Herio penderfyniad budd-dal (ailystyriaeth orfodol)
Cymhwysedd
Os ydych yn anghytuno â phenderfyniad ynglŷn â budd-daliadau, credydau treth neu gynhaliaeth plant gallwch ofyn i ni edrych ar y penderfyniad eto - gelwir hyn yn ‘ailystyriaeth orfodol’.
Mae gofyn am Ailystyriaeth Orfodol am ddim.
Mae’r cyfarwyddyd hwn hefyd ar gael yn Saesneg (English) ac mewn fformat hawdd ei ddeall.
Gallwch ofyn am ailystyriaeth orfodol os yw unrhyw un o’r canlynol yn berthnasol:
- rydych chi’n meddwl bod y swyddfa a wnaeth ddelio â’ch hawliad wedi gwneud camgymeriad neu wedi methu tystiolaeth bwysig
- rydych yn anghytuno â’r rhesymau dros y penderfyniad
- rydych am i ni edrych ar y penderfyniad eto
Ni ellir ailystyried rhai penderfyniadau. Gall eraill fynd yn syth i apêl. Bydd eich llythyr penderfyniad gwreiddiol yn dweud os yw hyn yn berthnasol i chi.
Fel arfer mae angen i chi ofyn am ailystyriaeth orfodol o fewn mis i ddyddiad y penderfyniad. Gallwch ofyn amdano ar ôl mis os oes gennych reswm da, er enghraifft os ydych wedi bod yn yr ysbyty neu wedi cael profedigaeth.
Budd-daliadau y mae hyn yn berthnasol iddynt
Gallwch ofyn am ailystyriaeth orfodol am fudd-daliadu yn cynnwys:
- Lwfans Gweini
- Lwfans Profedigaeth
- Lwfans Gofalwr
- Credyd Gofalwr
- cynhaliaeth plant (a elwir weithiau yn ‘gymorth plant’)
- Cynllun Adfer Iawndal (yn cynnwys ceisiadau adfer NHS)
- Cynllun Talu Mesotheliomia Ymledol
- Lwfans Byw i’r Anabl (DLA)
- Lwfans Cyflogaeth a Chymorth (ESA)
- Taliad Costau Angladd
- Cymhorthdal Incwm
- Budd-dal Anabledd Anafiadau Diwydiannol
- Lwfans Ceisio Gwaith (JSA)
- Lwfans Mamolaeth
- Credydau Yswiriant Gwladol
- Credyd Pensiwn
- Taliad Annibyniaeth Personol (PIP)
- Grant Mamolaeth Cychwyn Cadarn
- Credyd Cynhwysol (yn cynnwys taliadau o flaen llaw)
- Taliad Tanwydd Gaeaf
Herio penderfyniadau am fudd-daliadau eraill
Mae proses wahanol i herio penderfyniadau ar gyfer: