Crynodeb o Fynegai Prisiau Tai y DU: Ebrill 2021
Cyhoeddwyd 16 June 2021
© Hawlfraint y Goron 2021
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-summary-april-2021/a597052e-2ec5-41cb-9220-1c339521d322
1. Prif ystadegau ar gyfer Ebrill 2021
Pris eiddo cyfartalog yn y DU oedd £250,772
Y newid mewn prisiau blynyddol ar gyfer eiddo yn y DU oedd 8.9%
Y newid mewn prisiau misol ar gyfer eiddo yn y DU oedd -1.9%
Y ffigur mynegai misol (Ionawr 2015 = 100) ar gyfer y DU oedd 131.5
Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch Diwygiadau i ddata Mynegai Prisiau Tai y DU.
Dyddiad cyhoeddi nesaf Mynegai Prisiau Tai y DU
Cyhoeddir Mynegai Prisiau Tai y DU Mai 2021 am 9.30am ddydd Mercher 14 Gorffennaf 2021. Gweler y calendr dyddiadau rhyddhau am ragor o wybodaeth.
2. Datganiad economaidd
Cynyddodd prisiau tai y DU gan 8.9% yn y flwyddyn hyd at Ebrill 2021, i lawr o 9.9% ym Mawrth 2021. Ar sail heb ei haddasu’n dymhorol, gostyngodd prisiau tai cyfartalog yn y DU gan 1.9% rhwng Mawrth 2021 ac Ebrill 2021, o’i gymharu â gostyngiad o 1.0% yn ystod yr un cyfnod flwyddyn yn gynharach (Mawrth ac Ebrill 2020).
Roedd y twf cryfaf mewn prisiau tai yng Ngogledd Ddwyrain Lloegr lle cynyddodd prisiau gan 16.9% yn y flwyddyn hyd at Ebrill 2021. Roedd y twf blynyddol isaf yn Llundain, lle cynyddodd prisiau gan 3.3% yn y flwyddyn hyd at Ebrill 2021.
Mae canlyniadau Arolwg o Farchnad Breswyl y DU Sefydliad Brenhinol y Syrfewyr Siartredig (RICS) ar gyfer Ebrill 2021 yn dangos bod twf yn y galw yn gynyddol fwy na’r cyflenwad.
Adroddodd crynodeb o amodau busnes 2021 Chwarter 1 Asiantau Banc Lloegr fod cysylltiadau yn dweud bod y rhagolygon ar gyfer y farchnad dai wedi gwella, gyda gweithgarwch wedi ei gynnal gan estyniad y gwyliau treth ar gyfer trafodion eiddo a’r Cynllun Cadw Swyddi drwy gyfnod y Coronafeirws. Mynegodd asiantau tai bryder am brinder eiddo sydd ar werth gan ddweud fod prynwyr i’w gweld yn llai sensitif o ran prisiau nag arfer.
Dangosodd Ystadegau Trafodion Eiddo y DU ar gyfer Ebrill 2021, ar sail wedi ei haddasu’n dymhorol, mai’r nifer amcangyfrifedig o drafodion eiddo preswyl gyda gwerth o £40,000 neu fwy oedd 117,860. Mae hyn 179.6% yn uwch na flwyddyn yn ôl. Rhwng Mawrth ac Ebrill 2021, lleihaodd trafodion gan 35.7% ar sail wedi ei haddasu’n dymhorol.
Adroddodd datganiad Arian a Chredyd Banc Lloegr ar gyfer Ebrill 2021 mai’r ffigwr o ran morgeisi a gymeradwywyd ar gyfer prynu tai (dangosydd rhoi benthyg yn y dyfodol) yn Ebrill 2021 oedd 86,900, sydd ychydig yn fwy nag ym Mawrth 2021 ond yn is na’r brig diweddar o 103,700 yn Nhachwedd 2020.
3. Newidiadau mewn prisiau
3.1 Newidiadau mewn prisiau blynyddol
Newidiadau mewn prisiau blynyddol ar gyfer y DU yn ôl gwlad dros y 5 mlynedd diwethaf
Llwytho data’r siart hon i lawr (CSV, 1KB)
Cynyddodd prisiau tai cyfartalog yn y DU gan 8.9% yn y flwyddyn hyd at Ebrill 2021, i lawr o 9.9% ym Mawrth 2021.
Ar lefel gwlad, cofnodwyd y twf blynyddol mwyaf mewn prisiau tai yn y flwyddyn hyd at Ebrill 2021 yng Nghymru, lle cynyddodd prisiau tai gan 15.6%.
