تشہیری مواد

آپ کی سکریننگ کے نتائج: آپ میں درمیانہ شکمی بڑی شریان میں پھیلاؤ یعنی لارج ایبڈومینل آؤرٹِک اینیوریئم (AAA) کا مرض تشخیص ہوا ہے

اپ ڈیٹ کردہ 19 نومبر 2024

Applies to England

پبلک ہیلتھ انگلینڈ (PHE) نے یہ کتابچہ NHS کی جانب سے تیار کیا ہے۔ اِن معلومات میں حرف ‘ہم’ سے مراد NHS سروس ہے جو کہ سکریننگ مہیا کرتی ہے۔

---

ایک خاکہ جو بڑی شکمی شریان کے شریانی پھیلاٶ کو دکھاتا ہے

1. لیف لیٹ کِس کے لیے ہے

یہ لیف لِٹ ان مردوں کے لیے معلومات فراہم کرتا ہے جن میں شکمی بڑی شریان سے متعلق شریانی پھیلاٶ کی سکرننگ (جو AAA سکریننگ بھی کہلاتی ہے) کے ذریعے دریافت کردہ درمیانہ پھیلاٶ یا میڈیئم اینیوریئمہو ہے۔

1.1 آپ کی AAA سکریننگ کا نتیجہ

جب آپ کو سکرین کیا گیا تھا تو ہم نے دریافت کیا کہ آپ کی بڑی شریان یعنی آؤرٹا معمول سے چوڑی ہے۔ اس کا مطلب ہے کہ آپ کو درمیانہ شکمی بڑی شریان سے متعلق شریانی پھیلاٶ ہے۔

CTA$ * چھوٹا AAA: 3.0 سنٹی میٹر – 4.4 سنٹی میٹر ** *درمیانہ AAA: 4.5 سنٹی میٹر – 5.4 سنٹی میٹر *بڑا AAA: 5.5 سنٹی میٹر یا بڑا CTA$

ان 500 مردوں میں سے جن کو سکرین کیا گیا، تقریباً 1 کو درمیانہ AAA ہوتا ہے۔ ہم ہر 3 ماہ بعد آپ کو الٹراساٶنڈ سکین کے لیے واپس آنے کی دعوت دیں گے یہ دیکھنے کے لیے کہ آیا یہ بڑھ رہا ہے یا نہیں۔

2. شکمی بڑی شریان سے متعلق شریانی پھیلاٶ یعنی ایبڈومنل آؤرٹِک اینیوری٘م ہے کیا

بڑی شریان مرکزی خون کی شریان ہے جو آپ کے جسم کو خون بہم پہنچاتی ہے۔ یہ آپ کے دل سے نکلتی ہے اور نیچے چھاتی کے راستے شکم تک جاتی ہے۔

بعض لوگوں میں، جیسے جیسے وہ عمر رسیدہ ہو جاتے ہیں، شکم میں بڑی شریان کی دیوار کمزور ہو سکتی ہے۔

یہ پھر پھیل سکتی ہے اور وہ شکل اختیار کر سکتی ہے جو شکمی بڑی شریان سے متعلق شریانی پھیلاٶ کہلاتی ہے۔

درمیانہ AAA کس قدر سنگین ہے

درمیانہ AAA سنگین ہو سکتا ہے اگر یہ بڑھنا جاری رکھے، لہٰذا اس کے سائز کی نگرانی کرنا اہم ہے۔ اگر یہ 5.5 سنٹی میٹر (بڑا شریانی پھیلاٶ) تک بڑھتا ہے تو ہم مزید ٹیسٹوں اور ممکنہ علاج، عموماً ایک آپریشن کے متعلق بات کرنے کے لیے ایک ماہر کے ساتھ آپ کے لیے اپائنٹمنٹ کا بندوبست کریں گے۔ بڑا شریانی پھیلاٶ بہت سنگین ہو سکتا ہے کیونکہ جیسے جیسے بڑی شریان کی دیوار پھیلتی ہے، یہ کمزور ہوتی جاتی ہے اور پھٹ سکتی ہے جو کہ اندرونی خون بہنے کا باعث بن سکتی ہے۔

جب شریانی پھیلاٶ پھٹتا ہے تو 100 افراد میں سے تقریباً 85 مر جاتے ہیں۔

زیادہ تر شریانی پھیلاٶ آہستہ آہستہ بڑا ہوتا ہے، لہٰذا آپ میں ممکن ہے بڑا AAA کبھی بھی نمو نہ پائے جسے علاج کی ضرورت ہو۔

