Cymryd rhan mewn gwrandawiad gan ddefnyddio’r gwasanaeth Gwrandawiadau Fideo
Diweddarwyd 31 May 2022
1. Cyn cychwyn
Bydd y llys neu dribiwnlys yn rhoi gwybod i chi pryd bydd eich gwrandawiad ac efallai byddent yn gofyn ichi wirio eich offer cyn y gwrandawiad.
Gwnewch y gwiriadau cyn gynted â phosib fel nad yw eich gwrandawiad yn cael ei ohirio. Os oes angen help arnoch gyda hyn, cysylltwch â ni cyn gynted â phosib.
I gymryd rhan yn y gwrandawiad fideo bydd angen y canlynol arnoch:
- ystafell breifat a thawel gyda mynediad i’r rhyngrwyd.
- gliniadur, cyfrifiadur, tablet/llechen neu ffôn clyfar gyda chamera a meicroffon.
2. Ail-wirio eich offer
Gan ddefnyddio’r manylion anfonwyd atoch, mewngofnodwch 30 munud cyn amser dechrau’r gwrandawiad.
1. Ar y sgrîn sy’n nodi manylion y gwrandawiad, cliciwch ‘mewngofnodi i’r gwrandawiad’.
![](https://assets.publishing.service.gov.uk/media/62695c648fa8f57a41d53e58/2.1_-_CY-_sign_into_hearing.png)
2. Darllenwch yr wybodaeth ar y sgrîn ‘paratoi’, yna cliciwch ‘Nesaf’.
![](https://assets.publishing.service.gov.uk/media/62695c658fa8f57a3cdbbe53/2.2_-_CY_-_get_ready.png)
3. Bydd sgrîn yn ymddangos yn egluro eich bod ar fin gwirio’ch offer. Cliciwch ‘Parhau’.
![](https://assets.publishing.service.gov.uk/media/62694c658fa8f57a3cdbbe49/3.2_-_CY_-_check_equipment_2.png)
4. Ar y sgrîn ‘Defnyddiwch eich camera a Microffon’, cliciwch ‘Rhoi ymlaen’.
![](https://assets.publishing.service.gov.uk/media/62694c66e90e0746c0a7b055/3.3_-_CY_-_turn_on_cam_and_mic.png)
5. Bydd blwch yn ymddangos yn gofyn am ganiatâd i roi eich camera a’ch meicroffon ymlaen. Cliciwch ‘Caniatáu’ (‘Allow’).
![](https://assets.publishing.service.gov.uk/media/62694c668fa8f57a37b7b2a8/3.4_-_CY_-_allow_cam_and_mic.png)
6. Byddwch yn cael cadarnhad bod eich camera a microffon ymlaen. Cliciwch ‘Gwylio’r fideo’.
![](https://assets.publishing.service.gov.uk/media/62694c66e90e0746c1aa5421/3.5_-_CY_-_cam_and_mic_switched_on_confirmation.png)
7. Bydd fideo yn agor ac yn dechrau chwarae. O dan ffenestr y fideo, dylech weld eich hun mewn ffenestr lai. O dan hynny, dylech allu gweld bar gwyrdd sy’n symud yn ôl lefelau sain. Os gallwch weld eich hun a bod y bar gwyrdd yn symud, mae eich camera a’ch microffon yn gweithio. Cliciwch ‘Mae fy offer yn gweithio’.
![](https://assets.publishing.service.gov.uk/media/62694c67d3bf7f0e7a064a10/3.6_-_CY_-_cam_and_mic_test.png)
Os na allwch weld eich hun a/neu dydy’r bar gwyrdd ddim yn symud, cliciwch ‘Nid yw fy offer yn gweithio’, yna cysylltwch â ni i gael help.
8. Os ydych wedi clicio ‘Mae fy offer yn gweithio’, byddwn yn gofyn ichi gadarnhau bod eich camera a microffon yn gweithio, a gallwch weld a chlywed y fideo yn glir. Cliciwch ‘Oeddwn/Oedd’ yn y tair sgrîn nesaf yna ‘Parhau’.
![](https://assets.publishing.service.gov.uk/media/62695c65d3bf7f0e7a064a1b/2.8a_-_CY_-_cam_confirmation.png)
![](https://assets.publishing.service.gov.uk/media/62695c65e90e0746c1aa5430/2.8b_-_CY_-_mic_confirmation.png)
![](https://assets.publishing.service.gov.uk/media/62695c668fa8f57a3fe3c15a/2.8c_-_CY_-_vid_confirmation.png)
9. Ar ôl i chi gwblhau’r gwiriadau, byddwn yn dangos y sgrîn rheolau’r llys - mae gwrandawiadau fideo yn dilyn yr un rheolau a geir mewn llys neu dribiwnlys. Cliciwch ‘Parhau’.
