Herio penderfyniad ynghylch cais i’r Gwasanaeth Gofal Plant
Gofynnwch i CThEF adolygu’ch cais am Ofal Plant sy’n Rhydd o Dreth neu’ch cais am ofal plant sy’n rhad ac am ddim i rieni sy’n gweithio, os ydych yn anghytuno â phenderfyniad sy’n nodi nad ydych yn gymwys.
Pryd i ofyn am adolygiad
Os ydych o’r farn bod ein penderfyniad ynghylch cais i’r Gwasanaeth Gofal Plant yn anghywir, gallwch wneud cais i herio penderfyniad o ran gofal plant. Yr enw ar hyn yw ‘adolygiad gorfodol’. Gallwch ddefnyddio’r adolygiad i wneud y canlynol:
- gofyn ein bod ni’n edrych ar benderfyniad ar gais i’r Gwasanaeth Gofal Plant eto
- rhoi gwybod i ni pam mae’r penderfyniad rydym wedi dod iddo’n anghywir
- rhoi unrhyw dystiolaeth i ategu’r rheswm dros eich her
Ni ddylech gyflwyno’r cais yn hwyrach na 30 diwrnod ar ôl y dyddiad y cawsoch chi’r llythyr neu neges o benderfyniad gennym yn wreiddiol. Os byddwch yn anfon y cais atom yn hwyrach na 30 diwrnod, bydd angen i chi roi gwybod i ni pam mae’n hwyr. Yna, byddwn yn rhoi gwybod i chi os ydyn ni wedi derbyn eich cais.
Pwy all ofyn am adolygiad
Gall y person a wnaeth gais i fod yn ddeiliad cyfrif y Gwasanaeth Gofal Plant ofyn am adolygiad gorfodol.
Pwy na ddylai ofyn am adolygiad
Ni allwch ddefnyddio’r ffurflen hon os gwnaethon ni roi gwybod i chi nad ydych yn gymwys oherwydd:
- ni allwn ddod o hyd i fanylion eich partner ― dylech gysylltu â llinell gymorth y Gwasanaeth Gofal Plant
- rydych yn credu eich bod chi wedi defnyddio’r wybodaeth anghywir wrth wneud cais yn wreiddiol ― gallwch wneud cais eto gan ddefnyddio’r gwasanaeth ar-lein
Yr hyn y bydd ei angen arnoch
I ddefnyddio’r ffurflen ar-lein, bydd angen y canlynol arnoch:
- eich rhif Yswiriant Gwladol
- dyddiad y penderfyniad gwreiddiol
- y llythyr neu’r neges a anfonon ni atoch
- y rheswm pam rydych o’r farn bod y penderfyniad yn anghywir
Gallwch uwchlwytho dogfennau fel tystiolaeth ategol sy’n dangos eich bod chi’n gymwys i hawlio. Efallai y byddwn yn gofyn i chi anfon dogfennau gwreiddiol ar ddyddiad hwyrach.
Os oes gennych bartner, ac rydych yn ei gynnwys yn eich cais gwreiddiol, bydd angen i chi roi ei enw a’i rif Yswiriant Gwladol hefyd.
Sut i ofyn am adolygiad
Defnyddiwch y ffurflen ar-lein i ofyn am adolygiad gorfodol.
Yr hyn sy’n digwydd nesaf
Os ydych yn gymwys
Byddwn yn ysgrifennu atoch er mwyn rhoi gwybod i chi eich bod yn gymwys o fewn 30 diwrnod.
Os nad ydych yn gymwys
Byddwn yn ysgrifennu atoch er mwyn rhoi gwybod i chi nad ydych yn gymwys cyn pen 30 diwrnod, ac yn rhoi gwybod i chi sut i apelio os ydych yn anghytuno â’r penderfyniad.
Os oes angen rhagor o wybodaeth arnom
Os bydd angen rhagor o wybodaeth arnom, byddwn yn ysgrifennu atoch ac yn gofyn am yr hyn sydd ei angen arnom. Gallai gymryd hyd at 45 diwrnod i ni benderfynu os bydd hyn yn digwydd.
Updates to this page
-
Welsh translation has been added.
-
References to '30 hours free childcare' have been changed to 'free childcare for working parents'.
-
First published.