Canllawiau

Mynd yn ddi-bapur i gael diweddariadau am eich cod treth

Defnyddiwch eich cyfrif ar-lein CThEF neu’r ap CThEF i gael rhai negeseuon a llythyrau gan CThEF ynghylch treth. 

• Gan: Cyllid a Thollau EF
• Cyhoeddwyd: 16 Ionawr 2025

Rhowch adborth i ni.

Mae angen eich help arnom i wella ac i wneud yn siŵr bod GOV.UK ar ei orau i chi. Gallwch roi adborth i ni am yr arweiniad hwn er mwyn helpu i wella GOV.UK.

Gallwch ddewis cael rhai o’ch negeseuon a llythyrau gan CThEF ynghylch treth ar-lein a drwy e-bost.

Defnyddio ap CThEF

1. Lawrlwythwch ap CThEF.
2. Ewch i ‘eich manylion’.
3. Dewiswch ‘newid y ffordd mae CThEF yn cysylltu â chi’.
4. Dewiswch sut rydych chi am gael llythyrau a negeseuon gan CThEF.

Defnyddiwch yr adran gohebiaeth i wneud y canlynol: 

• bwrw golwg dros negeseuon a llythyrau gan CThEF ynghylch treth
• dilyn hynt y ffurflenni yr ydych wedi’u hanfon at CThEF
• dod o hyd i fanylion cyswllt os oes gennych gwestiwn

Defnyddio’ch cyfrif ar-lein CThEF

1. Mewngofnodwch i’ch cyfrif ar-lein CThEF.
2. Ewch i’ch ‘proffil a’ch gosodiadau’.
3. Yn yr adran gosodiadau, dewiswch ‘newid’ i ddiweddaru eich dewisiadau cysylltu.
4. Gallwch ddewis i wneud y canlynol:

• cael e-bost pan fydd gennych lythyr treth newydd
• diweddaru’r cyfeiriad e-bost yr ydych yn ei ddefnyddio i gael llythyrau treth
• cael llythyrau treth drwy’r post.

Ar eich prif dudalen TWE, gallwch ddewis y canlynol:

• ‘negeseuon’ i wirio eich llythyrau treth a negeseuon gan CThEF
• ‘gwirio cynnydd’ i ddilyn hynt y ffurflenni yr ydych wedi’u hanfon atom — mae’r adran hon yn gadael i chi wirio cynnydd ar unrhyw ffurflen a gyflwynwyd gennych

Cyhoeddwyd ar 16 Ionawr 2025