Hawlio ad-daliad ffi dirprwyaeth
Pwy sy'n cael hawlio
Gallwch wneud hawliad os:
- oedd gennych chi ddirprwy o’r blaen
- ydych chi’n gweithredu ar ran rhywun a oedd â dirprwy ac sydd wedi marw
Mae’n rhaid i’r ddirprwyaeth fod wedi bod yn weithredol rhwng 1 Ebrill 2008 a 31 Mawrth 2015.
Os ydych chi’n dal i weithredu fel dirprwy, nid oes angen i chi wneud cais. Bydd unrhyw ffioedd gormodol a godwyd yn cael eu had-dalu’n awtomatig.
Os oedd gennych chi ddirprwy o’r blaen
Os oedd gennych chi ddirprwy ond eich bod erbyn hyn yn gwneud penderfyniadau dros eich hun, gallwch wneud cais am ad-daliad.
Gallwch chi hefyd ofyn i’ch atwrnai eiddo a materion ariannol wneud hawliad ar eich rhan.
Os ydych chi’n gweithredu ar ran rhywun sydd wedi marw
Os ydy’r sawl a oedd yn arfer bod â dirprwyaeth (y ‘cleient’) wedi marw, rhaid i ysgutor yr ewyllys hawlio’r ad-daliad.
Os nad oes ysgutor, gall gweinyddwr yr ystad wneud cais.
Os nad oes gweinyddwr i’r ystad, gall aelod o’r teulu wneud cais.
Beth fyddwch chi’n ei wneud â’r ad-daliad
Dylai unrhyw ad-daliad a dderbynnir gael ei rannu rhwng buddiolwyr ystad y cleient.
Os ydy ystad y cleient eisoes wedi cael ei setlo, gallwch gael help gan Cyngor ar Bopeth neu gyfreithiwr i wneud yn siŵr eich bod yn cydymffurfio â’r gyfraith.