Herio penderfyniad budd-dal (ailystyriaeth orfodol)
Cyn i chi ddechrau
Sicrhewch eich bod yn deall y rheswm dros y penderfyniad cyn i chi ofyn am ailystyriaeth orfodol. Bydd hyn yn eich helpu i esbonio pam rydych yn anghytuno.
Os ydych chi’n gofyn am ailystyriaeth orfodol, bydd rhywun yn edrych ar eich cais budd-dal llawn eto. Efallai bydd eich budd-dal yn stopio, aros yr un peth, yn cynyddu neu’n gostwng.
Deall y penderfyniad a gawsoch
Os oes angen help arnoch i ddeall y rheswm dros eich penderfyniad budd-dal, ffoniwch y swyddfa budd-daliadau sy’n delio â’ch hawliad. Byddant yn gallu esbonio’r rheswm dros eich penderfyniad budd-dal ac ateb unrhyw gwestiynau.
Gallwch barhau i ofyn am ailystyriaeth orfodol ar ôl i chi siarad â’ch swyddfa budd-daliadau.
Os ydych chi eisiau esboniad ysgrifenedig
Gallwch ofyn am esboniad ysgrifenedig gan y swyddfa budd-daliadau sy’n delio â’ch hawliad – a elwir yn ‘datganiad ysgrifenedig o resymau’.
Nid oes angen i chi wneud hyn ar gyfer Taliad Annibyniaeth Bersonol - bydd eich llythyr penderfyniad yn cynnwys datganiad ysgrifenedig.
Gallwch ofyn am ailystyriaeth orfodol o hyd, ond rhaid i chi wneud hyn o fewn 14 diwrnod i’r dyddiad ar eich datganiad ysgrifenedig o resymau.
Cael help a chyngor
Gallwch gael cymorth a chyngor am ddim gan:
Gallwch hefyd ofyn am gyngor gan gynghorydd cyfreithiol neu gyfreithiwr.