Gwnewch gais am Gredydau Gofal Plant ar gyfer Oedolion Penodedig
Os ydych wedi darparu gofal i blentyn o dan 12 oed, defnyddiwch ffurflen CA9176 i wneud cais am gredydau Yswiriant Gwlad-ol Dosbarth 3 o 6 Ebrill 2011 ymlaen.
Cyflwynwyd y credydau Yswiriant Gwladol Dosbarth 3 hyn ar 6 Ebrill 2011. Gallwch eu hawlio o’r dyddiad hwnnw. Efallai y bydd gennych hawl i gael y credydau hyn os yw’r ddau beth can-lynol yn wir:
- rydych yn aelod cymwys o’r teulu a fu’n gofalu am blentyn o dan 12 oed
- nid oes angen i’w riant na’i brif ofalwr gael y credydau eu hunain
Sut mae’r credydau yn gweithio
Mae’r credydau hyn yn gweithio drwy drosglwyddo’r credyd Yswiriant Gwladol wythnosol y mae rhiant neu ofalwr yn ei gael, fel y person sy’n cael y Budd-dal Plant, i aelod cymwys o’r teulu. Gallant helpu i atal bylchau yn eich cofnod Yswiriant Gwladol. Byddwch yn cael credyd Yswiriant Gwladol Dosbarth 3 am bob wythnos, neu ran o’r wythnos, y gwnaethoch ddarparu gofal ar gyfer y plentyn.
Dim ond un credyd sydd ar gael ar gyfer pob hawliad Budd-dal Plant, ni waeth faint o blant sydd ar yr hawliad ei hun.
Er enghraifft, pe bai nain a thaid yn darparu gofal ar gyfer dau blentyn eu merch, dim ond un credyd sydd ar gael i’w drosglwyddo. Mae’n rhaid i’r person sy’n cael y Budd-dal Plant benderfynu pwy ddylai gael y credyd.
Os yw’r nain a thaid yn darparu gofal ar gyfer plentyn eu merch a phlentyn eu mab, mae’n debygol y bydd yna dau berson sy’n cael Budd-dal Plant. Mae hyn yn golygu bod dau gredyd ar gael i’w trosglwyddo.
Os nad oes unrhyw neb wedi hawlio Budd-dal Plant ar gyfer y plentyn, nid oes unrhyw gredyd Yswiriant Gwladol ynghlwm i’w drosglwyddo. Mae hyn yn golygu na ellir dyfarnu credydau.
Os ydych wedi darparu gofal ar gyfer plentyn o dan 12 oed yn ystod cyfnod COVID-19
O fis Mawrth 2020 ymlaen, mae’n bosibl bod COVID-19 wedi effeithio ar eich trefniadau gofalu arferol.
Os ydych wedi darparu gofal mewn ffordd wahanol, er enghraifft dros y ffôn neu drwy fideo, gallwch barhau i wneud cais am gredydau ar gyfer blynyddoedd treth 2019 i 2020 a 2020 i 2021.
