Pryd i beidio â chodi TAW

Ni allwch godi TAW ar nwyddau neu wasanaethau sydd wedi’u heithrio. Os byddwch yn prynu neu’ gwerthu eitem sydd wedi’i heithrio, dylech gofnodi’r trafodyn yn eich cyfrifon busnes cyffredinol o hyd. Dyma rai enghreifftiau o nwyddau a gwasanaethau sydd wedi’u heithrio rhag TAW : gwasanaethau ariannol, buddsoddiadau ac yswiriant garejys, llefydd parcio ac angorau cwch preswyl eiddo, tir ac adeiladau addysg a hyfforddiant (ac eithrio ysgolion preifat) gofal iechyd a thriniaeth feddygol cynlluniau angladd, gwasanaethau claddu neu amlosgi digwyddiadau elusennol hynafolion hapchwarae neu docynnau loteri gweithgareddau chwaraeon Mae rhestr lawn o’r nwyddau sydd wedi’u heithrio rhag TAW (yn agor tudalen Saesneg) ar gael yma. Nwyddau a gwasanaethau sydd ‘y tu hwnt i gwmpas’ Mae rhai nwyddau a gwasanaethau tu allan i’r system TAW (‘y tu hwnt i gwmpas’), felly ni allwch godi nac adennill TAW arnynt. Er enghraifft: nwyddau neu wasanaethau rydych yn eu prynu a’u defnyddio y tu allan i’r DU ffioedd statudol, megis tâl atal tagfeydd Llundain nwyddau rydych yn eu gwerthu fel hobi, megis stampiau o gasgliad cyfraniadau i elusen, os fe’u rhoddir heb gael unrhyw beth yn ôl Codi TAW ar elusennau Gall busnesau sydd wedi’u cofrestru ar gyfer TAW werthu rhai nwyddau a gwasanaethau i elusennau ar y gyfradd sero neu’r gyfradd is o TAW . Dysgwch beth sy’n gymwys ar gyfer y gyfradd is (yn agor tudalen Saesneg) . Os ydych yn fusnes sydd wedi’i gofrestru ar gyfer TAW , eich cyfrifoldeb chi yw gwirio a yw’r elusen yn gymwys, ac i ddefnyddio’r gyfradd gywir. Nid yw clybiau chwaraeon amatur cymunedol yn gymwys i gael y rhyddhadau TAW ar gyfer elusennau. Gwirio bod yr elusen yn gymwys Gofynnwch i’r elusen roi tystiolaeth i chi ei bod yn elusen. Gall hyn fod yn un o’r canlynol: rhif cofrestru’r Comisiwn Elusennau llythyr o gydnabyddiaeth gan Gyllid a Thollau EF ( CThEF ) os nad yw wedi’i gofrestru gyda’r Comisiwn Elusennau (er enghraifft, os yw’n elusen yn yr Alban neu Ogledd Iwerddon) Cael datganiad ysgrifenedig Mae angen i chi hefyd ofyn i’r elusen roi datganiad ysgrifenedig neu dystysgrif i chi yn cadarnhau ei bod yn bodloni’r amodau ar gyfer y rhyddhad TAW penodol. Mae’n rhaid i elusennau ddilyn fformat penodol ar gyfer y datganiad neu dystysgrif (yn agor tudalen Saesneg) . Mae’n rhaid i’r datganiad fod ar wahân i’r ffurflen archebu neu anfoneb. Mae’n rhaid i chi gadw unrhyw ddatganiad neu dystysgrif am o leiaf 4 blynedd.

