რუსეთის სანქციები –პრიორიტეტული პუნქტების საერთო ჩამონათვალი
განახლება 8 August 2024
© გვირგვინის საავტორო უფლებ ა2024
ეს პუბლიკაცია ლიცენზირებულია ღია მმართველობის ლიცენზიის v3.0 პირობებით, გარდა სხვა შემთხვევებისა. ამ ლიცენზიის სანახავად ეწვიეთ nationalarchives.gov.uk/doc/open-government-licence/version/3 ან მოგვწერეთ საინფორმაციო პოლიტიკის ჯგუფში, ეროვნულ არქივში, Kew, London TW9 4DU, ან ელ.ფოსტაზე: psi@nationalarchives.gov.uk.
სადაც ჩვენ გამოვავლინეთ მესამე მხარის საავტორო უფლებების შესახებ ინფორმაცია, თქვენ დაგჭირდებათ ნებართვის მიღება შესაბამისი საავტორო უფლებების მფლობელებისგან.
ეს პუბლიკაცია ხელმისაწვდომია https://www.gov.uk/government/publications/russia-sanctions-common-high-priority-items-list/b4cb155b-e0e9-4306-bc2d-26bf0f8715f7-ზე
ეს თარგმანი შესრულებულია 2024 წლის 15 ივლისს. ინგლისურენოვანი მითითებები, რომლებიც ამ გვერდზეა ხელმისაწვდომი, წარმოადგენს ავტორიტეტულ მითითებებს, გაცემულს გაერთიანებული სამეფოს მთავრობის მიერ. თქვენი პასუხისმგებლობაა იმის შემოწმება, შეიცვალა თუ არა ორიგინალი ინგლისურენოვანი მითითებები.
ეს შენიშვნა მოიცავს პრიორიტეტების საერთო ჩამონათვალს. ის შედგება დასავლური პუნქტებისგან, რომლებიც კრიტიკულად მნიშვნელოვანია რუსული შეიარაღების სისტემებისა და მისი სამხედრო განვითარებისთვის. სია ცოცხალ რეჟიმშია და დროდადრო განახლდება. ბიზნესი მნიშვნელოვან როლს ასრულებს ამ პუნქტების რუსეთში შეღწევის თავიდან აცილებაში.
აღსანიშნავია, რომ ეს პრიორიტეტული პუნქტების საერთო ჩამონათვალი არ წარმოადგენს ჩვენი სავაჭრო სანქციების მასშტაბს. ზომებისა და სამართლებრივი ვალდებულებების სრული ნაკრებისთვის იხილეთ რუსეთის რეგულაციები.
რუსეთის უკრაინაში შეჭრის საპასუხოდ, დიდმა ბრიტანეთმა დააწესა სანქციების უპრეცედენტო პაკეტი, რომელიც მიზნად ისახავს რუსეთის საომარი მანქანის დაფინანსების შეწყვეტას, მასშტაბური ეკონომიკური ზარალის მიყენებას და უკრაინის მიმართ სოლიდარობისა და მხარდაჭერის გამოვლენას.
ეს მნიშვნელოვან გავლენას ახდენს რუსეთის უნარზე, აწარმოოს უკრაინაში თავისი უკანონო ომი და ამან მნიშვნელოვნად დაასუსტა რუსეთის ეკონომიკა.
დიდი ბრიტანეთი, სავაჭრო ზომების საშუალებით, ცდილობს, უარი უთხრას რუსეთს იმ საქონელზე, ტექნოლოგიებსა და შემოსავალზე, რომელიც აუცილებელია მისი უკანონო ომის საწარმოებლად და ცდილობს, ხელი შეუწყოს მისი სამხედრო შესაძლებლობების დასუსტებას რუსული იარაღის შემუშავებისთვის კრიტიკულად მნიშვნელოვანი დასავლური ელემენტების შეზღუდვით.