Pwy all wneud cais
Gallwch ymgeisio cyhyd â bod y canlynol yn wir:
- rydych yn aelod cymwys o’r teulu a oedd wedi darparu gofal ar gyfer plentyn o dan 12 oed
- roeddech yn 16 oed neu’n hŷn, ond o dan oedran Pensiwn y Wladwriaeth, pan oeddech yn darparu gofal ar gyfer y plentyn
- rydych fel arfer yn byw yn y DU, ond nid Ynysoedd y Sianel nac Ynys Manaw
- mae rhiant neu brif ofalwr y plent-yn wedi hawlio Budd-dal Plant, ond nid oes angen y credydau arno ei hun
- mae rhiant neu brif ofalwr y plent-yn yn cytuno i’ch cais
Mae’n rhaid i riant neu brif ofalwr y plen-tyn lofnodi’r ffurflen i gadarnhau eu bod yn cytuno bod y canlynol yn wir am y cyfnod a nodwyd:
- gwnaethoch ddarparu gofal i’w blentyn
- eich bod yn cael y credydau
Pwy sy’n cyfrif fel aelod cymwys o’r teulu
Cewch eich ystyried yn aelod cymwys o’r teulu os ydych yn un o’r canlynol:
- mam neu dad sydd ddim yn byw gyda’r plentyn
- taid/nain, hen daid/hen nain neu hen-hen daid/hen-hen nain
- modryb neu ewythr
- brawd neu chwaer
Gall brawd neu chwaer gynnwys y can-lynol:
- hanner brawd neu hanner chwaer
- llys-frawd neu lys-chwaer
- brawd sydd wedi’i fabwysiadau neu chwaer sydd wedi’i mabwys-iadu
Cewch hefyd eich ystyried yn aelod cymwys o’r teulu os ydych yn un o’r canlynol:
- priod, partner neu bartner sifil presennol neu flaenorol unrhyw un yn y rhestr
- mab neu ferch i briod, partner neu bartner sifil presennol neu flaenorol unrhyw un yn y rhestr
Pwy na ddylai wneud cais
Ni ddylech wneud cais am gredydau os yw’r canlynol yn wir am yr un cyfnod:
- mae gennych flwyddyn gym-hwysol o Yswiriant Gwladol yn barod — fel arfer oherwydd eich bod yn gweithio neu’n cael cred-ydau Yswiriant Gwladol eraill
- rydych yn cael Budd-dal Plant ar gyfer unrhyw blentyn ac yn cael credydau yn awtomatig yn barod
Os mai chi yw’r priod, y partner neu’r partner sifil sy’n byw gyda’r person sy’n cael y Budd-dal Plant a’ch bod eisiau trosglwyddo’r credydau i chi’ch hun, mae angen i chi lenwi ffurflen CF411A.
Pryd i wneud cais
Mae’n rhaid i chi aros tan 31 Hydref ar ôl diwedd y flwyddyn dreth rydych am wneud cais amdani. Mae hyn oherwydd bod angen i ni wirio bod gan y rhiant neu’r prif ofalwr flwyddyn gymhwysol at ddibenion Yswiriant Gwladol yn barod.
Cyn i chi wneud cais
Dylai rhiant neu brif ofalwr y plentyn wirio ei gofnod Yswiriant Gwladol ar-lein, er mwyn sicrhau bod ganddo gredydau i’w trosglwyddo.
Er mwyn llenwi ffurflen gais, bydd angen y canlynol arnoch:
- eich manylion personol fel yr aelod teulu cymwys a oedd yn darparu gofal i’r plentyn
- manylion y plentyn a’r cyfnodau yr oeddech yn gofalu amdanynt
- manylion personol rhiant neu brif ofalwr y plentyn — y person sy’n cael Budd-dal Plant
Mae’n rhaid i chi a’r person sy’n cael y Budd-dal Plant lofnodi datganiad ar y ffurflen gais.
Sut i wneud cais
-
Casglwch eich holl wybodaeth at ei gi-lydd cyn i chi ddechrau. Byddwch yn llenwi’r ffurflen hon ar-lein ac ni allwch gadw’ch cynnydd.
-
Argraffwch y ffurflen a’i hanfon drwy’r post at CThEF gan ddefnyddio’r cyfeiri-ad post a ddangosir ar y ffurflen.
Efallai na fydd y ffeil hon yn addas ar eich cyfer os ydych yn defnyddio tech-noleg gynorthwyol (megis darllenydd sgrin). Os oes angen fformat mwy hy-gyrch arnoch, anfonwch e-bost i gwasanaeth.cymraeg@hmrc.gov.uk a rhoi gwybod i ni ba fformat sydd ei an-gen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffur-flenni CThEF (yn agor tudalen Saesneg).
Gwirio pryd y gallwch ddisgwyl ateb
Ar ôl i chi gyflwyno eich cais am gredydau Gofal Plant ar gyfer Oedolion Penodedig, gallwch wirio pryd y gallwch ddisgwyl ymateb gan CThEF.
Updates to this page
Diweddarwyd ddiwethaf ar 20 August 2024 + show all updates
-
Welsh translation added.
-
The 'Get more information' section has been replaced with a new section so you can check when you can expect a reply from HMRC after you've applied.
-
First published.