Hawlio ad-daliad TAW am gartref newydd neu adeilad newydd ar gyfer elusen os ydych yn adeiladwr tai DIY

Question

Accepted Answer

Pwy all hawlio

Gallwch ddefnyddio’r gwasanaeth hon i adhawlio TAW os ydych yn adeiladwr tai DIY sy’n:

adeiladu cartref newydd
adeiladu adeilad newydd ar gyfer elusen, at ddibenion elusennol neu breswyl perthnasol

Mae’n rhaid i chi wneud y canlynol:

cynnwys tystysgrif cwblhau rheoliadau adeiladu — rydym yn derbyn copïau
darparu tystiolaeth o ganiatâd cynllunio — naill ai caniatâd cynllunio llawn neu amlinellol a chymeradwyaeth mater a gedwir yn ôl
cynnwys cynlluniau o’r adeilad

Ar gyfer caniatâd cynllunio a roddir mewn 2 ran, bydd angen i ni weld y ddau a byddwn yn derbyn copïau.

Os na roddir unrhyw un o’r dogfennau, efallai y bydd eich cais yn cael ei ohirio neu ei wrthod.

Peidiwch ag anfon dogfennau gwreiddiol gan na fyddwn yn gallu eu dychwelyd atoch.

Am adeiladau wedi’u cwblhau:

cyn 5 Rhagfyr 2023 — mae’n rhaid i chi wneud hyn dim mwy na 3 mis ar ôl ei gwblhau
ar neu ar ôl 5 Rhagfyr 2023 — mae’n rhaid i chi wneud hyn dim mwy na 6 mis ar ôl ei gwblhau

Bydd angen i chi wneud y naill neu’r llall o’r canlynol:

mewngofnodi gan ddefnyddio’ch Dynodydd Defnyddiwr a’ch cyfrinair ar gyfer Porth y Llywodraeth (os nad oes gennych Ddynodydd Defnyddiwr, gallwch greu un pan fyddwch yn ceisio mewngofnodi am y tro cyntaf)
defnyddio’ch cyfeiriad e-bost i gael cod cadarnhau y gallwch ei ddefnyddio i fewngofnodi

Bydd angen i chi roi gwybodaeth am eich anfonebau ar y ffurflen.

Anfonwch eich ffurflen wedi’i llenwi i:

BT&C VAT
HM Revenue and Customs
BX9 1WR

Ni fydd swyddfeydd CThEF yn derbyn hawliadau a ollyngir neu a ddosberthir â llaw.