3. آگے کیا ہوگا؟

1. ہم آپ کو 3 ماہ کے عرصے میں سکین کے لیے واپس آنے کی دعوت دیں گے۔
2. آپ کا اگلا سکین واجب ہونے سے کچھ پہلے، ہم آپ کو اپائنٹمنٹ کا خط بھیجیں گے۔
3. ہم آپ کے لیے ماہر نرس سے بات کرنے کا بندوبست کریں گے۔ وہ آپ کے شریانی پھیلاٶ کے متعلق آپ کی عمومی صحت پر آپ کو مشورہ دے سکیں گے۔

4. اپنی صحت کی دیکھ بھال کرنا

آپ اپنی صحت کی دیکھ بھال کرنے میں مدد کرسکتے ہیں:

*اگر آپ تمباکو نوش ہیں تو تمباکو نوشی کم یا ترک کرنے کی کوشش کرنے کے لیے مدد طلب کرکے *یقینی بنا کے کہ آپ کا فشارِ خون نارمل ہے - اگر آپ نے اِسے حال ہی میں چیک نہیں کروایا ہے، تو یہ چیک کروا لینا چاہئیے۔ *صحت بخش متوازن غذا کھا کر اور مُرغن خوراک کو کم کرکے *اگر آپ کا وزن زیادہ ہے، تو وزن کم کرنے کی کوشش کر کے *باقاعدگی سے ورزش کرکے *اگر آپ الکوحل پیتے ہوں، تو معقول حدود کے اندر رہ کر

آپ کو اپنے طرز زندگی میں کوئی دیگر تبدیلیاں کرنے کی ضرورت نہیں ہے اور کوئی بھی کھیل یا مشغلے جاری رکھنے چاہئیں۔

آپ کا جی پی پریکٹس تمام مندرجہ بالا امور پر آپ کو مشورہ دے سکے گا اور ممکن ہے آپ کو دوا بھی دینا چاہے یا آپ کی موجودہ دوا پر نظر ثانی کرے۔

5. آپ کو کتنی کثرت سے واپس آنا درکار ہو گا

ہر ایک مختلف ہے، لہٰذا قطعی طور پر یہ کہنا ممکن نہیں ہے کہ کتنے سکینز کے لیے آپ کو واپس آنے کی ضرورت ہو گی۔

ہم آپ کو سکین کروانے کے لیے ہر 3 ماہ بعد بُلاتے رہیں گے ماسوائے اِس کے کہ آپ کی بڑی شریان یعنی آؤرٹا 5.5 سنٹی میٹر یا زیادہ چوڑائی تک بڑھ گئی ہو۔ ہم پھر مزید ٹیسٹوں اور ممکنہ علاج کے متعلق گفتگو کرنے کے لیے ایک ماہر کے ساتھ اپائنٹمنٹ کا بندوبست کریں گے

5.1 آپ ابھی آپریشن کیوں نہیں کروا سکتے

تمام آپریشنوں میں خطرات ہیں اور شکمی بڑی شریان سے متعلق شریانی پھیلاٶ کے لیے آپریشن مختلف نہیں ہے۔

تحقیق ظاہر کرتی ہے کہ درمیانے شریانی پھیلاٶ کا علاج کے لیے آپریشن صحت کے مسائل کے زیادہ خطرے کا حامل ہے بہ نسبت شریانی پھیلاٶ کی نگرانی کرنے کے اور آپریشن صرف اس صورت میں کرنے کے اگر یہ 5.5 سنٹی میٹر یا زیادہ چوڑائی تک بڑا ہو جاتا ہے۔

6. علامات

اگر آپ کو شریانی پھیلاٶ ہے تو آپ عموماً کوئی علامات نوٹس نہیں کریں گے، لہٰذا یہ خلاف قیاس ہے کہ آپ درمیانہ شریانی پھیلاٶ سے کوئی درد یا بے آرامی محسوس کریں۔

اگر آپ کسی وجہ سے ہسپتال میں جائیں، تو آپ کو عملے کو بتانا چاہئیے کہ آپ کو سکریننگ کے ذریعے دریافت کردہ شکمی بڑی شریان سے متعلق شریانی پھیلاٶ ہے۔

اگر آپ اپنی سکریننگ کے نتیجے کے متعلق کوئی سوالات پوچھنا چاہتے ہوں، تو آپ اپنے مقامی سکریننگ پروگرام کو فون کر سکتے ہیں۔ اگر آپ عموماً علیل محسوس کرتے ہوں، تو آپ اپنے جی پی سے بات کریں۔

