Siarter Asiantaeth y Swyddfa Brisio (Cymraeg)
Updated 22 April 2021
© Crown copyright 2021
This publication is licensed under the terms of the Open Government Licence v3.0 except where otherwise stated. To view this licence, visit nationalarchives.gov.uk/doc/open-government-licence/version/3 or write to the Information Policy Team, The National Archives, Kew, London TW9 4DU, or email: psi@nationalarchives.gov.uk.
Where we have identified any third party copyright information you will need to obtain permission from the copyright holders concerned.
This publication is available at https://www.gov.uk/government/publications/valuation-office-agency-charter/valuation-office-agency-charter-welsh
Gweithio ar y cyd i lunio’ch profiad o ran gwasanaeth i gwsmeriaid
Asiantaeth y Swyddfa Brisio yw’r arbenigwr ac ymgynghorwr prisio eiddo ar gyfer y sector cyhoeddus. Rydym yn rhoi’r prisiadau a’r cyngor sydd eu hangen i gefnogi trethi a budd-daliadau lleol a chenedlaethol, ac yn cynorthwyo cyrff cyhoeddus eraill. Mae ein gwaith wrth wraidd cyllido a gweithredu gwasanaethau cyhoeddus hanfodol. Mae’r ymrwymiadau hyn yn egluro sut y byddwn yn gweithio gyda chi i roi profiad o wasanaeth proffesiynol ac arbenigol i gwsmeriaid.
Siarter y cwsmer
Dibynadwyedd
Rydym yn gyfrifol am roi prisiadau eiddo dibynadwy. Mae hyn yn helpu cynghorau lleol i gyfrifo’n gywir swm y dreth rydych yn ei thalu, neu i ddefnyddio swm cywir y rhyddhad neu’r budd-dal, ac mae’n cefnogi CThEM a chyrff cyhoeddus eraill wrth iddynt gyflawni eu swyddogaethau.
Efallai y byddwn yn gofyn am wybodaeth gennych i gadw ein cofnodion yn gyfredol. Rydym yn dibynnu arnoch i sicrhau bod yr wybodaeth sydd gennym am eich eiddo a’ch manylion rhent yn gywir. Byddwn yn eich helpu i roi’r wybodaeth gywir, a gallwn gymryd camau yn erbyn y rhai nad ydynt yn gwneud hyn yn fwriadol.
Ymatebolrwydd
Pan fyddwch yn cysylltu â ni, byddwn yn ateb eich cwestiynau’n llawn, a hynny cyn gynted ag y gallwn, neu byddwn yn eich cyfeirio at y man priodol er mwyn dod o hyd i ateb.
Byddwn yn eich helpu i ddiweddaru gwybodaeth sydd gennym am eich eiddo. Byddwn yn rhoi gwybod i chi am bob penderfyniad, ac yn egluro ein rhesymau a’r hyn sy’n digwydd nesaf.
Gallwch ein helpu drwy ymateb yn brydlon i unrhyw geisiadau am wybodaeth.
Gweithio gyda chi
Byddwn yn sicrhau eich bod yn cael eich trin yn deg, ac yn cael y cymorth sydd ei angen arnoch. Rydym wedi ymrwymo i sicrhau bod ein gwasanaethau’n hygyrch i’n holl gwsmeriaid.
Gallwch benodi rhywun i weithio gyda ni ar eich rhan, fel asiant neu berthynas. Byddwn ond yn delio ag ef os ydych wedi ei awdurdodi i’ch cynrychioli. Helpwch ni drwy sicrhau bod yr wybodaeth y mae’n ei rhoi i ni yn gywir.
Eich hawliau
Byddwn yn egluro ein penderfyniadau i chi yn glir. Byddwn yn eich helpu i ddeall eich hawliau a’r opsiynau sydd ar gael i chi.
Parch
Byddwn yn eich trin yn deg, gyda chwrteisi a pharch. Gofynnwn i chi drin ein cyflogeion yn yr un modd. Ni fyddwn yn goddef unrhyw ymddygiad annerbyniol, a byddwn yn cymryd camau yn erbyn bygythiadau, aflonyddu a bwlio.
Diogelu data
Byddwn yn diogelu’r wybodaeth sydd gennym amdanoch chi neu’ch eiddo, ac yn ei thrin yn breifat ac yn gyfrinachol. Dim ond pan fydd angen y byddwn yn rhannu’r wybodaeth honno, a byddwn yn gwneud hynny’n deg ac yn unol â’r gyfraith.
Eich adborth
Mae’r ymrwymiadau hyn yn amlinellu’r gwasanaeth i gwsmeriaid yr ydym am i chi ei brofi. Os oes gennych sylwadau neu awgrymiadau, byddwn yn gwrando ar eich adborth ac yn dysgu ohonynt. Os ydych am wneud cwyn, byddwn yn delio â hi’n deg ac mor gyflym ag y gallwn.