Gwirio faint o Dreth Incwm a daloch y llynedd

Ar ôl i’ch Treth Incwm gael ei chyfrifo, gallwch ddefnyddio’r gwasanaeth hwn i gyfrifo faint a daloch o 6 Ebrill 2023 i 5 Ebrill 2024.

Mae Cyllid a Thollau EF (CThEF) yn cyfrifo Treth Incwm pawb rhwng mis Mehefin a mis Tachwedd.

Ni allwch wirio’ch Treth Incwm ar gyfer y flwyddyn ddiwethaf os gwnaethoch dalu rhan o’ch Treth Incwm y llynedd drwy Hunanasesiad.

Mae’r dudalen hon hefyd ar gael yn Saesneg.

Mae hefyd yn bosibl y gallwch ddefnyddio’r gwasanaeth hwn i gael ad-daliad treth neu dalu’r dreth sydd arnoch. Bydd angen llythyr cyfrifiad treth arnoch (a elwir yn ‘P800’) sy’n nodi eich bod yn gallu gwneud hyn ar-lein.

Cyn i chi ddechrau

I wirio’ch Treth Incwm ar gyfer y flwyddyn ddiwethaf, bydd angen i chi fewngofnodi i’ch cyfrif treth personol gan ddefnyddio’ch Dynodydd Defnyddiwr (ID) a chyfrinair ar gyfer Porth y Llywodraeth.

Os nad oes gennych gyfrif treth personol

Mae angen Dynodydd Defnyddiwr (ID) a chyfrinair ar gyfer Porth y Llywodraeth arnoch er mwyn creu cyfrif treth personol. Os nad oes gennych Ddynodydd Defnyddiwr (ID) eisoes, gallwch greu un pan fyddwch yn mewngofnodi am y tro cyntaf.

Bydd angen eich rhif Yswiriant Gwladol neu’ch cod post arnoch, a 2 o’r canlynol:

  • pasbort dilys y DU
  • trwydded yrru cerdyn-llun y DU, a gyhoeddwyd gan y DVLA (neu’r DVA yng Ngogledd Iwerddon)
  • slip cyflog o’r 3 mis diwethaf neu ffurflen P60 gan eich cyflogwr ar gyfer y flwyddyn dreth ddiwethaf
  • manylion hawliad am gredyd treth, os gwnaethoch un
  • manylion o Ffurflen Dreth Hunanasesiad, os gwnaethoch gyflwyno un
  • gwybodaeth sy’n cael ei chadw ar eich cofnod credyd, os oes gennych un (megis benthyciadau, cardiau credyd, neu forgeisi)

Gwirio’ch Treth Incwm

Dechrau nawr

Gallwch hefyd ddefnyddio ap CThEF i wirio faint o Dreth Incwm a daloch y llynedd.

Os na allwch greu cyfrif treth personol

Cysylltwch â CThEF am gyngor os na allwch greu cyfrif treth personol.

Gallwch hefyd amcangyfrif eich Treth Incwm (yn agor tudalen Saesneg) ar gyfer blynyddoedd blaenorol heb fewngofnodi.

Gwirio treth ar gyfer y flwyddyn bresennol

Mae ffordd wahanol o wirio faint o Dreth Incwm rydych yn ei thalu yn ystod y flwyddyn dreth hon.