TAW ar ostyngiadau neu roddion

Mae gwahanol reolau ar gyfer codi TAW ar ostyngiadau, rhoddion a gwasanaethau sy’n rhad ac am ddim. Codi TAW ar ostyngiadau Pan ddaw i ostyngiadau sylfaenol (er enghraifft, gostyngiad o 20%) codwch TAW ar y pris gostyngol. Cynigion amleitem Cynigion amleitem yw pan fo’r cwsmer yn cael gostyngiad am brynu rhagor o eitemau, er enghraifft 3 eitem am £20. Ar gyfer cynigion amleitem lle mae pob eitem â’r un gyfradd TAW (fel arfer y gyfradd safonol), codwch TAW ar y pris cyfunol. Os oes gan yr eitemau yn y cynnig gyfraddau gwahanol o TAW , mae angen i chi ddefnyddio dull o’r enw ‘dosrannu’. Darllenwch adran 8 o’r arweiniad ar reolau a gweithdrefnau TAW i weld sut mae dosrannu’n gweithio (yn agor tudalen Saesneg) . Cynigion drwy arbedion-cyswllt Cynigion drwy arbedion-cyswllt yw pan fo’r cwsmer yn cael ail eitem am bris gostyngol (neu am ddim) gyda’i bryniant, er enghraifft ‘prynu un, cael un am ddim’. Defnyddiwch y dull ‘dosrannu’ i gyfrifo’r TAW , oni bai bod yr eitem sy’n rhad ac am ddim neu’n ostyngol: â gwerth o ran ailwerthu sy’n llai na £1 â gwerth o ran gwerthu sy’n llai na £5 yn costio llai nag 20% o gyfanswm yr eitemau eraill yn y cynnig i chi ddim yn cael ei gwerthu am bris ar wahân i’r prif gynnyrch Os yw unrhyw un o’r uchod yn berthnasol, codwch TAW ar werth cyfun yr eitemau. Codi TAW ar gwponau neu dalebau Peidiwch â chodi TAW ar y naill neu’r llall o’r canlynol: cwpon neu daleb rydych chi’n ei roi am ddim gydag eitem arall ar adeg y prynu talebau ‘gwerth enwol’ y gellir eu defnyddio ar gyfer mwy nag un math o nwyddau neu wasanaeth (os cânt eu gwerthu am eu gwerth ariannol neu am lai) Codwch TAW pan fydd cwsmer yn defnyddio taleb ‘gwerth enwol’ i brynu rhywbeth oddi wrthych. Os gwnaethoch werthu’r daleb am bris gostyngol, codwch TAW ar y gwerth gostyngol. TAW ar roddion Nid oes arnoch TAW os yw’r naill neu’r llall o’r canlynol yn berthnasol: rydych yn rhoi’ch nwyddau a gwasanaethau eich hunan i ffwrdd mae cyfanswm gwerth y rhoddion a roddir i’r un person mewn cyfnod o 12 mis yn llai na £50 TAW ar nwyddau a gwasanaethau sy’n rhad ac am ddim Fel arfer nid oes arnoch TAW ar nwyddau a gwasanaethau a rowch i ffwrdd am ddim. Eitem neu wasanaeth Amod i’w fodloni i fod wedi eich eithrio rhag talu TAW Samplau rhad ac am ddim I’w defnyddio at ddibenion marchnata a rhoi digon ohonynt i ganiatáu i ddarpar gwsmeriaid brofi’r cynnyrch Benthyciadau am ddim o asedion busnes Mae cost llogi’r ased wedi’i chynnwys mewn rhywbeth arall rydych yn ei werthu i’r cwsmer Gwasanaethau rhad ac am ddim Nid ydych yn cael unrhyw daliad neu nwyddau neu wasanaethau yn gyfnewid