![](https://assets.publishing.service.gov.uk/media/62695c668fa8f57a41d53e5a/2.9_-_CY_-_court_rules.png)
10. Ar y sgrîn datganiad, ticiwch y blwch i gadarnhau na fyddwch yn recordio’r gwrandawiad – mae recordio gwrandawiad yn drosedd . Yna cliciwch ‘Parhau’.
![](https://assets.publishing.service.gov.uk/media/62695c67e90e0746ccd54df8/2.10_-_CY_-_declaration.png)
11. Yna byddwch yn mynd i’r ystafell aros. Ar y sgrîn, fe welwch fanylion y bobl eraill sy’n cymryd rhan yn y gwrandawiad llys. Byddwch hefyd yn gallu gweld cloc ar gefndir glas.
![](https://assets.publishing.service.gov.uk/media/62695c678fa8f57a3b41bbea/2.11_-_CY_-_waiting_room_1.png)
12. Os oes gan eich offer fwy nag un camera neu ficroffon, gallwch benderfynu pa rai i’w defnyddio. Cliciwch ‘Dewis camera a microffon’. Bydd ffenestr fach yn ymddangos. Dewiswch yr opsiynau sydd orau gennych yna cliciwch ‘Cau’.
![](https://assets.publishing.service.gov.uk/media/62695c67e90e0746c93a4238/2.12_-_CY_-_mic-cam_choice.png)
13. Os oes angen help arnoch gyda’ch offer, gallwch anfon neges i’r tîm cymorth. Cliciwch ar ‘Anfon neges at y swyddog gwrandawiadau fideo’ ar waelod y sgrîn ar y dde. Teipiwch eich neges yn y blwch a chliciwch ‘Anfon’.
![](https://assets.publishing.service.gov.uk/media/62695c68d3bf7f0e7e4fe2f5/2.13_-_CY_-_message_for_help.png)
Bydd aelod o’r tîm cymorth yn ymateb i’ch neges.
3. Dechrau neu ymuno â chyfarfod preifat
Tra byddwch yn yr ystafell aros, gallwch gael cyfarfod preifat gyda chyfranogwyr eraill. Gallwch wneud hyn cyn y gwrandawiad neu yn ystod toriad. Os oes angen cyfarfod brys arnoch a fyddai’n torri ar draws y gwrandawiad, bydd angen ichi ofyn am ganiatâd gan y barnwr. Byddant yn atal y gwrandawiad dros dro a byddwch yn dychwelyd i’r ystafell aros. Yna, gallwch ddechrau neu ymuno â chyfarfod preifat yn yr ystafell aros.
1. I ddechrau cyfarfod preifat, cliciwch ‘Dechrau cyfarfod preifat’.
![](https://assets.publishing.service.gov.uk/media/62695ca1e90e0746c6801102/3.1_-_CY_-_start_private_meeting.png)
2. Bydd sgrîn fach yn ymddangos yn gofyn i chi ddewis pa gyfranogwyr rydych am gyfarfod â nhw. Cliciwch ar y cyfranogwr/cyfranogwyr, ac yna cliciwch ‘Parhau’.
![](https://assets.publishing.service.gov.uk/media/62695ca2d3bf7f0e7e4fe2f7/3.2_-_CY_-_invite_private_meet.png)
3. Os byddwch yn cael gwahoddiad i ymuno â chyfarfod preifat gan gyfranogwr arall, byddwch yn gweld neges yn ymddangos ar eich sgrîn. I ymuno, cliciwch ar y cyfarfod, yna cliciwch ‘Parhau’. I wrthod, cliciwch ‘Cau’.
![](https://assets.publishing.service.gov.uk/media/62695ca2e90e0746c6801105/3.3_-_CY_-_accept_private_meet.png)
4. Bydd sgrîn newydd yn ymddangos ar gyfer y cyfarfod a byddwch yn gallu gweld y cyfranogwyr eraill yn y brif ffenestr. Fe welwch eich hun mewn ffenestr lai ar waelod y sgrîn ar y chwith. Bydd gennych yr un botymau rheoli â’r rhai yn y prif gyfarfod (gwelwch adran 4 ar gyfer canllawiau ar y botymau rheoli hyn).
![](https://assets.publishing.service.gov.uk/media/62695ca2d3bf7f0e7b9b15e1/3.4_-_CY_-_private_meeting.png)
Yn wahanol i’r prif wrandawiad, ni fydd cyfarfodydd preifat yn cael eu recordio.
