Mae gennych 30 diwrnod o’r dyddiad ar yr hysbysiad o gosb am dalu TWE yn hwyr i dalu’r gosb neu i apelio yn ei herbyn . Talu nawr Mae’r canllaw hwn hefyd ar gael yn Saesneg . Dulliau o dalu Sicrhewch eich bod yn talu Cyllid a Thollau EF ( CThEF ) erbyn y dyddiad cau. Mae’r amser y mae angen i chi ei ganiatáu yn dibynnu ar eich dull o dalu. Ni allwch dalu yn Swyddfa’r Post mwyach. Ar yr un diwrnod neu’r diwrnod nesaf bancio ar-lein neu fancio dros y ffôn (Taliadau Cyflymach) drwy’ch cyfrif banc ar-lein CHAPS â cherdyn debyd neu gerdyn credyd corfforaethol ar-lein yn eich banc neu’ch cymdeithas adeiladu 3 diwrnod gwaith Bacs Debyd Uniongyrchol (os ydych wedi trefnu un ar gyfer CThEF yn flaenorol) siec drwy’r post 5 diwrnod gwaith Debyd Uniongyrchol (os nad ydych wedi trefnu un ar gyfer CThEF yn flaenorol) Os bydd y dyddiad cau ar benwythnos neu ŵyl banc, gwnewch yn siŵr bod eich taliad yn dod i law CThEF erbyn y diwrnod gwaith olaf cyn hynny (oni bai eich bod yn talu drwy ddefnyddio Taliadau Cyflymach .

Sefydlwch Ddebyd Uniongyrchol drwy gyfrif ar-lein Cyllid a Thollau EF ( CThEF ) eich busnes i wneud taliad unigol. Wrth dalu, bydd angen i chi ddefnyddio’ch cyfeirnod talu, sy’n 14 o gymeriadau ac sy’n dechrau gydag ‘X’. Mae hwn ar yr hysbysiad o gosb a anfonwyd atoch gan Gyllid a Thollau EF ( CThEF ). Peidiwch â defnyddio’ch cyfeirnod Swyddfa Gyfrifon TWE. Gall eich taliad gael ei oedi os ydych yn defnyddio’r cyfeirnod anghywir. Caniatewch 5 diwrnod gwaith i brosesu Debyd Uniongyrchol pan fyddwch yn trefnu un am y tro cyntaf. Dylai gymryd 3 diwrnod gwaith y tro nesaf os ydych yn defnyddio’r un manylion banc. Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i drefnu o hyd.

Cymeradwyo taliad drwy’ch cyfrif banc ar-lein

Gallwch dalu’ch cosb am dalu neu gyflwyno TWE yn hwyr yn uniongyrchol drwy ddefnyddio’ch cyfrif banc ar-lein neu’ch cyfrif banc symudol. Bydd angen i chi fod â’ch manylion bancio wrth law cyn i chi ddechrau. Pan fyddwch yn barod i dalu, dechreuwch eich taliad cosbau TWE . Dewiswch yr opsiwn ‘talu drwy gyfrif banc’. Yna, gofynnir i chi fewngofnodi i’ch cyfrif banc ar-lein, neu’ch cyfrif bancio drwy ffôn symudol, i gymeradwyo’ch taliad. Gallwch ddewis dyddiad talu, cyn belled â’i fod cyn dyddiad dyledus eich taliad. Gwiriwch eich cyfrif i wneud yn siŵr bod y taliad wedi mynd allan ar y dyddiad cywir. Os nad yw’r taliad wedi mynd allan yn ôl y disgwyl, cysylltwch â’ch banc. Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.