Adennill TAW ar dreuliau busnes

Os ydych wedi’ch cofrestru ar gyfer TAW , gallwch adennill TAW ar eitemau rydych yn eu prynu i’w defnyddio yn eich busnes. Gwnewch hyn yn eich Ffurflen TAW . Mae rheolau gwahanol ar waith os yw’ch sefydliad wedi’i eithrio rhag TAW (er enghraifft, os yw’n academi addysgol neu’n elusen gymwys). Darllenwch yr arweiniad ynghylch adennill TAW fel sefydliad sydd heb gofrestru ar gyfer TAW (VAT126) (yn agor tudalen Saesneg) . Os oes unrhyw un o’r eitemau hyn hefyd yn cael eu defnyddio at ddibenion personol, dim ond cyfran fusnes y TAW y gallwch ei hawlio. Enghreifftiau Mae hanner eich galwadau ffôn symudol yn bersonol. Gallwch adennill 50% o’r TAW ar y pris prynu a’r cynllun gwasanaeth. Rydych yn gweithio gartref ac mae’ch swyddfa’n cymryd 20% o arwynebedd llawr eich tŷ. Gallwch adennill 20% o’r TAW ar eich biliau cyfleustodau. Mae’n rhaid i chi gadw cofnodion i gefnogi’ch hawliad ac i ddangos sut y gwnaethoch gyfrifo’r gyfran busnes ar gyfer pryniant. Mae’n rhaid i chi hefyd fod ag anfonebau TAW dilys. Os ydych yn adennill TAW ar nwyddau neu wasanaethau nad ydych wedi talu amdanynt, bydd yn rhaid i chi ad-dalu CThEF . Gelwir hyn yn ‘adfachu’. Darllenwch yr arweiniad ynghylch adfachu i gael gwybod pryd i ad-dalu TAW yr ydych wedi’i hadennill yn flaenorol, a sut i wneud hynny (yn agor tudalen Saesneg) . Os ydych yn gwerthu nwyddau sy’n drethadwy a nwyddau sydd wedi’u heithrio rhag TAW Os ydych yn gwerthu nwyddau sy’n gymysgedd o nwyddau trethadwy a nwyddau sydd wedi’u heithrio rhag TAW , ystyrir bod eich busnes wedi’i ‘eithrio’n rhannol’. Dysgwch am eithriad rhannol a sut i gyfrifo’r hyn y gallwch ei adennill (yn agor tudalen Saesneg) . Pryniannau a wnaed cyn cofrestru Gallwch adennill TAW ar nwyddau neu wasanaethau a brynwyd cyn i chi gofrestru ar gyfer TAW os gwnaethoch eu prynu o fewn: 4 blynedd, ar gyfer nwyddau sydd gennych o hyd, neu ar gyfer nwyddau a ddefnyddiwyd i wneud nwyddau eraill sydd gennych o hyd 6 mis, ar gyfer gwasanaethau Gallwch dim ond adennill TAW ar bryniannau ar gyfer busnesau sydd bellach wedi cofrestru ar gyfer TAW . Mae’n rhaid iddynt ymwneud â’ch ‘dibenion busnes’. Mae hyn yn golygu bod yn rhaid iddynt ymwneud â nwyddau neu wasanaethau trethadwy TAW yr ydych yn eu cyflenwi. Os ydych yn defnyddio’r Cynllun Cyfradd Unffurf TAW Ni allwch adennill TAW ar eich pryniannau – ar wahân i asedion cyfalaf penodol dros £2,000. Darllenwch adran 15 o’r arweiniad ynghylch y Cynllun Cyfradd Unffurf ar gyfer busnesau bach i weld os gallwch adennill TAW (yn agor tudalen Saesneg) . Cerbydau Mae’n bosibl y byddwch yn gallu adennill y TAW i gyd ar gar newydd neu ar gerbyd masnachol os ydych yn ei ddefnyddio at ddibenion busnes yn unig. Mae’n rhaid i chi allu dangos nad yw’n cael ei ddefnyddio at ddibenion personol, er enghraifft mae wedi’i nodi’n benodol yng nghontract eich cyflogai. Mae ‘dibenion personol’ yn cynnwys teithio rhwng eich cartref a’ch gwaith, oni bai ei fod yn fan gweithio dros dro. Mae’n bosibl y byddwch yn gallu adennill y TAW i gyd ar gar newydd os yw’n cael ei ddefnyddio’n bennaf: fel tacsi ar gyfer gwersi gyrru ar gyfer hunan-yrru ar log Os ydych yn prynu car ail-law at ddibenion busnes, bydd yn rhaid i’r anfoneb gwerthu ddangos y TAW . Os ydych yn llogi car i gymryd lle car cwmni sydd oddi ar y ffordd, fel arfer gallwch hawlio 50% o’r TAW ar y gost o’i logi. Os ydych yn llogi car at ddibenion busnes yn unig, gallwch adennill y TAW i gyd os byddwch yn ei logi am 10 diwrnod neu lai. Costau tanwydd Mae gwahanol ffyrdd o adennill TAW ar danwydd, os nad ydych yn talu cyfradd sefydlog o dan y Cynllun Cyfradd Unffurf (yn agor tudalen Saesneg) . Gallwch adennill y TAW i gyd ar danwydd os yw’ch cerbyd yn cael ei ddefnyddio at ddibenion busnes yn unig. Os ydych yn defnyddio’r cerbyd at ddibenion personol yn ogystal â dibenion busnes, gallwch naill ai: adennill y TAW i gyd a thalu’r raddfa tanwydd gywir ar gyfer eich cerbyd (yn agor tudalen Saesneg) adennill y TAW ar danwydd yr ydych yn ei ddefnyddio ar gyfer tripiau busnes yn unig – bydd yn rhaid i chi gadw cofnodion milltiroedd manwl Mae’n bosibl y byddwch yn dewis peidio ag adennill unrhyw TAW , er enghraifft os yw’ch milltiroedd busnes mor isel fel y byddai’r tâl graddfa tanwydd yn uwch na’r TAW y gallwch ei hadennill. Os ydych yn dewis peidio ag adennill TAW ar danwydd ar gyfer un cerbyd, ni allwch adennill TAW ar unrhyw danwydd ar gyfer cerbydau a ddefnyddir gan eich busnes. Costau ychwanegol cerbyd Fel arfer gallwch adennill TAW ar y canlynol: yr holl gostau o ran defnyddio’r car, a’i gynnal a chadw, sy’n gysylltiedig â’r busnes – megis atgyweiriadau neu barcio oddi ar y stryd unrhyw ategolion rydych wedi’u gosod at ddibenion busnes Gallwch wneud hyn hyd yn oed os na allwch adennill TAW ar y cerbyd ei hun. Treuliau teithio Gallwch adennill TAW ar dreuliau teithio cyflogai ar gyfer teithiau busnes. Gall treuliau teithio gynnwys trafnidiaeth, prydau a llety yr ydych yn talu amdanynt. Dysgwch pwy sy’n cael ei ystyried yn gyflogai (yn agor tudalen Saesneg) . Gallwch adennill TAW ar fathau eraill o dreuliau (nid dim ond y rhai sy’n ymwneud â theithio) ar gyfer pobl hunangyflogedig sy’n cael eu trin fel cyflogeion. Ni allwch adennill TAW os ydych yn talu cyfradd unffurf i’ch cyflogeion ar gyfer treuliau. Asedion busnes o £50,000 neu fwy Mae rheolau arbennig ar gyfer adennill TAW yn y Cynllun Nwyddau Cyfalaf (yn agor tudalen Saesneg) , sy’n golygu bod yn rhaid i chi rannu’r TAW a gafodd ei hawlio yn y lle cyntaf dros nifer o flynyddoedd. Yr hyn na allwch ei adennill Ni allwch adennill TAW ar y canlynol: unrhyw beth sydd at ddibenion personol yn unig nwyddau a gwasanaethau mae’ch busnes yn eu defnyddio i wneud cyflenwadau sydd wedi’u heithrio rhag TAW cost gwesteia neu ddarparu lletygarwch i bobl yr ydych yn gwneud busnes â nhw (er enghraifft tocynnau theatr neu chwaraeon) nwyddau a werthir i chi o dan un o’r cynlluniau TAW gorswm ail law (yn agor tudalen Saesneg) asedion busnes sydd wedi’u trosglwyddo i chi fel ‘busnes byw’ (yn agor tudalen Saesneg)