ჩამონათვალი
ჩვენს საერთაშორისო პარტნიორებთან ერთად, დიდმა ბრიტანეთმა მოახდინა იმ ელემენტების იდენტიფიცირება, რომლებსაც რუსეთი შეიარაღებაში იყენებს. ყველა ექვემდებარება გაერთიანებული სამეფოს სანქციებს. ბევრი ასეთი ელემენტი ნაპოვნია ბრძოლის ველზე უკრაინაში. ისინი მოიცავს ისეთ ელექტრონულ კომპონენტებს, როგორიცაა ინტეგრალური სქემები და რადიოსიხშირის (RF) გადამცემი მოდულები. სია, რომელიც საჭიროების შემთხვევაში განახლდება, ასევე მოიცავს ელემენტებს, რომლებიც აუცილებელია ბრძოლის ველიდან ამოღებული ელექტრონული კომპონენტებისა და სქემების წარმოებისა და ტესტირებისთვის.
სია დაყოფილია ოთხ დონედ, სადაც პირველი და მეორე დონეები მოიცავს განსაკუთრებით მგრძნობიარე ელემენტებს – ინტეგრალურ სქემებს, რომლებიც რუსული შეიარაღების სისტემებისთვის ყველაზე დიდი საზრუნავია, და დამატებით ელექტრონულ კომპონენტებს.
- დონე 1: ინტეგრალური სქემები (ასევე მოიხსენიება, როგორც მიკროელექტრონიკა)
- დონე 2: ელექტრონიკის კომპონენტები, მათ შორის, საკომუნიკაციო მოდულები და პასიური ელექტრონული კომპონენტები
- დონე 3A: სხვა ელექტრონული კომპონენტები, რომლებიც გამოიყენება რუსული შეიარაღების სისტემებში, მიმწოდებლების უფრო ფართო სპექტრით
- დონე 3B: რუსული შეიარაღების სისტემებში გამოყენებული მექანიკური და სხვა კომპონენტები
- დონე 4A: აღჭურვილობა ელექტროკომპონენტების, მიკროსქემების დაფებისა და მოდულების წარმოებისა და ხარისხის ტესტირებისთვის
- დონე 4B: ციფრული პროგრამული მართვის (CNC) ჩარხები და კომპონენტები
უზრუნველყავით სათანადო გულმოდგინება
რუსეთი სანქციების არაწევრი ქვეყნების მეშვეობით ისეთი შეზღუდული საქონლის შესყიდვას ცდილობს, როგორიც ამ სიაშია მითითებული. ბიზნესმა უნდა უზრუნველყოს ამ რისკების გათვალისწინება. ბიზნესმა უნდა გამოიჩინოს სათანადო გულმოდგინება, რათა უზრუნველყოს, რომ ამ პროდუქტების საბოლოო დანიშნულების ადგილი არ იყოს რუსეთი.
დიდი ბრიტანეთი საერთაშორისო პარტნიორებთან კოორდინირებულად მუშაობს სანქციებისთვის თავის არიდების პრობლემის გადასაწყვეტად, მათ შორის, იმ მარშრუტების დასახურად, რომლებიც რუსეთმა პოტენციურად შეიძლება ჩვენი სანქციების გვერდის ავლის მიზნით გამოიყენოს.
მაღალი პრიორიტეტის მქონე საერთო ელემენტები
| დონე | HS6 კოდი | აღწერა |
|---|---|---|
| 1 | 8542,31 | ელექტრონული ინტეგრალური სქემები: პროცესორები და კონტროლერები იმის მიუხედავად, გაერთიანებულია თუ არა მეხსიერებასთან, კონვერტორებთან, ლოგიკურ სქემებთან, გამაძლიერებლებთან, საათისა და დროის სქემებთან თუ სხვა სქემებთან |
| 8542,32 | ელექტრონული ინტეგრალური სქემები: მეხსიერება | |
| 8542,33 | ელექტრონული ინტეგრალური სქემები: გამაძლიერებლები | |
| 8542,39 | ელექტრონული ინტეგრალური სქემები: სხვა | |
| 2 | 8517,62 | აპარატები ხმის, გამოსახულების ან სხვა მონაცემების მიღების, კონვერტაციის და გადაცემის ან რეგენერაციისთვის, მათ შორის, კომუტაციისა და მარშრუტიზაციის აპარატები |
