Ystadegau swyddogol achrededig

Crynodeb o Fynegai Prisiau Tai y DU: Awst 2022

Cyhoeddwyd 19 Hydref 2022

1. Prif ystadegau ar gyfer Awst 2022

Pris eiddo cyfartalog yn y DU oedd £295,903

Y newid mewn prisiau blynyddol ar gyfer eiddo yn y DU oedd 13.6%

Y newid mewn prisiau misol ar gyfer eiddo yn y DU oedd 0.9%

Y ffigur mynegai misol (Ionawr 2015 = 100) ar gyfer y DU oedd 155.2

Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch Diwygiadau i ddata Mynegai Prisiau Tai y DU.

Dyddiad cyhoeddi nesaf Mynegai Prisiau Tai y DU

Cyhoeddir Mynegai Prisiau Tai y DU Medi 2022 am 9.30am dydd Mercher 16 Tachwedd 2022. Gweler y calendr dyddiadau rhyddhau am ragor o wybodaeth.

2. Datganiad economaidd

Cynyddodd prisiau tai y DU gan 13.6% yn y flwyddyn hyd at Awst 2022, i lawr o 16.0% yng Ngorffennaf 2022. Ar sail heb ei haddasu’n dymhorol, cynyddodd prisiau tai cyfartalog yn y DU gan 0.9% rhwng Gorffennaf ac Awst 2022, i lawr o gynnydd o 3.0% yn ystod yr un cyfnod flwyddyn yn gynharach (Gorffennaf ac Awst 2021).

Roedd y twf cryfaf mewn prisiau tai yn Ne Orllewin Lloegr, lle cynyddodd prisiau gan 17.0% yn y flwyddyn hyd at Awst 2022. Roedd y twf blynyddol lleiaf yn Llundain, lle cynyddodd prisiau gan 8.3% yn y flwyddyn hyd at Awst 2022.

Nododd Arolwg o Farchnad Breswyl y DU Awst 2022 Sefydliad Brenhinol y Syrfewyr Siartredig (RICS) fod ymholiadau gan brynwyr newydd yn parhau i leihau, a bod cyflenwad ar y farchnad yn parhau i fod yn gyfyngedig.

Adroddodd crynodeb o amodau busnes Asiantau Banc Lloegr 2022 Chwarter 3 fod y galw am eiddo yn parhau i fod yn fwy na’r cyflenwad. Fodd bynnag, roedd darpar brynwyr tai yn fwy gofalus erbyn hyn oherwydd pryderon ynghylch y cynnydd mewn costau byw.

Dangosodd Ystadegau Trafodion Eiddo y DU ar gyfer Awst 2022, ar sail wedi ei haddasu’n dymhorol, mai’r nifer amcangyfrifedig o drafodion ar eiddo preswyl gyda gwerth o £40,000 neu fwy oedd 104,980. Mae hyn 7.6% yn uwch na flwyddyn yn ôl (Awst 2021). Rhwng Gorffennaf ac Awst 2022, cynyddodd trafodion y DU gan 1.1% ar sail wedi ei haddasu’n dymhorol.

Adroddodd datganiad Arian a Chredyd Banc Lloegr Awst 2022 fod morgeisi a gymeradwywyd ar gyfer prynu tai, sy’n ddangosydd rhoi benthyg yn y dyfodol, wedi cynyddu’n sydyn i 74,300 yn Awst 2022 o 63,700 yng Ngorffennaf 2022. Mae hyn yn uwch na’r cyfartaledd 12 mis cyn y pandemig hyd at Chwefror 2020 o 66,800.

3. Newidiadau mewn prisiau

3.1 Newidiadau mewn prisiau blynyddol

Newidiadau mewn prisiau blynyddol ar gyfer y DU yn ôl gwlad dros y 5 mlynedd diwethaf

Llwytho data’r siart hon i lawr (CSV, 1KB)

Cynyddodd prisiau tai cyfartalog yn y DU gan 13.6% yn y flwyddyn hyd at Awst 2022, i lawr o 16.0% yng Ngorffennaf 2022.

Ar lefel gwlad, cofnodwyd y twf blynyddol mwyaf mewn prisiau tai yn y flwyddyn hyd at Awst 2022 yng Nghymru, lle cynyddodd prisiau tai gan 14.6%.

Yn Lloegr, cynyddodd prisiau tai gan 14.3% yn y flwyddyn hyd at Awst 2022.

Yn yr Alban, cynyddodd prisiau tai gan 9.7% yn y flwyddyn hyd at Awst 2022.

