Mynegai Prisiau Tai y DU: adroddiad Cymru: Ionawr 2025
Cyhoeddwyd 26 Mawrth 2025
© Hawlfraint y Goron 2025
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-for-january-2025/mynegai-prisiau-tai-y-du-adroddiad-cymru-ionawr-2025
1. Prif ystadegau ar gyfer Ionawr 2025
Pris eiddo cyfartalog yng Nghymru oedd £210,000
Y newid mewn prisiau blynyddol eiddo ar gyfer Cymru oedd 6.0%
y newid mewn prisiau misol eiddo ar gyfer Cymru oedd 0.9%
y ffigur mynegai ar gyfer Cymru (Ionawr 2015 = 100) oedd 103.8
Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch y polisïau diwygiadau.
Dyddiad cyhoeddi nesaf Mynegai Prisiau Tai y DU
Cyhoeddir Mynegai Prisiau Tai y DU Chwefror 2025 am 9.30am ddydd Mercher 16 Ebrill 2025. Gweler y calendr dyddiadau rhyddhau am ragor o wybodaeth.
2. Datganiad economaidd
Cynyddodd prisiau tai cyfartalog yng Nghymru gan 6.0% yn y 12 mis hyd at Ionawr 2025, i £210,000 (amcangyfrif dros dro). Roedd hyn i fyny o 2.8% (amcangyfrif diwygiedig) yn y 12 mis hyd at Ragfyr 2024 ac yn uwch na’r chwyddiant blynyddol mewn prisiau tai cyfartalog y DU o 4.9% (amcangyfrif dros dro) yn y 12 mis hyd at Ionawr 2025.
Ar sail heb ei haddasu’n dymhorol, cynyddodd prisiau tai cyfartalog yng Nghymru gan 0.9% rhwng Rhagfyr 2024 ac Ionawr 2025, o’i gymharu â gostyngiad o 2.1% yn ystod yr un cyfnod 12 mis yn ôl. Rhwng Rhagfyr 2023 ac Ionawr 2024, bu gostyngiad cyffredinol mewn prisiau tai cyfartalog ar draws Cymru, gyda 15 o’r 22 awdurdod lleol yng Nghymru yn gweld gostyngiad misol yn y pris cyfartalog. Gelwir hyn yn effaith sylfaen ac, ynghyd â chynnydd misol o 0.9% yn Ionawr 2025, arweiniodd at gynnydd sydyn yng nghyfradd chwyddiant flynyddol Cymru i 6.0% yn Ionawr 2025.
Ar sail wedi ei haddasu’n dymhorol, cynyddodd prisiau tai cyfartalog yng Nghymru gan 1.7% rhwng Rhagfyr 2024 ac Ionawr 2025.
Gan gymharu’r amcangyfrif dros dro o drafodion Mynegai Prisiau Tai y DU ar gyfer Tachwedd 2023 ag amcangyfrif dros dro Mynegai Prisiau Tai y DU ar gyfer Tachwedd 2024, cynyddodd nifer y trafodion gan 35.4% yng Nghymru a chynyddodd gan 31.7% yn y DU.
Yng Nghymru, dangosodd 16 o’r 22 ardal awdurdod lleol gynnydd mewn prisiau tai cyfartalog yn y 12 mis hyd at Ionawr 2025. Wrecsam welodd y newid canrannol blynyddol mwyaf, gan godi 8.6% i £209,000 yn y 12 mis hyd at Ionawr 2025. Mewn cyferbyniad, Merthyr Tudful welodd y newid canrannol blynyddol lleiaf, gan leihau 6.0% i £137,000 yn y 12 mis hyd at Ionawr 2025.
Yng Nghymru, tai pâr oedd â’r chwyddiant blynyddol mwyaf o’r holl fathau o eiddo, gan gynyddu 6.5% yn y 12 mis hyd at Ionawr 2025, i’r pris cyfartalog o £208,000. Gwelwyd y chwyddiant blynyddol lleiaf mewn fflatiau a fflatiau deulawr, gan gynyddu 5.1% yn y 12 mis hyd at Ionawr 2025, i’r pris cyfartalog o £131,000.
Yn yr un modd â dangosyddion eraill yn y farchnad dai, sy’n newid o fis i fis fel arfer, mae’n bwysig peidio â rhoi gormod o bwys ar y set o ddata prisiau tai ar gyfer un mis arbennig.
3. Newid mewn prisiau
3.1 Newid mewn prisiau blynyddol
Newid mewn prisiau blynyddol ar gyfer Cymru dros y 5 mlynedd diwethaf
Llwytho data’r siart hon i lawr (CSV, 1KB)
Yng Nghymru, cynyddodd prisiau cyfartalog gan 6.0% yn y 12 mis hyd at Ionawr 2025 (amcangyfrif dros dro), i fyny o 2.8% yn y 12 mis hyd at Ragfyr 2024 (amcangyfrif diwygiedig).
Newid mewn prisiau blynyddol yn ôl awdurdod lleol ar gyfer Cymru
Gall nifer isel o drafodion gwerthu mewn rhai awdurdodau lleol arwain at ansefydlogrwydd yn y gyfres.
