Cofrestru cwmni cyfyngedig fel isgontractwr neu wneud cais am statws taliadau gros
Defnyddiwch ffurflen CIS305 Cynllun y Diwydiant Adeiladu (CIS) i gofrestru cwmni fel is-gontractiwr, neu i wneud cais am statws taliadau gros.
Cyn i chi ddechrau
Os nad ydych am wneud cais am statws taliad gros, gallwch gofrestru fel is-gontractwr gyda thaliad o dan ddidyniad ar-lein (yn agor tudalen Saesneg).
Cofrestru ar-lein
Er mwyn llenwi’r ffurflen ar-lein, bydd angen y canlynol arnoch:
-
Cyfeirnod Unigryw y Trethdalwr (UTR) y cwmni
-
trosiant presennol y cwmni
-
manylion cyfrif banc y cwmni
-
tystiolaeth o drosiant y cwmni — megis datganiadau banc, datganiadau o daliadau a didyniadau, anfonebau a chontractau
Byddwch hefyd angen gwybodaeth am bob cyfarwyddwr a pherson sydd â rheolaeth sylweddol, gan gynnwys:
-
eu henw
-
eu cyfeiriad
-
eu UTR
-
eu rhif Yswiriant Gwladol
Yn dibynnu ar eich amgylchiadau, mae’n bosibl y bydd hefyd angen y canlynol arnoch:
-
rhif cofrestru’r cwmni
-
rhif cofrestru TAW y cwmni
-
cyfeirnod TWE y cwmni
-
unrhyw dderbyniadau wedi’u hetifeddu a’u manylion
-
trosiant arfaethedig y cwmni
-
manylion cwmnïau â chyfranddaliadaeth
-
tystysgrif clirio treth gan awdurdod treth gwlad gartref eich cwmni
Bydd angen i chi fewngofnodi gan ddefnyddio’ch Dynodydd Defnyddiwr (ID) a’ch cyfrinair ar gyfer Porth y Llywodraeth (os nad oes gennych Ddynodydd Defnyddiwr (ID), gallwch greu un pan fyddwch yn ceisio mewngofnodi am y tro cyntaf).
Os ydych chi’n asiant, bydd angen i chi ddefnyddio’r Dynodydd Defnyddiwr (ID) ar gyfer Porth y Llywodraeth rydych chi’n ei ddefnyddio i fewngofnodi i’ch cyfrif gwasanaethau asiant.
Os na allwch gofrestru ar-lein
Gallwch ddod o hyd i wybodaeth am lenwi’r ffurflen bost yn
.-
Casglwch eich holl wybodaeth at ei gilydd cyn i chi ddechrau. Byddwch yn llenwi’r ffurflen hon ar-lein ac ni allwch gadw’ch cynnydd.
-
Llenwch CIS305.
-
Argraffwch y ffurflen a’i hanfon drwy’r post at CThEF gan ddefnyddio’r cyfeiriad post a ddangosir ar y ffurflen.
Efallai na fydd y ffeil hon yn addas ar eich cyfer os ydych yn defnyddio technoleg gynorthwyol (megis darllenydd sgrin). Os oes angen fformat mwy hygyrch arnoch, e-bostiwch gwasanaeth.cymraeg@hmrc.gov.uk a rhowch wybod i ni y fformat sydd ei angen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffurflenni CThEF (yn agor tudalen Saesneg).
I ble i anfon y ffurflen
Gweithrediadau Treth Bersonol
Gwasanaeth Cwsmeriaid Cymraeg CThEF
HMRC
BX9 1ST