Yng Ngogledd Iwerddon, cynyddodd prisiau tai gan 9.6% dros y flwyddyn hyd at Chwarter 2 (Ebrill i Fehefin) 2022.

3.2 Pris cyfartalog yn ôl gwlad a rhanbarth swyddfa’r llywodraeth

Pris, newid misol a newid blynyddol yn ôl gwlad a rhanbarth swyddfa’r llywodraeth

Gwlad a rhanbarth swyddfa’r llywodraeth	Pris	Newid misol	Newid blynyddol
Cymru	£220,059	0.2%	14.6%
Gogledd Iwerddon (Chwarter 2 – 2022)	£169,063	3.2%	9.6%
Lloegr	£315,965	1.0%	14.3%
Yr Alban	£195,391	0.2%	9.7%
De Ddwyrain Lloegr	£406,981	1.4%	14.8%
De Orllewin Lloegr	£335,927	1.3%	17.0%
Dwyrain Canolbarth Lloegr	£255,114	2.3%	16.9%
Dwyrain Lloegr	£364,885	1.2%	14.3%
Gorllewin Canolbarth Lloegr	£255,202	-0.2%	13.9%
Gogledd Ddwyrain Lloegr	£164,395	0.9%	14.3%
Gogledd Orllewin Lloegr	£219,025	0.4%	15.3%
Llundain	£552,755	0.9%	8.3%
Swydd Gaerefrog a’r Humber	£212,313	0.8%	13.9%

Llwytho data’r tabl hwn i lawr (CSV, 1KB)

Newidiadau mewn prisiau yn ôl gwlad a rhanbarth swyddfa’r llywodraeth

Ar sail heb ei haddasu’n dymhorol, cynyddodd prisiau tai cyfartalog yn y DU gan 0.9% rhwng Gorffennaf 2022 ac Awst 2022, i lawr o gynnydd o 3.0% yn ystod yr un cyfnod flwyddyn yn gynharach (Gorffennaf 2021 ac Awst 2021). Ar sail wedi ei haddasu’n dymhorol, cynyddodd prisiau tai cyfartalog yn y DU gan 1.1% rhwng Gorffennaf 2022 ac Awst 2022.

Sylwer: Mae ffigur Gogledd Iwerddon yn cynrychioli newid o 3 mis ac ni ellir ei gymharu â’r rhanbarthau neu’r gwledydd eraill.

3.3 Pris cyfartalog yn ôl math o eiddo

Pris misol cyfartalog yn ôl math o eiddo

Math o eiddo	Awst 2022	Awst 2021	Gwahaniaeth
Tŷ sengl	£466,016	£404,061	15.3%
Tŷ pâr	£285,575	£250,141	14.2%
Tŷ teras	£241,932	£212,757	13.7%
Fflat neu fflat deulawr	£238,438	£216,473	10.1%
Holl	£295,903	£260,430	13.6%

Llwytho data’r tabl hwn i lawr (CSV, 1KB)

4. Nifer y gwerthiannau

Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng 2 wythnos a 2 fis ond gall gymryd yn hwy. Nid yw ffigurau’r gwerthiannau ar gyfer y 2 fis diweddaraf ar lefel ddibynadwy ar gyfer adrodd eto, felly nid ydynt wedi eu cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.

Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllido (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen mwy o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.

4.1 Nifer y gwerthiannau

Nifer y gwerthiannau yn ôl gwlad

Gan gymharu’r amcangyfrif dros dro o drafodion ar gyfer y mis cyfredol â’r amcangyfrif dros dro ar gyfer y mis cyfatebol yn y flwyddyn flaenorol

Gwlad	Mehefin 2022	Mehefin 2021
Cymru	2,211	6,371
Gogledd Iwerddon (Chwarter 2 – 2022)	1,933	2,652
Lloegr	41,351	145,089
Yr Alban	8,480	11,177

Sylwer: Gan gymharu’r amcangyfrif dros dro o drafodion ar gyfer y mis cyfredol â’r amcangyfrif dros dro ar gyfer y 12 mis diwygiedig

Llwytho data’r tabl hwn i lawr (CSV, 1KB)

Sylwer: Bydd nifer y trafodion eiddo ar gyfer Mehefin 2022 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.

Gan gymharu’r amcangyfrif dros dro o drafodion ar gyfer Mehefin 2021) â’r amcangyfrif dros dro ar gyfer Mehefin 2022, cynyddodd nifer y trafodion gan 0.3% yn Lloegr, lleihaodd gan 21.2% yn yr Alban a chynyddodd gan 12.3% yng Nghymru. Lleihaodd nifer y trafodion yng Ngogledd Iwerddon gan 19.3% yn y flwyddyn hyd at Chwarter 2 2022.