Efallai y bydd Cyllid a Thollau EF ( CThEF ) yn gwirio’ch cofnodion i wneud yn siŵr eich bod yn talu’r swm cywir o dreth. Cofnodion y mae’n rhaid i chi eu cadw Mae’n rhaid i chi gadw cofnod o’r canlynol: popeth yr ydych yn ei brynu neu’n ei werthu (gan gynnwys eitemau sydd ar y gyfradd sero, y gyfradd is neu sydd wedi’u heithrio rhag TAW ) copïau o’r holl anfonebau rydych yn eu rhoi pob anfoneb a gewch (copïau gwreiddiol neu electronig) cytundebau hunan-filio (pan fo cwsmeriaid yn paratoi’r anfoneb) enw, cyfeiriad a rhif TAW unrhyw gyflenwyr hunan-filio nodiadau debyd neu gredyd unrhyw nwyddau rydych yn eu rhoi i ffwrdd neu’n eu cymryd o stoc ar gyfer eich defnydd preifat (yn agor tudalen Saesneg) Cadwch gofnodion busnes cyffredinol fel datganiadau banc, llyfrau arian parod, bonion sieciau, slipiau talu i mewn a rholiau til. Dysgwch pa gofnodion y mae’n rhaid i chi eu cadw pan ydych yn allforio nwyddau (yn agor tudalen Saesneg) . Cofnodion y mae’n rhaid i chi eu cadw’n ddigidol Mae’n rhaid i chi gadw rhai cofnodion TAW yn ddigidol (a elwir hefyd yn ‘cofnod electronig’) – oni bai eich bod wedi’ch eithrio rhag dilyn rheolau Troi Treth yn Ddigidol ar gyfer TAW . Cadwch gofnodion digidol o’r canlynol: y TAW ar nwyddau a gwasanaethau yr ydych yn eu cyflenwi (cyflenwadau a wnaed) y TAW ar nwyddau a gwasanaethau yr ydych yn eu cael (cyflenwadau a gafwyd) yr ‘amser cyflenwi’ a ‘gwerth y cyflenwad’ (gwerth heb gynnwys TAW ) am bopeth rydych wedi’i brynu a’i werthu unrhyw addasiadau a wnewch i Ffurflen TAW trafodion tâl gwrthdro – lle rydych yn cofnodi’r TAW ar bris gwerthu a phris prynu y nwyddau a’r gwasanaethau rydych yn eu prynu unrhyw gynlluniau cyfrifyddu TAW rydych yn eu defnyddio cyfanswm eich derbyniadau gros dyddiol os ydych yn defnyddio cynllun manwerthu (yn agor tudalen Saesneg) eitemau y gallwch adennill TAW arnynt os ydych yn defnyddio’r Cynllun Cyfradd Unffurf (yn agor tudalen Saesneg) cyfanswm eich gwerthiannau, a’r TAW ar y gwerthiannau hynny, os ydych yn masnachu aur ac yn defnyddio’r Cynllun Cyfrifyddu Aur Cadwch gopïau digidol o ddogfennau sy’n ymdrin â nifer o drafodion a wnaed ar ran eich busnes drwy’r canlynol: gwirfoddolwyr ar gyfer codi arian elusennol busnes trydydd parti cyflogeion ar gyfer treuliau mewn arian mân Sut i gadw cofnodion digidol Defnyddiwch becyn meddalwedd sy’n cydweddu (yn agor tudalen Saesneg) , neu feddalwedd arall (megis taenlenni) sy’n cysylltu â systemau Cyllid a Thollau EF ( CThEF ). Os ydych wedi cofrestru ar gyfer TAW yn ddiweddar, dylech aros i CThEF gadarnhau eich cofrestriad cyn i chi lawrlwytho meddalwedd sy’n cydweddu. Dylech gadw’ch cofnodion ar bapur wrth i chi aros. Cysylltu’ch cofnodion mewn ffordd ddigidol Os ydych yn defnyddio mwy nag un pecyn meddalwedd neu gynnyrch sy’n cadw cofnodion a chyflwyno Ffurflenni TAW , mae angen i chi eu cysylltu. Mae’n rhaid i hyn fod yn gysylltiad digidol. Ni allwch drosglwyddo’r data hyn rhwng un feddalwedd a’r llall â llaw, na chwaith eu copïo a’u gludo i wneud hynny. Gallwch gysylltu’ch meddalwedd mewn sawl