Gwneud trosglwyddiad banc ar-lein neu dros y ffôn

Gallwch dalu drwy ddefnyddio Taliadau Cyflymach, CHAPS neu Bacs. Cyfeirnod Wrth dalu, bydd angen i chi ddefnyddio’ch cyfeirnod talu, sy’n 14 o gymeriadau ac sy’n dechrau gydag ‘X’. Mae hwn ar yr hysbysiad o gosb a anfonwyd atoch gan Gyllid a Thollau EF ( CThEF ). Peidiwch â defnyddio’ch cyfeirnod Swyddfa Gyfrifon TWE. Gall eich taliad gael ei oedi os ydych yn defnyddio’r cyfeirnod anghywir. Os ydych yn talu o gyfrif banc yn y DU Talwch i mewn i’r cyfrif CThEF hwn: cod didoli - 08 32 10 rhif y cyfrif - 12001020 enw’r cyfrif - HMRC Shipley Os ydych yn talu o gyfrif banc tramor Talwch i mewn i’r cyfrif hwn: rhif y cyfrif ( IBAN ) - GB03 BARC 2011 4783 9776 92 cod adnabod y banc ( BIC ) - BARCGB22 enw’r cyfrif - HMRC Shipley Dylai taliadau tramor fod mewn sterling ac mae’n bosibl y bydd eich banc yn codi tâl arnoch os defnyddiwch unrhyw arian cyfred arall. Cyfeiriad bancio CThEF yw: Barclays Bank PLC 1 Churchill Place Llundain Y Deyrnas Unedig E14 5HP Faint o amser y mae’n ei gymryd Fel arfer, bydd taliadau a wneir gan ddefnyddio Taliadau Cyflymach (bancio ar-lein neu dros y ffôn) yn cyrraedd CThEF ar yr un diwrnod neu’r diwrnod nesaf, gan gynnwys ar benwythnosau a gwyliau banc. Fel arfer, bydd taliadau CHAPS yn cyrraedd CThEF ar yr un diwrnod gwaith os byddwch yn talu o fewn amserau prosesu’ch banc. Fel arfer, bydd taliadau Bacs yn cymryd 3 diwrnod gwaith. Gwiriwch derfynau trosglwyddo ac amserau prosesu’ch banc cyn i chi wneud taliad.

Â cherdyn debyd neu gerdyn credyd corfforaethol ar-lein

Gallwch dalu ar-lein . Bydd ffi yn cael ei chodi os talwch â cherdyn credyd corfforaethol neu gerdyn debyd corfforaethol. Nid yw’r ffi yn ad-daladwy. Ni fydd ffi yn cael ei chodi os talwch â cherdyn debyd personol. Ni allwch dalu â cherdyn credyd personol. Wrth dalu, bydd angen i chi ddefnyddio’ch cyfeirnod talu, sy’n 14 o gymeriadau ac sy’n dechrau gydag ‘X’. Mae hwn ar yr hysbysiad o gosb a anfonwyd atoch gan Gyllid a Thollau EF ( CThEF ). Peidiwch â defnyddio’ch cyfeirnod Swyddfa Gyfrifon TWE. Gall eich taliad gael ei oedi os ydych yn defnyddio’r cyfeirnod anghywir. Bydd CThEF yn derbyn eich taliad ar y dyddiad y gwnewch y taliad (hyd yn oed ar wyliau banc a phenwythnosau) – nid y dyddiad y mae’n cyrraedd cyfrif CThEF . Os na allwch dalu eich cosb yn llawn â cherdyn, dylech ddefnyddio dull arall o dalu megis trosglwyddiad banc.

Yn eich banc neu’ch cymdeithas adeiladu

Gallwch dalu ag arian parod neu siec yn eich cangen. Bydd angen i chi ddefnyddio slip talu Cyllid a Thollau EF ( CThEF ) sydd wedi’i gynnwys gyda’r hysbysiad o gosb am dalu neu gyflwyno’n hwyr. Gwnewch eich siec yn daladwy i ‘Cyllid a Thollau EF yn unig’. Ysgrifennwch eich cyfeirnod talu ar gefn y siec. Mae’n 14 o gymeriadau ac yn dechrau gydag ‘X’. Fe welwch hyn ar yr hysbysiad cosb anfonodd CThEF atoch. Peidiwch â defnyddio’ch cyfeirnod Swyddfa Gyfrifon TWE. Gall eich taliad gael ei oedi os ydych yn defnyddio’r cyfeirnod anghywir. Bydd CThEF yn derbyn eich taliad ar y dyddiad y gwnewch y taliad (os ydych yn ei dalu o ddydd Llun i ddydd Gwener) ac nid ar y dyddiad y mae’n cyrraedd cyfrif CThEF .

