PecynUK: polisi ymddygiad derbyniol
Cyhoeddwyd 17 Ionawr 2025
© Hawlfraint y Goron 2025
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/packuk-acceptable-behaviour-policy/2b4694df-0207-4c1a-84a2-37d4f6bac2a4
Rydyn ni’n gwerthfawrogi pwysigrwydd cyfathrebu effeithiol ac empathetig i helpu pobl i ddefnyddio’n gwasanaeth a’n galluogi ninnau i gyflawni’n gwaith yn effeithlon.
Rydyn ni’n disgwyl i bobl sy’n ymgysylltu â ni ymddwyn mewn ffordd dderbyniol.
Rydyn ni’n disgwyl i bersonél PecynUK wneud y canlynol:
-
rhoi gwasanaeth teg, agored, cymesur a hygyrch.
-
gwrando a deall.
-
trin pawb sy’n cysylltu â ni â pharch, empathi ac urddas.
Rydyn ni’n disgwyl i bawb sy’n cysylltu â PecynUK wneud y canlynol:
-
trin ein personél â pharch a chwrteisi.
-
ymwneud â ni mewn ffordd nad yw’n effeithio ar ein gallu i gyflawni’n gwaith yn effeithiol ac yn effeithlon er budd pawb sy’n rhyngweithio â ni.
Gobeithio y bydd y mwyafrif o bobl yn fodlon â’u cysylltiad â ni, ond rydyn ni’n cydnabod y gall rhai fod yn anfodlon. Cewch roi adborth am ein gwasanaeth unrhyw bryd yn ystod eich cysylltiad â ni.
Ymddygiad sy’n annerbyniol
Rydyn ni’n cydnabod y gall fod gan rai pobl sy’n cysylltu â ni reswm i deimlo’n ddig, yn drist neu’n ofidus. Er hynny, nid yw’n dderbyniol pan gaiff y dicter hwnnw ei gyfeirio at ein personél ni. Mewn nifer fach o achosion, gall ymddygiad unigolyn wrth ymwneud â ni fynd yn annerbyniol am ei fod yn cynnwys sarhau ein gweithwyr neu gam-drin ein gwasanaeth.
Pan fydd hyn yn digwydd, byddwn ni’n cymryd camau i ddiogelu’n personél a chynnal ein gallu i wneud ein gwaith a rhoi gwasanaeth i bobl eraill.
Mae enghreifftiau o’r hyn rydyn ni’n ei ystyried yn ymddygiad annerbyniol yn cynnwys:
- ymddygiad ymosodol, sarhaus neu dramgwyddus
- ymddygiad corfforol, iaith, delweddau (wyneb yn wyneb, dros y ffôn neu mewn ysgrifen mewn negeseuon ebost, llythyron neu ar-lein) a allai beri i weithwyr deimlo dan fygythiad, yn anghyffyrddus, yn israddol, neu wedi’u cam-drin
Mae hyn yn cynnwys sarhad ynglŷn ag unrhyw nodwedd warchodedig, fel y’u diffinnir gan Ddeddf Cydraddoldeb 2010 (oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil, crefydd neu gred, rhyw a chyfeiriadedd rhywiol).
Gofynion annerbyniol
Efallai y byddwn o’r farn bod gofynion ynghylch natur neu raddfa ein gwasanaeth yn annerbyniol.
Er enghraifft:
-
gofyn am ymatebion mewn amserlenni afresymol
-
mynnu siarad ag uwch gydweithwyr neu uwchgyfeirio materion at uwch gydweithwyr pan nad yw’r unigolyn wedi cael yr ateb a ddymunir.
-
ceisiadau blinderus am wybodaeth
-
newid sylwedd cwyn dro ar ôl tro
-
codi pryderon amherthnasol neu wrthod derbyn penderfyniad pan fo esboniadau am y penderfyniad wedi’u rhoi.