ffordd, gan gynnwys: defnyddio fformiwlâu i gysylltu celloedd o fewn taenlenni e-bostio cofnodion rhoi cofnodion ar ddyfais gludadwy i’w rhoi i’ch asiant mewnforio ac allforio ffeiliau XML a CSV lawrlwytho ac uwchlwytho ffeiliau Pan ydych wedi’ch eithrio rhag cadw cofnodion digidol Mae’n rhaid i chi ddilyn y rheolau ar gyfer y cynllun Troi Treth yn Ddigidol ar gyfer TAW drwy gadw rhai cofnodion yn ddigidol oni bai bod y canlynol yn wir: mae’ch busnes yn defnyddio’r gwasanaeth GIANT TAW , er enghraifft os ydych yn un o adrannau’r Llywodraeth neu’n Ymddiriedolaeth y GIG rydych yn gymwys am eithriad (yn agor tudalen Saesneg) Pa mor hir y mae’n rhaid i chi gadw cofnodion Dechreuwch gadw cofnodion pan ydych yn cofrestru ar gyfer TAW . Mae’n rhaid i chi gadw cofnodion TAW am o leiaf 6 blynedd (neu 10 mlynedd os ydych yn defnyddio’r Gwasanaeth Un Cam ( GUC ) ar gyfer TAW (yn agor tudalen Saesneg) neu wedi defnyddio’r Gwasanaeth Mini Un Cam ( GMUC ) ar gyfer TAW (yn agor tudalen Saesneg) ). Anfonebau TAW Dim ond busnesau sydd wedi’u cofrestru ar gyfer TAW all anfon anfonebau TAW . Os ydych wedi cofrestru ar gyfer TAW , mae’n rhaid i chi wneud y canlynol: anfon anfonebau dilys cadw copïau o’r holl anfonebau gwerthu yr ydych yn eu hanfon hyd yn oed os byddwch yn eu canslo neu’n cynhyrchu un drwy gamgymeriad cadw pob anfoneb prynu ar gyfer eitemau rydych yn eu prynu Dysgwch am yr hyn i’w gynnwys ar anfoneb TAW dilys (yn agor tudalen Saesneg) . Ni allwch adennill TAW gan ddefnyddio anfoneb annilys, anfoneb pro-forma, datganiad na nodyn dosbarthu. Os yw cyflenwr yn anfon anfoneb anghywir atoch Os yw cyflenwr yn anfon anfoneb atoch a bod y swm sydd i’w dalu yn anghywir, mae angen i chi ofyn i’r cyflenwr ei gywiro ac anfon anfoneb newydd atoch. Os ydych yn talu llai na’r swm sy’n ddyledus ar anfoneb, dim ond ar y swm a dalwyd y gallwch adennill y TAW – nid yr hyn sydd ar yr anfoneb. Ni allwch hawlio mwy o TAW na ddangosir ar anfoneb TAW ddilys. Cyfrif TAW Mae’n rhaid i chi gadw cofnod o’r TAW rydych yn ei chodi ar werthiannau a’r TAW rydych yn ei thalu ar eich pryniannau. Gelwir hyn yn ‘cyfrif TAW ’. Rydych yn defnyddio’r ffigurau o’ch cyfrif TAW i lenwi’ch Ffurflen TAW . Nid oes unrhyw reolau o ran sut y dylai cyfrif TAW edrych, ond mae’n rhaid iddo ddangos y canlynol: cyfanswm eich gwerthiannau TAW cyfanswm eich pryniannau TAW y TAW sydd arnoch i Gyllid a Thollau EF ( CThEF ) y TAW y gallwch ei hadennill gan CThEF y ganran gyfradd unffurf a’r trosiant y mae’n berthnasol iddo (os yw’ch busnes yn defnyddio’r Cynllun Cyfradd Unffurf TAW (yn agor tudalen Saesneg) ) Os ydych yn fusnes yng Ngogledd Iwerddon sydd wedi’i gofrestru ar gyfer TAW , mae’n rhaid i chi hefyd ddangos y TAW ar unrhyw bryniannau neu werthiannau yn yr UE. Os ydych wedi gwneud camgymeriad ar eich Ffurflen TAW , mae’n rhaid bod y cyfrif TAW yn dangos pryd y gwnaethoch sylwi ar y camgymeriad, a phryd y gwnaethoch ei gywiro. Dychwelyd a chyfnewid Pan fyddwch yn dychwelyd nwyddau i gyflenwr, neu os bydd cwsmer yn dychwelyd nwyddau i chi, dylech setlo balans