Talu â siec drwy’r post

Gallwch anfon siec i Gyllid a Thollau EF ( CThEF ) drwy’r post. CThEF /HMRC Direct BX5 5BD Nid oes angen i chi gynnwys enw stryd, enw dinas na blwch Swyddfa’r Post gyda’r cyfeiriad hwn. Caniatewch 3 diwrnod gwaith i’ch taliad gyrraedd CThEF . Yr hyn i’w gynnwys Gwnewch eich siec yn daladwy i ‘Cyllid a Thollau EF yn unig’. Ysgrifennwch eich cyfeirnod talu ar gefn y siec. Mae’n 14 o gymeriadau ac yn dechrau gydag ‘X’. Fe welwch hyn ar yr hysbysiad cosb anfonodd CThEF atoch. Dylech gynnwys y slip talu o’r hysbysiad o gosb. Peidiwch â phlygu’r slip talu na’r siec, a pheidiwch â’u glynu wrth ei gilydd. Mae’n bosibl y caiff eich taliad ei ohirio os na fyddwch yn llenwi’ch siec yn gywir. Os hoffech dderbynneb, dylech gynnwys nodyn yn gofyn am un. Os nad oes gennych slip talu Gallwch argraffu slip talu (yn agor tudalen Saesneg) i’w ddefnyddio i dalu drwy’r post. Ni allwch ddefnyddio hwn mewn banc.

Gwirio bod eich taliad wedi dod i law

Ewch ati i fwrw golwg dros eich cyfrif CThEF ar-lein i weld a yw’ch taliad wedi dod i law – dylai ddiweddaru cyn pen 6 diwrnod gwaith. Gallwch hefyd fwrw golwg dros eich cyfriflen banc neu gymdeithas adeiladu er mwyn cadarnhau bod y taliad wedi gadael eich cyfrif. Os ydych yn talu drwy’r post, gallwch gynnwys llythyr ynghyd â’ch taliad er mwyn gwneud cais am dderbynneb gan CThEF.

Talu cosb am dalu neu gyflwyno TWE yn hwyr

Trosolwg

Mae gennych 30 diwrnod o’r dyddiad ar yr hysbysiad o gosb am dalu TWE yn hwyr i dalu’r gosb neu i apelio yn ei herbyn.

Talu nawr

Mae’r canllaw hwn hefyd ar gael yn Saesneg.

Dulliau o dalu

Sicrhewch eich bod yn talu Cyllid a Thollau EF (CThEF) erbyn y dyddiad cau.

Mae’r amser y mae angen i chi ei ganiatáu yn dibynnu ar eich dull o dalu.

Ni allwch dalu yn Swyddfa’r Post mwyach.

Ar yr un diwrnod neu’r diwrnod nesaf

bancio ar-lein neu fancio dros y ffôn (Taliadau Cyflymach)
drwy’ch cyfrif banc ar-lein
CHAPS
â cherdyn debyd neu gerdyn credyd corfforaethol ar-lein
yn eich banc neu’ch cymdeithas adeiladu

3 diwrnod gwaith

Bacs
Debyd Uniongyrchol (os ydych wedi trefnu un ar gyfer CThEF yn flaenorol)
siec drwy’r post

5 diwrnod gwaith

Debyd Uniongyrchol (os nad ydych wedi trefnu un ar gyfer CThEF yn flaenorol)

Os bydd y dyddiad cau ar benwythnos neu ŵyl banc, gwnewch yn siŵr bod eich taliad yn dod i law CThEF erbyn y diwrnod gwaith olaf cyn hynny (oni bai eich bod yn talu drwy ddefnyddio Taliadau Cyflymach.

Gweld fersiwn argraffadwy o'r canllaw cyfan

Talu cosb am dalu neu gyflwyno TWE yn hwyr

Trosolwg

Dulliau o dalu

Ar yr un diwrnod neu’r diwrnod nesaf

3 diwrnod gwaith

5 diwrnod gwaith

Is this page useful?

Help us improve GOV.UK

Help us improve GOV.UK

Cookies on GOV.UK

Talu cosb am dalu neu gyflwyno TWE yn hwyr

Trosolwg

Dulliau o dalu

Ar yr un diwrnod neu’r diwrnod nesaf

3 diwrnod gwaith

5 diwrnod gwaith

Is this page useful?

Help us improve GOV.UK

Help us improve GOV.UK