Mae Ystadegau Trafodion Eiddo y DU a gyhoeddir gan Gyllid a Thollau EF (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol yn y flwyddyn hyd at Fehefin 2022, fod nifer y trafodion wedi lleihau gan 53.9% yn Lloegr, 36.9% yng Ngogledd Iwerddon, 47.2% yng Nghymru ac wedi lleihau gan 22.2% yn yr Alban.

4.2 Nifer y gwerthiannau ar gyfer y DU dros y 5 mlynedd diwethaf

Nifer y gwerthiannau ar gyfer 2017 i 2021 yn ôl gwlad: Mehefin

Llwytho data’r siart hon i lawr (CSV, 1KB)

Sylwer: Bydd nifer y trafodion eiddo ar gyfer Mehefin 2022 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.

Gan gymharu’r amcangyfrif dros dro o drafodion ar gyfer Mehefin 2021 â’r amcangyfrif dros dro ar gyfer Mehefin 2022, lleihaodd nifer y trafodion yn y DU gan 4.2% yn y flwyddyn hyd at Fehefin 2022.

Mae Ystadegau Trafodion Eiddo y DU a gyhoeddir gan Gyllid a Thollau EF (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion yn y DU wedi lleihau gan 51.7% yn y flwyddyn hyd at Fehefin 2022.

5. Statws eiddo ar gyfer y DU

Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen mwy o amser i’w prosesu. Mae hyn yn golygu y gallant gymryd yn hwy i ymddangos yn y cofrestri tir. Nid yw nifer y trafodion adeiladau newydd ar gyfer y 2 fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi eu cynnwys yn yr adroddiad.

Tai a adeiledir o’r newydd ac eiddo presennol a ailwerthwyd

Statws eiddo	Pris cyfartalog Mehefin 2022	Newid misol	Newid blynyddol
Tai a adeiledir o’r newydd	£394,707	3.0%	22.5%
Eiddo presennol a ailwerthwyd	£279,121	1.2%	6.4%

Llwytho data’r tabl hwn i lawr (CSV, 1KB)

Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn dulliau a ddefnyddir i greu Mynegai Prisiau Tai y DU.

6. Statws y prynwr ar gyfer Prydain Fawr

Prynwr am y tro cyntaf a chyn berchen-feddiannydd

Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.

Math o brynwr	Pris cyfartalog Awst 2022	Newid misol	Newid blynyddol
Prynwr am y tro cyntaf	£246,776	0.8%	13.5%
Cyn berchen-feddiannydd	£347,016	1.0%	14.1%

Llwytho data’r tabl hwn i lawr (CSV, 1KB)

7. Statws cyllido ar gyfer Prydain Fawr

Arian parod a morgais

Ar gyfer Prydain Fawr yn unig – nid yw data Gogledd Iwerddon ar gael ar gyfer statws cyllido.

Statws cyllido	Pris cyfartalog Awst 2022	Newid misol	Newid blynyddol
Arian parod	£280,289	1.0%	13.3%
Morgais	£309,311	0.9%	14.0%

Llwytho data’r tabl hwn i lawr (CSV, 1KB)

8. Cyrchu’r data

Mae modd llwytho’r data i lawr fel ffeiliau CSV neu ei gyrchu gyda’n teclyn Mynegai Prisiau Tai y DU.

Diwygiadau data

Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.

9. Mynegai Prisiau Tai y DU

Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.

Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EF, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.

Darllenwch ragor Am Fynegai Prisiau Tai y DU.

10. Cysylltu

Eileen Morrison, Arweinydd Tîm Gwasanaethau Data, Cofrestrfa Tir EF

Ebost eileen.morrison@landregistry.gov.uk

Ffôn 0300 006 5288

Aimee North, Pennaeth Mynegeion y Farchnad Dai, Swyddfa Ystadegau Gwladol

Ebost aimee.north@ons

Ffôn 01633 456400

Ciara Cunningham, Ystadegydd ar gyfer Mynegai Prisiau Tai Gogledd Iwerddon

Ebost ciara.cunningham@finance-ni.gov.uk

Ffôn 028 90 336035

Rachael Fairley, Rheolwr Tîm Data Tir ac Eiddo, Cofrestri’r Alban

Ebost rachael.fairley@ros.gov.uk

Ffôn 07919 570915