6.1 پھٹے ہوئے آینیوریئم کی علامات

یہ انتہائی خلافِ قیاس ہے کہ درمیانہ AAA پھٹے گا، لیکن یہ اہم ہے کہ آپ پھٹے ہوئے AAA کی کسی بھی علامات سے آگاہ ہوں۔

اگر آپ کو شدید، لگاتار شکم اور/یا کمر کے نچلے حصے میں درد کی نئی علامات ہوں، تو آپ کو شعبہ حادثات اور ایمرجنسی کے ذریعے فوری طبی امداد طلب کرنی چاہئیے۔ آپ اِس بات کو یقینی بنائیں کہ آپ کسی بھی طبی عملے کو بتائیں کہ آپ کو AAA ہے۔

اگر آپ اپنی سکریننگ کے نتیجے کے متعلق کوئی سوالات پوچھنا چاہتے ہوں، تو آپ اپنے مقامی سکریننگ پروگرام کو فون کر سکتے ہیں۔ اگر آپ عموماً علیل محسوس کرتے ہوں، تو آپ اپنے جی پی سے بات کریں۔

7. قریبی رشتہ دار

AAA ہونے کا خطرہ بڑھ جاتا ہے اگر آپ کے بھائی، بہن یا والدین کو شکمی بڑی شریان سے متعلق شریانی پھیلاٶ ہو یا ماضی میں رہا ہو۔

اس لئے آپ کو سبھی بھائیوں، بہنوں یا بچوں کو آگاہ کرنا چاہئیے کہ آپ کے AAA کا مطلب ہے کہ وہ بھی خطرے میں ہیں۔ وہ اپنے جی پی سے اُس عمر سے 5 سال قبل سکین کی درخواست کرنے کے امکان کے متعلق پوچھ سکتے ہیں جس عمر پر آپ کا AAA دریافت کیا گیا تھا۔

8. ڈرائیونگ

کار ڈرائیور حضرات:

1. اگر آپ کا شریانی پھیلاٶ 6 سنٹی میٹر تک بڑھ جاتا ہے تو آپ کو لازمی طور پر ڈی وی ایل اے (DVLA) کو مطلع کرنا چاہئیے۔
2. اگر آپ کا شریانی پھیلاٶ 6.5 سنٹی میٹر تک بڑھتا ہے تو آپ کا لائسنس معطل کر دیا جائے گا۔
3. آپ کے شریانی پھیلاٶ کا کامیابی سے علاج کئے جا چکنے کے بعد آپ کا لائسنس بحال کر دیا جائے گا۔

بس، کوچ اور لاری ڈرائیورز:

1. آپ کو ڈی وی ایل اے (DVLA) کو لازمی مطلع کرنا چاہئیے کہ آپ کو شریانی پھیلاٶ ہے۔
2. اگر آپ کا شریانی پھیلاٶ 5.5 سنٹی میٹر تک بڑھ جاتا ہے تو آپ کا لائسنس معطل کر دیا جائے گا۔
3. آپ کے شریانی پھیلاٶ کا کامیابی سے علاج کئے جا چکنے کے بعد آپ کا لائسنس بحال کر دیا جائے گا۔

9. صحت سے متعلق بیمہ

جب سفر کے لیے یا کوئی دیگر صحت سے متعلقہ انشورنس کے لیے درخواست دے رہے ہوں تو اگر آپ اپنا AAA ظاہر کر دیتے ہیں ممکن ہے آپ سے اضافی پریمیئم چارج کیا جائے یا اِس حالتِ بیماری کو بیمہ تحفظ سے خارج قرار دے دیا جائے۔ جب بیمہ تحفظ کے لیے دیکھ رہے ہوں تو کوئی بروکر مدد کر سکتا ہے۔ برٹش انشورنس بروکرز ایسوسی ایشن ‘فائنڈ اے بروکر’ سروس چلاتی ہے۔ اُن کی ویب سائٹ پر جائیں۔ یا 1790 950 0370 پر کال کریں۔

10. مزید معلومات

آپ مزید معلومات حاصل کرسکتے ہیں:

*اپنی جی پی پریکٹس سے *اپنے مقامی سکریننگ پروگرام سے *NHS چوائسز سے *Circulation Foundation *برٹش ہارٹ فاٶنڈیشن

معلوم کریں کہ کیسے پبلک ہیلتھ انگلینڈ اور این ایچ ایس آپ کی سکریننگ کے بارے معلومات کیسے استعمال اور محفوظ کرتے ہیں۔

جانئے کہ کیسے سکریننگ نہ کروانے کا انتخاب کرنا ہے