Er ein bod yn ceisio darparu ar gyfer yr ansefydlogrwydd hwn, gall y newid mewn prisiau yn y lefelau lleol hyn gael ei ddylanwadu gan y math o eiddo a nifer yr eiddo a werthir mewn unrhyw gyfnod penodol.
Dylid dadansoddi ardaloedd daearyddol gyda nifer isel o drafodion gwerthu yng nghyd-destun eu tueddiadau mwy hirdymor yn hytrach na chanolbwyntio ar symudiadau misol.
| Awdurdodau lleol | Ionawr 2025 | Ionawr 2024 | Gwahaniaeth |
|---|---|---|---|
| Abertawe | £200,047 | £192,253 | 4.1% |
| Blaenau Gwent | £137,636 | £130,008 | 5.9% |
| Bro Morgannwg | £287,243 | £273,831 | 4.9% |
| Caerdydd | £273,680 | £258,663 | 5.8% |
| Caerffili | £194,002 | £179,533 | 8.1% |
| Casnewydd | £221,355 | £212,964 | 3.9% |
| Castell-nedd Port Talbot | £157,147 | £151,019 | 4.1% |
| Ceredigion | £229,785 | £241,621 | -4.9% |
| Conwy | £204,581 | £203,895 | 0.3% |
| Gwynedd | £198,555 | £201,461 | -1.4% |
| Merthyr Tudful | £136,568 | £145,216 | -6% |
| Pen-y-bont ar Ogwr | £208,345 | £196,308 | 6.1% |
| Powys | £235,305 | £232,788 | 1.1% |
| Rhondda Cynon Taf | £157,711 | £145,835 | 8.1% |
| Sir Benfro | £222,751 | £211,378 | 5.4% |
| Sir Ddinbych | £187,418 | £187,749 | -0.2% |
| Sir Fynwy | £337,495 | £316,713 | 6.6% |
| Sir y Fflint | £216,014 | £204,395 | 5.7% |
| Sir Gaerfyrddin | £197,267 | £184,411 | 7% |
| Tor-faen | £186,005 | £187,651 | -0.9% |
| Wrecsam | £209,224 | £192,671 | 8.6% |
| Ynys Mon | £227,564 | £233,069 | -2.4% |
| Cymru | £209,579 | £197,808 | 6% |
Llwytho data’r tabl hwn i lawr (CSV, 1KB)
Prisiau cyfartalog yn ôl awdurdod lleol ar gyfer Cymru
Yn Ionawr 2025, yr ardal ddrutaf i brynu eiddo oedd Sir Fynwy, lle mai £337,000 oedd pris tŷ cyfartalog. Mewn cyferbyniad, yr ardal rataf i brynu eiddo oedd Merthyr Tudful, lle mai £137,000 oedd pris tŷ cyfartalog.
3.2 Newid mewn prisiau cyfartalog yn ôl math o eiddo
Newid mewn prisiau cyfartalog yn ôl math o eiddo ar gyfer Cymru
| Math o eiddo | Ionawr 2025 | Ionawr 2024 | Gwahaniaeth |
|---|---|---|---|
| Tŷ sengl | £330,811 | £314,333 | 5.2% |
| Tŷ pâr | £207,991 | £195,335 | 6.5% |
| Tŷ teras | £166,049 | £156,304 | 6.2% |
| Fflat neu fflat deulawr | £131,124 | £124,731 | 5.1% |
| Holl | £209,579 | £197,808 | 6.0% |
Llwytho data’r tabl hwn i lawr (CSV, 1KB)
4. Nifer y gwerthiannau
Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng 2 wythnos a 2 fis ond gall gymryd yn hirach. Nid yw ffigurau’r gwerthiannau ar gyfer y 2 fis diweddaraf ar lefel ddibynadwy ar gyfer adrodd eto, felly nid ydynt wedi eu cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.
Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllido (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen rhagor o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.
4.1 Nifer y gwerthiannau yn ôl awdurdod lleol
Nifer y gwerthiannau ar gyfer Cymru yn ôl awdurdod lleol
Gan gymharu’r amcangyfrif dros dro o drafodion ar gyfer y mis cyfredol â’r amcangyfrif dros dro ar gyfer y mis cyfatebol yn y flwyddyn flaenorol
| Awdurdodau lleol | Tachwedd 2024 | Tachwedd 2023 |
|---|---|---|
| Abertawe | 184 | 209 |
| Blaenau Gwent | 49 | 64 |
| Bro Morgannwg | 109 | 144 |
| Caerdydd | 276 | 338 |
| Caerffili | 169 | 163 |
| Casnewydd | 115 | 186 |
| Castell-nedd Port Talbot | 132 | 125 |
| Ceredigion | 56 | 57 |
| Conwy | 119 | 147 |
| Gwynedd | 71 | 114 |
| Merthyr Tudful | 25 | 37 |
| Pen-y-bont ar Ogwr | 125 | 152 |
| Powys | 83 | 114 |
| Rhondda Cynon Taf | 162 | 252 |
| Sir Benfro | 97 | 115 |
| Sir Ddinbych | 85 | 114 |
| Sir Gaerfyrddin | 135 | 176 |
| Sir Fynwy | 79 | 87 |
| Sir y Fflint | 115 | 126 |
| Tor-faen | 45 | 66 |
| Wrecsam | 78 | 114 |
| Ynys Mon | 59 | 45 |
| Cymru | 2,368 | 2,945 |
Sylwer: Mae’r golofn ‘Gwahaniaeth’ wedi cael ei symud ymaith o’r tabl hwn oherwydd nid yw data’r mis diweddaraf yn gyflawn eto.