Yn yr Alban cynyddodd prisiau tai gan 6.3% yn y flwyddyn hyd at Ebrill 2021.
Yn Lloegr cynyddodd prisiau tai gan 8.9% yn y flwyddyn hyd at Ebrill 2021.
Yng Ngogledd Iwerddon cynyddodd prisiau tai gan 6.0% dros y flwyddyn hyd at Chwarter 1 (Ionawr i Fawrth) 2021.
3.2 Pris cyfartalog yn ôl gwlad a rhanbarth swyddfa’r llywodraeth
Pris, newid misol a newid blynyddol yn ôl gwlad a rhanbarth swyddfa’r llywodraeth
| Gwlad a rhanbarth swyddfa’r llywodraeth | Pris | Newid misol | Newid blynyddol |
|---|---|---|---|
| Cymru | £185,041 | 0.6% | 15.6% |
| Gogledd Iwerddon (Chwarter 1 – 2021) | £149,178 | 1.1% | 6.0% |
| Lloegr | £268,380 | -1.9% | 8.9% |
| Yr Alban | £161,401 | -4.1% | 6.3% |
| De Ddwyrain Lloegr | £341,358 | -2.3% | 5.0% |
| De Orllewin Lloegr | £279,951 | -2.3% | 9.1% |
| Dwyrain Canolbarth Lloegr | £213,308 | -1.1% | 9.3% |
| Dwyrain Lloegr | £313,964 | 0.3% | 8.0% |
| Gorllewin Canolbarth Lloegr | £216,973 | -0.9% | 11.2% |
| Gogledd Ddwyrain Lloegr | £144,032 | -1.7% | 16.9% |
| Gogledd Orllewin Lloegr | £183,299 | -2.6% | 11.8% |
| Llundain | £491,687 | -2.0% | 3.3% |
| Swydd Gaerefrog a’r Humber | £179,408 | -3.7% | 12.0% |
Llwytho data’r tabl hwn i lawr (CSV, 1KB)
Newidiadau mewn prisiau yn ôl gwlad a rhanbarth swyddfa’r llywodraeth
Ar sail heb ei haddasu’n dymhorol, gostyngodd prisiau tai cyfartalog yn y DU gan 1.9% rhwng Mawrth ac Ebrill 2021, o’i gymharu â gostyngiad o 1.0% yn ystod yr un cyfnod flwyddyn yn gynharach (Mawrth ac Ebrill 2020). Ar sail wedi ei haddasu’n dymhorol, gostyngodd prisiau tai cyfartalog yn y DU gan 2.2% rhwng Mawrth ac Ebrill 2021.
Sylwer: Mae ffigur Gogledd Iwerddon yn cynrychioli newid o 3 mis ac ni ellir ei gymharu â’r rhanbarthau neu’r gwledydd eraill.
3.3 Pris cyfartalog yn ôl math o eiddo
Pris misol cyfartalog yn ôl math o eiddo
| Math o eiddo | Ebrill 2021 | Ebrill 2020 | Gwahaniaeth |
|---|---|---|---|
| Tŷ sengl | £385,918 | £352,980 | 9.3% |
| Tŷ pâr | £241,407 | £219,183 | 10.1% |
| Tŷ teras | £204,990 | £187,218 | 9.5% |
| Fflat neu fflat deulawr | £210,006 | £199,179 | 5.4% |
| Holl | £250,772 | £230,318 | 8.9% |
Llwytho data’r tabl hwn i lawr (CSV, 1KB)
4. Nifer y gwerthiannau
Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng 2 wythnos a 2 fis ond gall gymryd yn hwy. Nid yw ffigurau’r gwerthiannau ar gyfer y 2 fis diweddaraf ar lefel ddibynadwy ar gyfer adrodd eto, felly nid ydynt wedi eu cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.
Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllido (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen mwy o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.
4.1 Nifer y gwerthiannau
Nifer y gwerthiannau yn ôl gwlad
| Gwlad | Chwefror 2021 | Chwefror 2020 |
|---|---|---|
| Lloegr | 64,764 | 56,568 |
| Gogledd Iwerddon (Chwarter 1 – 2021) | 2,244 | 1,788 |
| Yr Alban | 7,198 | 5,939 |
| Cymru | 2,943 | 3,168 |
Llwytho data’r tabl hwn i lawr (CSV, 1KB)
Sylwer: Bydd nifer y trafodion eiddo ar gyfer Chwefror 2021 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.