5. Pan fyddwch mewn cyfarfod preifat, gallwch gloi’r ystafell i atal cyfranogwyr eraill rhag ymuno. Cliciwch ‘Cloi’r ystafell’ ar dop y sgrîn ar y dde. Byddwch yn gweld ‘Wedi cloi’ neu ‘Heb ei chloi’ ar y bar ar dop y sgrîn.
![](https://assets.publishing.service.gov.uk/media/62695ca2e90e0746ca7e5581/3.6_-_CY_-_private_meeting_lock.png)
6. I ddatgloi’r ystafell gyfarfod breifat, cliciwch, ‘datgloi’r ystafell’ ar dop y sgrîn ar y dde.
7. Pan fyddwch yn barod i adael y cyfarfod, cliciwch ‘Gadael’ ar dop y sgrîn ar y dde.
![](https://assets.publishing.service.gov.uk/media/62695ca3e90e0746c431371a/3.7_-_CY_-_private_meeting_leave.png)
8. Bydd ffenestr lai yn ymddangos yn gofyn i chi gadarnhau os ydych am adael neu aros yn y cyfarfod. Cliciwch ‘Gadael’.
![](https://assets.publishing.service.gov.uk/media/62695ca38fa8f57a3fe3c15b/3.8_-_CY_-_leaving_private_meeting.png)
Byddwch yn dychwelyd i’r ystafell aros.
4. Ymuno a chymryd rhan yn y gwrandawiad
1. Dau funud cyn y mae’r gwrandawiad i fod i ddechrau, bydd y cefndir glas ar y cloc yn troi yn ddu.
![](https://assets.publishing.service.gov.uk/media/62695ca3d3bf7f0e76150da6/4.1_-_CY_-_waiting_room_2.png)
Dim ond pan fydd y barnwr yn barod bydd y gwrandawiad yn dechrau– gall hyn fod ar ôl yr amser dechrau a drefnwyd.
2. Os bydd oedi o 10 munud neu fwy, bydd y cloc yn troi’n felyn ac yn cynnwys neges yn eich hysbysu am yr oedi. Dylech fod wrth gefn rhag ofn y bydd angen i’r tîm gwrandawiadau fideo gysylltu â chi.
![](https://assets.publishing.service.gov.uk/media/62695ca48fa8f57a41d53e5d/4.2_-_CY_-_waiting_room_3.png)
3. Pan fydd y barnwr yn barod i ddechrau’r gwrandawiad, byddwch yn gweld a chlywed rhybudd amser.
![](https://assets.publishing.service.gov.uk/media/62695ca4e90e0746ca7e5586/4.3_-_CY_-_countdown.png)
Bydd y gwrandawiad yn cael ei recordio.
4. Pan fydd y gwrandawiad yn dechrau, bydd eich microffon yn cael ei ddiffodd. Ni ddylech droi eich microffon ymlaen, oni bai ei bod hi’n dro arnoch chi i siarad. Byddwch yn gweld eich hun mewn ffenestr yn y gwaelod ar y chwith. Ar y brif sgrîn, byddwch yn gallu gweld y barnwr a chyfranogwyr eraill. Efallai y bydd cyfranogwyr eraill mewn ffenestri o dan neu wrth ochr y barnwr, yn dibynnu ar ddewis gosodiadau’r barnwr.
![](https://assets.publishing.service.gov.uk/media/62695ccee90e0746cf692aa3/4.4_-_CY_-_Take_part_1.png)
5. Ar dop y sgrîn ar y dde, byddwch yn gweld rhai botymau rheoli. Gallwch wneud y canlynol:
- rhannu fideo, sain neu ddogfennau (gweler rhannu tystiolaeth)
- dewis y camera a/neu ficroffon yr hoffech ddefnyddio, os oes gennych fwy nag un ar eich dyfais
- dangos neu guddio eich hunain trwy glicio ar y botwm/eicon llygad
- diffodd eich camera trwy glicio ar y botwm camera - ni ddylech wneud hyn heb ganiatâd y barnwr
- troi eich meicroffon ymlaen neu ei ddiffodd trwy glicio ar y botwm microffon
- gofyn i siarad neu gael sylw’r barnwr trwy ddefnyddio’r botwm codi llaw
![](https://assets.publishing.service.gov.uk/media/62695cced3bf7f0e73864504/4.5_-_CY_-_Take_part_2.png)
6. Os bydd y barnwr angen atal y gwrandawiad dros dro am unrhyw reswm, byddwch yn cael eich symud i’r ystafell aros. Gallwch gychwyn neu ymuno â chyfarfod preifat pan mae’r gwrandawiad wedi’i atal dros dro.