y taliad drwy anfon naill ai: anfoneb newydd i ddisodli’r hen un nodyn credyd neu ddebyd Nodwch y rhain yn eich cyfrifon a chadwch unrhyw nodiadau gwreiddiol. Os ydych yn cyfnewid y nwyddau am nwyddau sydd â’r un gwerth, nid oes angen i chi anfon anfoneb TAW newydd. Mae’n rhaid i’ch nodyn credyd neu’ch nodyn debyd gynnwys y canlynol: yr un wybodaeth â’r anfoneb TAW y rheswm pam y cafodd ei hanfon cyfanswm y credyd, heb gynnwys TAW rhif a dyddiad yr anfoneb TAW wreiddiol Drwgddyledion Os nad yw cwsmer yn talu’r hyn sydd arno am nwyddau neu wasanaethau, gallwch ddileu’r anfoneb fel ‘drwgddyled’. Mae’n bosibl y gallech hawlio rhyddhad rhag TAW ar ddrwgddyledion. Gwnewch hyn yn eich Ffurflen TAW . Os byddwch yn dileu anfoneb fel drwgddyled, mae’n rhaid i chi gadw ‘cyfrif drwgddyledion TAW ’ ar wahân. Mae’n rhaid i’r ddyled fod yn hŷn na 6 mis pan fyddwch yn gwneud eich hawliad. Mae’n rhaid i chi hawlio ad-daliad gan CThEF o fewn 4 blynedd a 6 mis o’r dyddiad pan oedd y taliad yn ddyledus, neu o ddyddiad y cyflenwad (pa un bynnag oedd hwyraf). Ar gyfer pob drwgddyled, mae’n rhaid i chi ddangos: cyfanswm y TAW dan sylw y swm sydd wedi’i ddileu ac unrhyw daliadau rydych wedi’u cael y TAW rydych yn ei hawlio ar y ddyled y cyfnod(au) TAW y gwnaethoch dalu’r TAW ac yn hawlio’r rhyddhad manylion yr anfoneb, megis y dyddiad ac enw’r cwsmer Mae’n rhaid i chi gadw’r wybodaeth hon am 4 blynedd ar ôl gwneud yr hawliad, neu 10 mlynedd os gwnaethoch ddefnyddio’r Gwasanaeth Mini Un Cam ar gyfer TAW . Amser cyflenwi neu bwynt treth Mae angen i chi wybod amser cyflenwi (neu ‘pwynt treth’) trafodyn. Dyma’r dyddiad y mae’r trafodyn yn digwydd at ddibenion treth. Mae’r pwynt treth yn rhoi gwybod i chi i ba gyfnod TAW y mae’r trafodyn yn perthyn iddo, ac ar ba Ffurflen TAW i’w rhoi. Gall y pwynt treth amrywio, ond, fel arfer, mae fel a ganlyn: Sefyllfa Pwynt treth Nid oes angen anfoneb Dyddiad y cyflenwad Anfoneb TAW wedi’i hanfon Dyddiad yr anfoneb Anfoneb TAW wedi’i hanfon 15 diwrnod neu fwy ar ôl dyddiad y cyflenwad Dyddiad y digwyddodd y cyflenwad Taliad neu anfoneb a anfonwyd cyn y cyflenwad Dyddiad talu neu ddyddiad yr anfoneb (pa un bynnag sydd gynharach) Dyddiad y cyflenwad yw: ar gyfer nwyddau – y dyddiad y maent yn cael eu hanfon, eu casglu neu eu darparu (er enghraifft, pan maent wedi’u gosod yn nhŷ’r cwsmer) ar gyfer gwasanaethau – y dyddiad y mae’r gwaith wedi’i orffen Eithriadau i’r rheol pwynt treth Os ydych yn defnyddio’r Cynllun Cyfrifyddu Arian Parod TAW , y pwynt treth yw’r dyddiad y daw’r taliad i law bob amser. Darllenwch yr arweiniad ynghylch sut i gyfrifo’r pwynt treth mewn amgylchiadau eraill (yn agor tudalen Saesneg) . Er enghraifft, mae rheolau gwahanol o ran pwyntiau treth ar gyfer: masnachau penodol – fel bargyfreithwyr, gwaith adeiladu lle nad yw’r cyflenwad yn ‘werthiant’ – er enghraifft, eitemau busnes a gymerwyd at ddibenion personol Weithiau, gall un gwerthiant arwain at 2 bwynt treth neu fwy – er enghraifft, lle mae’r cwsmer yn talu blaendal ymlaen llaw, ac yna yn gwneud taliad terfynol.