| 8526,91 | სარადარო აპარატი, რადიოსანავიგაციო დახმარების აპარატი და რადიოდისტანციური მართვის აპარატი: რადიო სანავიგაციო დახმარების აპარატი | |
| 8532,21 | სხვა მუდმივი კონდენსატორები: ტანტალის კონდენსატორები | |
| 8532,24 | სხვა მუდმივი კონდენსატორები: კერამიკული დიელექტრიკი, მრავალშრიანი | |
| 8548,00 | დანადგარების ან აპარატების ელექტრული ნაწილები, რომლებიც არ არის მითითებული ან ჩართული 85-ე თავის რომელიმე ნაწილში | |
| 3A | 8471,50 | 8471,41 ან 8471,49 ქვესათაურისგან განსხვავებული ბლოკების დამუშავება, მიუხედავად იმისა, შეიცავს თუ არა ერთსა და იმავე კორპუსში ერთი ან ორი შემდეგი ტიპის ბლოკს: მეხსიერების ბლოკები, შეყვანის ბლოკები, გამოტანა |
| 8504,40 | ელექტრული ტრანსფორმატორები, სტატიკური კონვერტორები (მაგალითად, გამმართველები) და საინდუქციო კოჭები; მათი ნაწილი: სტატიკური კონვერტორები | |
| 8517,69 | ხმის, გამოსახულების ან სხვა მონაცემების გადაცემის ან მიღების სხვა აპარატურა, მათ შორის, სადენიან ან უსადენო ქსელში კომუნიკაციის აპარატურა | |
| 8525,89 | სატელევიზიო კამერები, ციფრული კამერები და ჩამწერი ვიდეოკამერები | |
| 8529,10 | ნაწილები, რომლებიც განკუთვნილია მხოლოდ ან ძირითადად 8524-8528 სასაქონლო პოზიციების აპარატურასთან გამოსაყენებლად; ანტენები და ანტენების რეფლექტორები ყველა სახის; ნაწილები, რომლებიც ვარგისია მათთან გამოსაყენებლად | |
| 8529,90 | ნაწილები, რომლებიც განკუთვნილია მხოლოდ ან ძირითადად 8524-8528 სასაქონლო პოზიციების აპარატურასთან გამოსაყენებლად: სხვა | |
| 8536,69 | კოაქსიალური კონექტორები; ცილინდრული მულტიკონტაქტური კონექტორები; თაროებისა და პანელების კონექტორები; ნაბეჭდი სქემების კონექტორები; ლენტის ან ბრტყელი კაბელის კონექტორები; სხვა | |
| 8536,90 | ელექტროაპარატურა ელექტრული წრედის გადასართავად ან დასაცავად, ან ელექტრულ წრედებთან მისაერთებლად: სხვა აპარატურა | |
| 8541,10 | დიოდები, გარდა ფოტომგრძნობიარე ან სინათლის გამომსხივებელი დიოდებისა | |
| 8541,21 | ტრანზისტორები, გარდა ფოტომგრძნობიარე, გაფრქვევის 1 ვტ-ზე ნაკლები სიხშირით | |
| 8541,29 | ტრანზისტორები, გარდა ფოტომგრძნობიარე მოწყობილობებისა, NESOI | |
| 8541,30 | თირისტორები, დიაკები და ტრიაკები, გარდა ფოტომგრძნობიარე მოწყობილობებისა | |
| 8541,49 | ფოტომგრძნობიარე ნახევარგამტარული მოწყობილობები: სხვა | |
| 8541,51 | ნახევარგამტარულ გარდამქმნელებზე დაფუძნებული | |
| 8541,59 | ნახევარგამტარული მოწყობილობები, NESOI | |
| 8541,60 | დამონტაჟებული პიეზოელექტრული კრისტალები | |
| 3B | 8482,10 | ბურთულა საკისრები |
| 8482,20 | კონუსური გორგოლაჭოვანი საკისრები, მათ შორის, კონუსური გორგოლაჭოვანი საკისრების კომპლექტები | |
| 8482,30 | სფერული გორგოლაჭოვანი საკისრები | |
| 8482,50 | სხვა ცილინდრული გორგოლაჭოვანი საკისრები, მათ შორის, სეპარატორები და გორგოლაჭების კომპლექტები | |