Gan gymharu’r amcangyfrif dros dro o drafodion ar gyfer Chwefror 2020 â’r amcangyfrif dros dro ar gyfer Chwefror 2021, cynyddodd nifer y trafodion gan 31.7% yn Lloegr, 25.5% yn yr Alban, a 2.8% yng Nghymru. Cynyddodd nifer y trafodion yng Ngogledd Iwerddon gan 41.8% yn y flwyddyn hyd at Chwarter 1 2021.
Mae Ystadegau Trafodion Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion wedi cynyddu gan 50.0% yn Lloegr, 22.6% yn yr Alban, 20.6% yng Nghymru a 27.9% yng Ngogledd Iwerddon yn y flwyddyn hyd at Chwefror 2021.
4.2 Nifer y gwerthiannau ar gyfer y DU dros y 5 mlynedd diwethaf
Nifer y gwerthiannau ar gyfer 2017 i 2021 yn ôl gwlad: Chwefror
Llwytho data’r siart hon i lawr (CSV, 1KB)
Sylwer: Bydd nifer y trafodion eiddo ar gyfer Chwefror 2021 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.
Gan gymharu’r amcangyfrif dros dro o drafodion ar gyfer Chwefror 2020 â’r amcangyfrif dros dro ar gyfer Chwefror 2021, cynyddodd nifer y trafodion yn y DU gan 29.9% yn y flwyddyn hyd at Chwefror 2021.
Mae Ystadegau Trafodion Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion yn y DU wedi cynyddu gan 46.1% yn y flwyddyn hyd at Chwefror 2021.
5. Statws eiddo ar gyfer y DU
Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen mwy o amser i’w prosesu. Mae hyn yn golygu y gallant gymryd yn hwy i ymddangos yn y cofrestri tir. Nid yw nifer y trafodion adeiladau newydd ar gyfer y 2 fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi eu cynnwys yn yr adroddiad.
Tai a adeiledir o’r newydd ac eiddo presennol a ailwerthwyd
| Statws eiddo | Pris cyfartalog Chwefror 2021 | Newid misol | Newid blynyddol |
|---|---|---|---|
| Tai a adeiledir o’r newydd | £312,065 | 0.4% | 10.5% |
| Eiddo presennol a ailwerthwyd | £247,624 | 0.2% | 8.9% |
Llwytho data’r tabl hwn i lawr (CSV, 1KB)
Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn dulliau a ddefnyddir i greu Mynegai Prisiau Tai y DU.
6. Statws y prynwr ar gyfer Prydain Fawr
Prynwr am y tro cyntaf a chyn berchen-feddiannydd
| Math o brynwr | Pris cyfartalog Ebrill 2021 | Newid misol | Newid blynyddol |
|---|---|---|---|
| Prynwr am y tro cyntaf | £210,856 | -1.7% | 9.0% |
| Cyn berchen-feddiannydd | £291,087 | -2.2% | 8.9% |
Llwytho data’r tabl hwn i lawr (CSV, 1KB)
7. Statws cyllido ar gyfer Prydain Fawr
Arian parod a morgais
Ar gyfer Prydain Fawr yn unig – nid yw data Gogledd Iwerddon ar gael ar gyfer statws cyllido.
| Statws cyllido | Pris cyfartalog Ebrill 2021 | Newid misol | Newid blynyddol |
|---|---|---|---|
| Arian parod | £237,710 | -2.3% | 9.0% |
| Morgais | £261,677 | -1.9% | 8.9% |
Llwytho data’r tabl hwn i lawr (CSV, 1KB)
8. Cyrchu’r data
Mae modd llwytho’r data i lawr fel ffeiliau CSV neu ei gyrchu gyda’n teclyn Mynegai Prisiau Tai y DU.
Diwygiadau data
Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.
9. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EM, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.
Darllenwch ragor Am Fynegai Prisiau Tai y DU.
10. Cysylltu
David Lockett, Rheolwr Cynnyrch, Cofrestrfa Tir EM
Ebost
david.lockett@landregistry.gov.uk
Ffôn
0300 0068317
Natalie Jones, Pennaeth Mynegeion y Farchnad Dai, Swyddfa Ystadegau Gwladol
Ebost
natalie.jones@ons.gov.uk
Ffôn
01633 456400
Ciara Cunningham, Ystadegydd ar gyfer Mynegai Prisiau Tai Gogledd Iwerddon
Ebost
ciara.cunningham@finance-ni.gov.uk
Ffôn
028 90 336035
Rachael Fairley, Rheolwr Tîm Data Tir ac Eiddo, Cofrestri’r Alban
Ebost
rachael.fairley@ros.gov.uk
Ffôn
07919 570915