Sylwer: Bydd nifer y trafodion eiddo ar gyfer Tachwedd 2024 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.
Gan gymharu’r amcangyfrif dros dro o drafodion Mynegai Prisiau Tai y DU ar gyfer Tachwedd 2023 â’r amcangyfrif dros dro o drafodion Mynegai Prisiau Tai y DU ar gyfer Tachwedd 2024, cynyddodd nifer y trafodion gan 35.4% yng Nghymru.
Mae Ystadegau Trafodion Eiddo y DU a gyhoeddir gan Gyllid a Thollau EF (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion Cyllid a Thollau EF wedi cynyddu gan 23.0% yng Nghymru yn y 12 mis hyd at Dachwedd 2024.
Llwytho data’r tabl hwn i lawr (CSV, 1KB)
4.2 Nifer y gwerthiannau
Nifer y gwerthiannau ar gyfer Cymru dros y 5 mlynedd diwethaf
Newid rhwng y siart a’r tabl
| Dyddiad | Nifer y gwerthiannau ar gyfer Cymru |
|---|---|
| Tachwedd 2020 | 4,236 |
| Tachwedd 2021 | 4,672 |
| Tachwedd 2022 | 4,216 |
| Tachwedd 2023 | 2,945 |
| Tachwedd 2024 | 2,368 |
Llwytho data’r siart hon i lawr (CSV, 1KB)
5. Statws eiddo
Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen rhagor o amser i’w prosesu. Mae hyn yn golygu y gallant gymryd yn hirach i ymddangos yn y cofrestri tir. Nid yw nifer y trafodion adeiladau newydd ar gyfer y 2 fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi eu cynnwys yn yr adroddiad.
Tai a adeiledir o’r newydd ac eiddo presennol a ailwerthwyd ar gyfer Cymru
| Statws eiddo | Pris cyfartalog Tachwedd 2024 | Newid misol | Newid blynyddol |
|---|---|---|---|
| Tai a adeiledir o’r newydd | £374,722 | 9.4% | 23.3% |
| Eiddo presennol a ailwerthwyd | £206,152 | -0.1% | 3.0% |
Llwytho data’r tabl hwn i lawr (CSV, 1KB)
Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn y fethodoleg a ddefnyddir i greu Mynegai Prisiau Tai y DU.
6. Statws y prynwr
Prynwr am y tro cyntaf a chyn berchen-feddiannydd ar gyfer Cymru
| Math o brynwr | Pris cyfartalog Ionawr 2025 | Newid misol | Newid blynyddol |
|---|---|---|---|
| Prynwr am y tro cyntaf | £179,947 | 0.6% | 6.4% |
| Cyn berchen-feddiannydd | £250,740 | 1.1% | 5.5% |
Llwytho data’r tabl hwn i lawr (CSV, 1KB)
7. Statws cyllido
Dangosydd arian parod a morgais ar gyfer Cymru
| Statws ariannu | Pris cyfartalog Ionawr 2025 | Newid misol | Newid blynyddol |
|---|---|---|---|
| Arian parod | £210,344 | 1.5% | 5.6% |
| Morgais | £209,255 | 0.5% | 6.1% |
Llwytho data’r tabl hwn i lawr (CSV, 1KB)
8. Nifer y gwerthiannau adfeddiannu
Oherwydd bod cyfnod o 2 wythnos i 2 fis rhwng cwblhau a chofrestru gwerthiannau, nid yw ffigurau nifer yr adfeddiannau ar gyfer y 2 fis diweddaraf yn gyflawn eto, felly nid ydynt wedi eu cynnwys yn yr adroddiad.
Nifer y gwerthiannau adfeddiannu
| Gwlad | Nifer y gwerthiannau adfeddiannu Tachwedd 2024 |
|---|---|
| Cymru | 3 |
9. Cyrchu’r data
Mae modd llwytho’r data i lawr fel ffeiliau CSV neu ei gyrchu gyda’n teclyn Mynegai Prisiau Tai y DU.
Diwygiadau data
Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.
10. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EF, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.
Darllenwch ragor am Fynegai Prisiau Tai y DU.
11. Cyswllt ar gyfer ymholiadau’n ymwneud â Chymru
Eileen Morrison, Arweinydd Tîm Gwasanaethau Data, Cofrestrfa Tir EF
Ebost eileen.morrison@landregistry.gov.uk
Ffôn 0300 006 5288