| 8807,30 | თვითმფრინავების სხვა ნაწილები. ვერტმფრენები ან უპილოტო თვითმფრინავები | |
| 9013,10 | ლაზერები, გარდა ლაზერული დიოდებისა; სხვა ოპტიკური მოწყობილობები და ინსტრუმენტები: იარაღზე დასამაგრებელი ტელესკოპური სამიზნეები | |
| 9013,80 | ლაზერები, გარდა ლაზერული დიოდებისა; სხვა ოპტიკური მოწყობილობები და ინსტრუმენტები, NESOI | |
| 9014,20 | ხელსაწყოები და მოწყობილობები ჰაერსანაოსნო და კოსმოსური ნავიგაციისთვის (კომპასების გარდა) | |
| 9014,80 | სხვა სანავიგაციო ინსტრუმენტები და მოწყობილობები | |
| 4A | 8471,80 | მონაცემთა ავტომატური დამუშავების აპარატების სხვა ერთეულები |
| 8486,10 | მანქანები და აპარატები: ლითონის ბურთების ან ფუძეშრეების წარმოებისთვის | |
| 8486,20 | მანქანები და აპარატები: ნახევარგამტარული მოწყობილობების ან ელექტრონული ინტეგრალური სქემების წარმოებისთვის | |
| 8486,40 | მანქანები და აპარატები: ნიღბების და ოპტიკური ხელსაწყოების დასამზადებლად ან შესაკეთებლად; ნახევარგამტარული მოწყობილობების ასაწყობად; ნახევარგამტარული მოწყობილობების ასაწევად, დასამუშავებლად, დასატვირთად ან გადმოსატვირთად | |
| 8534,00 | ნაბეჭდი სქემები | |
| 8543,20 | სიგნალების გენერატორები | |
| 9027,50 | სხვა ინსტრუმენტები და აპარატები ოპტიკური გამოსხივების გამოყენებით (ულტრაიისფერი, ხილული, ინფრაწითელი) | |
| 9030,20 | ოსცილოსკოპები, სპექტრის ანალიზატორები და სხვა ხელსაწყოები და აპარატები ელექტრო რაოდენობების გასაზომად ან შესამოწმებლად: ოსცილოსკოპები და ოსცილოგრაფები | |
| 9030,32 | სხვა ინსტრუმენტები და აპარატები ძაბვის, დენის, წინაღობის და სიმძლავრის გასაზომად ან შესამოწმებლად: მრავალმეტრიანი, ჩამწერი მოწყობილობით | |
| 9030,39 | სხვა ინსტრუმენტები და აპარატები ძაბვის, დენის, წინაღობის და სიმძლავრის გასაზომად ან შესამოწმებლად: სხვა, ჩამწერი მოწყობილობით | |
| 9030,82 | ოსცილოსკოპები, სპექტრის ანალიზატორები და სხვა ხელსაწყოები და აპარატები ელექტრო რაოდენობების გასაზომად ან შესამოწმებლად: ნახევარგამტარული ფირფიტების და მოწყობილობების გაზომვის ან შემოწმებისთვის | |
| 4B | 8457,10 | დამუშავების ცენტრები ლითონის დამუშავებისთვის |
| 8458,11 | ჰორიზონტალური სახარატო ჩარხები, სახარატო ცენტრების ჩათვლით, ლითონის მოსაშორებლად, პროგრამული მართვით | |
| 8458,91 | სახარატო ჩარხები (სახარატო ცენტრების ჩათვლით), პროგრამული მართვით (ჰორიზონტალური სახარატო ჩარხების გარდა) | |
| 8459,61 | საღარავი ჩარხები ლითონებისთვის, პროგრამული მართვით (8458 სასაქონლო პოზიციის სახარატო ჩარხებისა და სახარატო ცენტრების, მიმმართველი თავების მქონე ჩარხების, საბურღი ჩარხების, საბურღი და ფრეზერული ჩარხების, სახვრეტი ჩარხებისა და მუხლა-ფრეზერული ჩარხების გარდა) | |
| 8466,93 | ნაწილები და აქსესუარები, რომლებიც განკუთვნილია მხოლოდ ან ძირითადად 8456-დან 8461-მდე სასაქონლო პოზიციების მანქანებთან გამოსაყენებლად, რომლებიც სხვაგან არ არის მითითებული. |