniongyrchol.

2. Rhaid i awdurdod derbyn sicrhad bod taliadau diolch i aelwydydd cymwys sy’n eu noddi yn cael eu gwneud cyn gynted ag y bo’n ymarferol.

3. Rhaid i awdurdod derbyn sicrhau bod cofnodion gwiriadau ar ôl cyrraedd yn cael eu cadw’n gyfredol, a bod ffurflenni DELTA chwarterol cywir yn cael eu cyflwyno i DLUHC bob chwarter wedi’u llofnodi gan y Cyfarwyddwyr Cyllid.

4. Pan fo swm y grant a delir i awdurdod yn unol ag Atodiad A yn fwy na phwysau gwirioneddol yr awdurdod (yn seiliedig ar nifer y taliadau cyfreithlon i aelwydydd nawdd cymwys yn eu hardal), rhaid ad-dalu’r gwahaniaeth i’r Ysgrifennydd Gwladol. Yn ogystal, os bydd yr Adran Ffyniant Bro, Tai a Chymunedau yn cael gwybod bod awdurdod yn torri amodau’r grant uchod, mae’n cadw’r hawl i adennill cyllid.

Atodiad C: Cartrefi i Wcráin: canllawiau i gynghorau  

• Cartrefi i’r Wcráin: canllawiau i gynghorau

• Cartrefi i’r Wcráin: canllawiau i gynghorau (plant a phlant dan oed yn gwneud cais heb rieni neu warcheidwaid cyfreithiol)