Codi, adennill a chofnodi TAW

Codi TAW

Dylai pob busnes sydd wedi’i gofrestru ar gyfer TAW fod wedi cofrestru ar gyfer y cynllun Troi Treth yn Ddigidol ar gyfer TAW erbyn hyn. Nid oes angen i chi gofrestru’ch hun mwyach.

Fel busnes sydd wedi’i gofrestru ar gyfer TAW, mae’n rhaid i chi godi TAW ar y nwyddau a gwasanaethau yr ydych yn eu gwerthu oni bai eu bod wedi’u heithrio.

Mae’n rhaid i chi gofrestru ar gyfer TAW er mwyn dechrau codi TAW.

Mae’r canllaw hwn hefyd ar gael yn Saesneg.

Sut i godi TAW

Pan fyddwch yn gwerthu nwyddau neu wasanaethau, bydd yn rhaid i chi wneud y canlynol:

cyfrifo’r pris sy’n cynnwys TAW gan ddefnyddio’r gyfradd TAW gywir
dangos yr wybodaeth TAW ar eich anfoneb – mae’n rhaid i anfonebau gynnwys eich rhif TAW a dangos y TAW ar wahân
dangos y trafodyn yn eich cyfrif TAW – crynodeb o’ch TAW
cofnodi’r swm ar eich Ffurflen TAW

Cyfraddau TAW

Mae 3 cyfradd TAW (cyfradd safonol, cyfradd is a chyfradd sero). Mae cyfraddau TAW yn gallu newid. Mae’n rhaid i chi ddefnyddio unrhyw newidiadau i’r cyfraddau yn syth – hynny yw, o’r dyddiad y maent yn newid.

Gwiriwch y cyfraddau TAW cyfredol (yn agor tudalen Saesneg).

Pryd i godi cyfradd TAW safonol

Fel arfer, byddwch yn codi cyfradd TAW safonol (20% ar hyn o bryd) ar y rhan fwyaf o nwyddau a gwasanaethau. Dylech fod yn defnyddio’r gyfradd safonol oni bai bod y nwyddau neu’r gwasanaethau wedi’u hystyried ar gyfradd is neu gyfradd sero.

Pryd i godi cyfradd TAW is

Byddwch yn codi cyfradd TAW is (5% ar hyn o bryd) yn hytrach na’r gyfradd safonol ar nwyddau neu wasanaethau penodol, neu pan fydd amgylchiadau’r gwerthiant yn bodloni rheolau penodol. Er enghraifft, gellir defnyddio’r gyfradd is ar y canlynol:

seddi car i blant
tanwydd neu bŵer domestig
cymhorthion symud os maent ar gyfer rhywun sydd dros 60 oed, ac maent wedi’u gosod yn ei gartref

Mae rhestr o nwyddau a gwasanaethau ar gyfradd is (yn agor tudalen Saesneg) ar gael yma.

Pryd i godi cyfradd TAW sero

Byddwch yn codi cyfradd TAW sero ar nwyddau a gwasanaethau os ydych yn eu hallforio – a hynny’n dibynnu ar ble yn y DU y mae’r nwyddau’n cael eu cyflenwi, ac i ble y maent yn mynd.