![](https://assets.publishing.service.gov.uk/media/62695ccee90e0746c93a423b/4.6_-_CY_-_hearing_paused.png)
7. Unwaith bydd y barnwr yn barod i ailddechrau’r gwrandawiad, byddwch yn gweld y rhybudd amser unwaith eto. Os ydych mewn cyfarfod preifat, byddwch yn gweld rhybudd bod y gwrandawiad am ailddechrau. Os ydych yn dal mewn cyfarfod preifat pan mae’r barnwr yn ceisio ailddechrau, byddwch yn gadael y cyfarfod ac yn dychwelyd i’r prif gyfarfod yn awtomatig.
5. Rhannu tystiolaeth
Gallwch rannu tystiolaeth gyda chyfranogwyr eraill yn ystod y gwrandawiad. Bydd arnoch angen caniatâd y barnwr i wneud hyn.
Byddwch yn rhannu tystiolaeth trwy ddangos sgrîn eich cyfrifiadur neu drwy chwarae sain.
Os ydych am rannu tystiolaeth fideo, rhaid i chi wneud y canlynol:
- mewngofnodi i’r gwasanaeth trwy ddefnyddio’r porwr Google Chrome.
- clicio ‘Rhannu fideo neu sain’ pan mae’r opsiwn yn ymddangos (mae hyn yn hanfodol i sicrhau ansawdd fideo)
- lawrlwytho’r fideo i’ch gliniadur neu gyfrifiadur os ydy hi’n fideo ar-lein (i osgoi problemau gyda chyflymder y rhyngrwyd)
1. Ar dop y sgrîn ar y dde, cliciwch y botwm rhannu. Byddwch yn cael yr opsiwn i naill ai ‘Rhannu fideo neu sain’ neu ‘Rhannu dogfennau’.
![](https://assets.publishing.service.gov.uk/media/62695ccfe90e0746cd3f0f9b/5.1_-_CY_-_Share_evidence_1.png)
2. Efallai y gofynnir i chi ddewis pa fath o dudalen i’w rhannu. Bydd hyn yn dibynnu ar y porwr rhyngrwyd rydych yn ei ddefnyddio. Bydd y rhan fwyaf o borwyr yn caniatáu ichi ddewis rhannu eich sgrîn gyfan neu borwr unigol neu ffenestr y rhaglen. Byddwch yn ofalus – os ydych yn dewis i rannu’ch sgrîn gyfan, bydd unrhyw ffenestri sydd ar agor gennych efallai nad ydych am eu rhannu, yn weladwy i bawb.
3. Unwaith y byddwch wedi gorffen rhannu eich tystiolaeth, cliciwch yr eicon ‘rhannu sgrîn’ unwaith eto. Ni fydd y cyfranogwyr eraill yn gallu gweld eich sgrîn rhagor.
6. Ar ddiwedd y gwrandawiad
1. Ar ddiwedd y gwrandawiad, bydd y barnwr yn dweud wrthych beth fydd yn digwydd nesaf. Pan fyddant yn cau’r gwrandawiad, byddwch yn dychwelyd i’r ystafell aros.
Gallwch barhau i ddefnyddio’r ystafell gyfarfod breifat os hoffech siarad â chyfranogwr arall.
![](https://assets.publishing.service.gov.uk/media/62cd41438fa8f54e8fb7dc1f/6.1_-_ALT_CY_-_hearing_end.png)
2. Pan fyddwch yn barod i adael yr ystafell aros, cliciwch ‘allgofnodi’ ar dop y sgrîn ar y dde.
![](https://assets.publishing.service.gov.uk/media/62695ccf8fa8f57a3eca5cdc/6.2_-_CY_-_sign_out.png)
7. Cysylltu â’r tîm gwasanaeth Gwrandawiadau Fideo
Cysylltwch â ni os:
- nad ydych wedi gallu cwblhau’r hunan-brawf yn llwyddiannus
- oes angen i’ch sefydliad brofi unrhyw newidiadau i’r rhyngrwyd/ gosodiadau’r wal dân
- oes arnoch angen canllawiau pellach i gymryd rhan mewn gwrandawiad fideo
Ni ddylech gysylltu â ni ynglŷn â’r achos. Dylech gysylltu â’r llys neu dribiwnlys yn uniongyrchol neu siarad â’ch cynrychiolydd cyfreithiol, os oes gennych chi un.
Cymru a Lloegr
Rhif ffôn: 0300 303 0655
Dydd Llun i Ddydd Gwener, 9am i 5pm (ac eithrio gwyliau cyhoeddus)
Cyfeiriad e-bost: video-hearings@justice.gov.uk
Yr Alban
Rhif ffôn: 0300 790 6234
Dydd Llun i Ddydd Gwener, 8.30am i 5pm (ac eithrio gwyliau cyhoeddus)
Cyfeiriad e-bost: SSCSA-Glasgow@justice.gov.uk