Canllawiau

Gwneud cais am Ddull Eithriad Rhannol Arbennig

Defnyddiwch y gwasanaeth hwn i wneud cais am Ddull Eithriad Rhannol Arbennig i adennill treth fewnbwn ar y nwyddau neu wasanaethau a gyflenwir gennych.

• Gan: Cyllid a Thollau EF
• Cyhoeddwyd: 16 August 2021
• Diweddarwyd ddiwethaf: 2 September 2024 — Gweld pob diweddariad

Os ydych yn cyflenwi nwyddau neu wasanaethau, gallwch wneud cais am Ddull Eithriad Rhannol Arbennig i adennill treth fewnbwn.

Yr hyn y bydd ei angen arnoch

Bydd yn rhaid i chi ddarparu dogfennau gyda’ch cais. Mae’r rhain yn cynnwys:

• dogfen gynnig
• enghraifft o’ch cynnig
• y cyfrifiad diweddaraf o’ch addasiad blynyddol
• eich datganiad — gwiriwch Atodiad 1 o Hysbysiad TAW 706 am beth i’w gynnwys yn eich datganiad (yn agor tudalen Saesneg)
• unrhyw ddogfennau ychwanegol

Dysgwch ragor ynghylch y dogfennau y mae angen i chi eu darparu yn Atodiad 2 o Hysbysiad Taw 706 (yn agor tudalen Saesneg).

Gwneud cais ar-lein

Bydd angen i chi wneud y naill neu’r llall o’r canlynol:

• mewngofnodi gan ddefnyddio’ch Dynodydd Defnyddiwr (ID) a’ch cyfrinair ar gyfer Porth y Llywodraeth (os nad oes gennych ID Defnyddiwr, gallwch greu un pan fyddwch yn ceisio mewngofnodi am y tro cyntaf)
• defnyddio’ch cyfeiriad e-bost i gael cod cadarnhau y gallwch ei ddefnyddio i fewngofnodi

Yr hyn sy’n digwydd nesaf

Byddwn yn cysylltu â chi cyn pen 30 diwrnod i roi gwybod i chi:

• ein bod yn derbyn eich cynnig
• bod angen rhagor o wybodaeth er mwyn gwneud penderfyniad
• os nad yw’ch cynnig yn addas, y rhesymau pam

Cyhoeddwyd ar 16 August 2021
Diweddarwyd ddiwethaf ar 2 September 2024 + show all updates

1. 2 September 2024

   Welsh translation added.

2. 16 August 2021

   First published.