Mae cyfradd sero yn golygu bod yn rhaid i chi godi TAW, a rhoi cyfrif amdani o hyd (er enghraifft, mae’n rhaid i chi ei chynnwys ar eich anfonebau), ond gan ddefnyddio cyfradd o 0%.

Codwch y gyfradd sero ar nwyddau y gwnaethoch eu hallforio o dan yr amgylchiadau canlynol:

nwyddau o Brydain Fawr (Cymru, Lloegr a’r Alban) i rywle y tu allan i’r DU
nwyddau o Ogledd Iwerddon i rywle y tu allan i’r DU a’r UE
nwyddau yr ydych yn eu cyflenwi o Ogledd Iwerddon i fusnes yn yr UE sydd wedi’i gofrestru ar gyfer TAW – gallwch wirio os yw’r rhif TAW yn ddilys

Sut i gyfrifo prisiau sy’n cynnwys TAW a phrisiadau heb gynnwys TAW

Bydd angen i chi gyfrifo cyfanswm y pris gan gynnwys TAW (y ‘pris sy’n cynnwys TAW’) pan fyddwch yn gwerthu nwyddau a gwasanaethau.

Mae’n bosibl y bydd angen i chi hefyd gyfrifo faint o TAW rydych wedi’i thalu ar nwyddau a brynwyd gennych – er enghraifft, os ydych yn adhawlio TAW. Gallwch wneud hyn drwy gyfrifo’r pris y byddai’r nwyddau wedi bod os nad oedd TAW wedi cael ei hychwanegu (y ‘pris heb gynnwys TAW’).

Prisiau sy’n cynnwys TAW

I gyfrifo pris sy’n cynnwys cyfradd TAW safonol (20% ar hyn o bryd), lluoswch y pris heb gynnwys TAW ag 1.2.

Enghraifft

Rydych yn gwerthu cadair am £60 ac mae angen ychwanegu 20% o TAW i gael y pris sy’n cynnwys TAW.

60 x 1.2 = 72

Y pris sy’n cynnwys TAW yw £72.

I gyfrifo pris sy’n cynnwys cyfradd TAW is (5% ar hyn o bryd), lluoswch y pris heb gynnwys TAW ag 1.05.

Enghraifft

Rydych yn gwerthu sedd car i blant am £200 ac mae angen ychwanegu 5% o TAW i gael y pris sy’n cynnwys TAW.

200 x 1.05 = 210

Y pris sy’n cynnwys TAW yw £210.

Prisiau heb gynnwys TAW

I gyfrifo pris heb gynnwys cyfradd TAW safonol (20% ar hyn o bryd), rhannwch y pris sy’n cynnwys TAW ag 1.2.

Enghraifft

Gwnaethoch brynu bwrdd a chyfanswm y pris, yn cynnwys TAW o 20%, oedd £180.

180 ÷ 1.20 = 150

Y pris heb gynnwys TAW yw £150. Y swm y gallwch ei adhawlio yw’r gwahaniaeth rhwng y ddau rif, sef £30.

I gyfrifo pris heb gynnwys cyfradd TAW is (5% ar hyn o bryd), rhannwch y pris sy’n cynnwys TAW ag 1.05.

Enghraifft

Gwnaethoch brynu lifft risiau a chyfanswm y pris, yn cynnwys TAW o 5%, oedd £483.

483 ÷ 1.05 = 460

Y pris heb gynnwys TAW yw £460. Y swm y gallwch ei adhawlio yw’r gwahaniaeth rhwng y ddau rif, sef £23.

Argraffu'r canllaw cyfan

Codi, adennill a chofnodi TAW

Codi TAW

Sut i godi TAW

Cyfraddau TAW

Pryd i godi cyfradd TAW safonol

Pryd i godi cyfradd TAW is

Pryd i godi cyfradd TAW sero

Sut i gyfrifo prisiau sy’n cynnwys TAW a phrisiadau heb gynnwys TAW

Prisiau sy’n cynnwys TAW

Enghraifft

Enghraifft

Prisiau heb gynnwys TAW

Enghraifft

Enghraifft

Is this page useful?

Help us improve GOV.UK

Help us improve GOV.UK

Cookies on GOV.UK

Codi, adennill a chofnodi TAW

Codi TAW

Sut i godi TAW

Cyfraddau TAW

Pryd i godi cyfradd TAW safonol

Pryd i godi cyfradd TAW is

Pryd i godi cyfradd TAW sero

Sut i gyfrifo prisiau sy’n cynnwys TAW a phrisiadau heb gynnwys TAW

Prisiau sy’n cynnwys TAW

Enghraifft

Enghraifft

Prisiau heb gynnwys TAW

Enghraifft

Enghraifft

Is this page useful?

Help us improve GOV.UK

Help us improve GOV.UK