तपाईंले NHS कोभिड-19 खोप-पश्चातको पत्र अनुरोध गर्नुभयो तर यो आइपुगेको छैन? तपाईंलाई मद्दत गर्नको लागि यहाँ मार्गदर्शक छ।
अद्यावधिक गरियो 21 June 2021
Applies to England
© क्राउन प्रतिलिपि अधिकार 2021
यो प्रकाशन कुनै ठाउँमा तोकिएको बाहेक खुला सरकार इजाजतपत्र v3.0 को शर्तहरु अन्तर्गत इजाजतपत्र प्राप्त छ। यो इजाजतपत्र हेर्नको लागी nationalarchives.gov.uk/doc/open-government-licence/version/3 मा जानुहोस् वा सूचना नीति टोलि, राष्ट्रिय अभिलेखालय, किउ, लन्डन TW9 4DU मा पत्र लेख्नुहोस् वा ईमेल पठाउनुहोस्: psi@nationalarchives.gov.uk.
यदि हामीले कुनै तेस्रो पक्ष प्रतिलिपि अधिकार जानकारीको पहिचान गरेका छौं भने तपाईंले सम्बन्धित प्रतिलिपि अधिकार धारकहरु बाट अनुमति प्राप्त गर्न आवश्यक छ।
यो प्रकाशन https://www.gov.uk/government/publications/if-you-cannot-get-an-nhs-covid-pass-letter/5798acd3-6971-49f7-89e8-10f327e5d540 मा उपलब्ध छ
Picture of NHS letter:
पत्रको अगाडिको भागमा के छ
तपाईंले हालसालै आफ्ना कोभिड-19 खोपहरू लगाउनुभएको छ भनी पुष्टि गर्ने पत्र अनुरोध गर्न 119 (कोभिड-19 खोप स्थिति सेवा) मा सम्पर्क गर्नुभयो। दुर्भाग्यवश, हामी यो समयमा पत्र तयार गर्न असमर्थ थियौं। तपाईंको खोप रेकर्डमा तपाईंले संयुक्त अधिराज्यबाट स्वीकृत कुनै पनि कोभिड-19 खोपको दुईवटा मात्रा लगाउनुभएको छ भनी पुष्टि गर्नको लागि सबै आवश्यक जानकारी समावेश हुँदा मात्र पत्र तयार गर्न सकिन्छ।
तपाईंले अब के गर्नुपर्छ
तपाईं संयुक्त अधिराज्यभन्दा बाहिर यात्रा गर्ने योजना बनाउँदै हुनुहुन्छ र आफ्नो खोप लगाएको प्रमाण लिन आवश्यक छ भने, कृपया आफ्ना खोप विवरणहरू लिएर आफ्नो GP अभ्यासलाई सम्पर्क गर्नुहोस्। तपाईं यो सन्दर्भ पनि उपलब्ध गराउन सक्नुहन्छ भने, यसले तिनीहरूलाई मद्दत पुर्याउनेछ:
| Reason Code | कारण कोड | Failure Reason | असफलताको कारण |
|---|---|---|---|
| 3006 | 3006 | No Vaccine Record Found | खोप रेकर्ड फेला परेन |
| 3007 | 3007 | No Date for vaccination | खोप मिति छेन |
| 3008 | 3008 | 0 or 1 vaccinations | 0 वा 1 खोप |
| 3009 | 3009 | Vaccine Code not in SNOMED (NHS medical system) | खोप कोड SNOMED (NHS चिकित्सा प्रणाली) मा छैन |
| 3011 | 3011 | Not correct interval between vaccinations (not long enough) | खोपहरू बीच सही अन्तराल छैन (पर्याप्त अन्तराल छैन) |
त्यसपछि, तपाईंको GP अभ्यासले कुन जानकारीले तपाईंको पत्र तयार गर्नबाट रोकिरहेको हुन सक्छ भन्ने बारे बुझ्नको लागि खोप कार्यक्रम र स्थानीय खोप सेवा(हरू) सँग सहकार्य गर्नेछ।
पत्रको पछाडिको भागमा के छ
आफ्नो खोप स्थितिको प्रमाणीकरण प्राप्त गर्ने
तपाईंको रेकर्ड अद्यावधिक भइसकेपछि, तपाईंले आफ्नो खोप स्थिति प्रदर्शन गर्न छनोट गर्न सक्ने दुईवटा तरिका छन्:
- तपाईंसँग इन्टरनेट पहुँच र स्मार्टफोन, ट्याब्लेट वा कम्प्युटर छ भने, तपाईंले आफ्नो खोप स्थिति अनलाइनमा हेर्न सक्नुहुनेछ:
● NHS एप प्रयोग गरेर, www.nhs.uk/nhsapp हेर्नुहोस् ● www.nhs.uk/coronavirus मा
तपाईंले यी सेवाहरूका लागि दर्ता गर्नुपर्ने हुन्छ। त्यसपछि, तपाईं यो जानकारी देखाउने PDF फाइल डाउनलोड गर्न वा इमेल प्राप्त गर्न पनि सक्नुहुन्छ।
- वैकल्पिक रूपमा, तपाईं 119 मा कल गरेर फेरि आफ्नो कोभिड-19 खोप पत्र अनुरोध गर्न सक्नुहुन्छ।
तपाईं छिट्टै यात्रा गर्ने योजना बनाउँदै हुनुहुन्छ भने तपाईंले यात्रासम्बन्धी नवीनतम सुझाव आफ्नो यातायात वा यात्रा सञ्चालकसँग र वैदेशिक, कमनवेल्थ तथा विकास कार्यालय (Foreign, Commonwealth and Development Office) को वेबसाइट www.gov.uk/foreign-travel-advice मा हेर्न पनि सक्नुहुन्छ।
तपाईंले संयुक्त अधिराज्यभन्दा बाहिर यात्रा गर्ने योजना बनाउँदै हुनुहुन्छ र आफ्ना खोपहरूको प्रमाण लिन आवश्यक छ भने, यो प्राप्त गर्ने सबैभन्दा छिटो तरिका भनेको NHS एप वा NHS वेबसाइट www.nhs.uk/coronavirus प्रयोग गर्नु हो।
कोभिड-19 का लक्षणहरू, परीक्षण, खोप र स्वयं-आइसोलेसन बारे NHS वेबसाइट www.nhs.uk/coronavirus मा फेला पार्नुहोस्।
डाटा सुरक्षा: स्वास्थ्य तथा सामाजिक स्याहार विभाग (Department for Health and Social Care) ले डाटा नियन्त्रकको रूपमा कार्य गरिरहेको छ र कोभिड-19 स्थिति कार्यक्रमका प्रयोजनहरूका लागि तपाईंको व्यक्तिगत डाटा प्रक्रिया गर्नको लागि यो जिम्मेवार छ। थप कुरा जान्नका लागि, तपाईं https://www.gov.uk/government/publications/dhsc-privacy-notice मा हाम्रो गोपनीयता सूचना पहुँच गर्न वा आफ्नो वेबसाइट ब्राउजरमा “DHSC स्थितिको गोपनीयता सूचना” खोज्न सक्नुहुन्छ।