Cael help gyda Diwygio’r Cyfnod Sail
Sut i gael help gyda newidiadau i Hunanasesiad ar gyfer unig fasnachwyr a phartneriaid nad yw eu blwyddyn gyfrifyddu yn dod i ben ar na rhwng 31 Mawrth a 5 Ebrill.
Mae ystod eang o wybodaeth ac offerynnau ar-lein ar gael i’ch helpu i gael yr atebion a’r wybodaeth sydd eu hangen arnoch ar gyfer y newidiadau o ran Diwygio’r Cyfnod Sail.
Fel arfer, mae’n llawer gynt, haws a rhatach i ddefnyddio gwasanaethau ar-lein CThEF yn hytrach na chodi’r ffôn.
Dysgwch sut i gael help gan CThEF os oes angen cymorth ychwanegol arnoch.
Gwylio fideos a gweminarau ar Ddiwygio’r Cyfnod Sail
Gwyliwch fideo YouTube (yn Saesneg) i ddysgu am newidiadau i Hunanasesiad ar gyfer unig fasnachwyr a phartneriaid nad yw eu blwyddyn gyfrifyddu’n dod i ben ar na rhwng 31 Mawrth a 5 Ebrill.
Cael help gyda diwygio’r cyfnod sail (symud i’r sail blwyddyn dreth newydd)
Gwylio recordiad o weminar ar Ddiwygio’r Cyfnod Sail
Gwiriwch ddiweddariadau e-bost a gweminarau CThEF ar gyfer asiantau ac ymgynghorwyr treth (yn agor tudalen Saesneg) i gael gwybod am y canlynol:
- y sail blwyddyn dreth newydd
- y flwyddyn drosiannol ar gyfer diwygio’r cyfnod sail
- rhyddhad gorgyffwrdd i’r busnesau y mae hyn yn effeithio arnynt
I gael rhagor o wybodaeth am Hunanasesiad gan gynnwys cofrestru, Ffurflenni Treth, biliau treth a thaliadau, darllenwch am ddiweddariadau e-bost gan CThEF, fideos a gweminarau ar gyfer Hunanasesiad (yn agor tudalen Saesneg).
Cael rhagor o wybodaeth am Ddiwygio’r Cyfnod Sail
Am ragor o wybodaeth am Ddiwygio’r Cyfnod Sail ac i weld a yw hyn yn effeithio arnoch chi, darllenwch am y newidiadau i adrodd incwm o hunangyflogaeth a phartneriaethau (yn agor tudalen Saesneg).
Gallwch hefyd ddarllen mwy am sut i gyfrifo eich elw trethadwy yn y daflen gymorth Hunanasesiad HS222 (yn agor tudalen Saesneg).
Cael help gyda’ch ffigur rhyddhad gorgyffwrdd
Os yw’ch busnes wedi cynhyrchu unrhyw ryddhad gorgyffwrdd, bydd eich blwyddyn olaf i hawlio hyn wedi’i nodi ar eich Ffurflen Dreth ar gyfer 2023 i 2024. Dysgwch sut i gael eich ffigur Rhyddhad Gorgyffwrdd.
Defnyddio offerynnau ar-lein
Cyfrifwch eich elw trosiannol (yn agor tudalen Saesneg) — defnyddiwch yr offeryn hwn i gyfrifo’ch elw trosiannol a’ch helpu i gwblhau’ch Ffurflen Dreth.
Cael gafael ar ap CThEF
Gallwch lawrlwytho ap CThEF ar ddyfais symudol (er enghraifft, eich ffôn neu dabled) a’i ddefnyddio er mwyn:
- gwirio faint o dreth Hunanasesiad sydd arnoch
- gwneud taliad
- gosod nodyn atgoffa i wneud taliad Hunanasesiad
- dod o hyd i’ch Cyfeirnod Unigryw y Trethdalwr (UTR) ar gyfer Hunanasesiad
- diweddaru’ch cyfeiriad post
- dewis i CThEF gysylltu â chi yn electronig, yn hytrach na drwy lythyr
- dilyn trywydd y ffurflenni a’r llythyrau rydych wedi’u hanfon atom
- hawlio ad-daliadau
Updates to this page
Cyhoeddwyd ar 19 Chwefror 2024Diweddarwyd ddiwethaf ar 28 Ionawr 2025 + show all updates
-
Added translation
-
A link to Self Assessment helpsheet HS222 has been added to the 'Get more information on Basis Period Reform' section of this page.
-
A link for more information on Self Assessment has been added.
-
First published.