Talu dirwy llys ar-lein
Bydd arnoch angen eich ‘hysbysiad o ddirwy’ a cherdyn debyd neu gerdyn credyd i dalu.
Gallwch ddefnyddio’r gwasanaeth hwn i dalu’r canlynol yng Nghymru a Lloegr:
- dirwyon llys
- iawndal
- gordal dioddefwr
- costau erlynydd
- ffi’r llys troseddol
- gorchmynion atafaelu
- cosbau penodedig sydd wedi eu cofrestru mewn llys ynadon
- ôl-doll treth car
Ni allwch dalu ffioedd llys na thocynnau parcio gan ddefnyddio’r gwasanaeth hwn.
Mae’r dudalen hon ar gael hefyd yn Saesneg (English).
Cyn i chi ddechrau
Rhaid i chi dalu erbyn y dyddiad sydd ar eich hysbysiad o ddirwy. Os bydd camau gorfodi wedi cychwyn efallai bydd y llys yn gwrthod eich taliad.
Os cawsoch ddirwy yn Llys y Goron, bydd arnoch angen rhif eich cyfrif a chod adran.
Os na allwch ddod o hyd i’ch hysbysiad o ddirwy, cysylltwch â’r llys ble cawsoch y ddirwy.
Rhaid i chi ddefnyddio gwasanaeth gwahanol i dalu dirwy llys yng Ngogledd Iwerddon a’r Alban.
Ffyrdd eraill o dalu
Gallwch dalu eich dirwy llys dros y ffôn gyda cherdyn credyd neu gerdyn debyd.
Talu dirwy
Rhif ffôn: 0300 790 9901 (yn Lloegr)
Rhif Ffôn: 0300 790 9980 (yng Nghymru)
Gwybodaeth am gostau ffonio
Rhaid i chi gael eich hysbysiad o ddirwy gyda chi.
Cysylltwch â’r Swyddfa Gorfodi a restrir ar yr hysbysiad o ddirwy i dalu drwy ddebyd uniongyrchol, gyda cherdyn talu neu drosglwyddiad banc.