Cwyno am CThEF

Cysylltwch â Chyllid a Thollau EF (CThEF) cyn gynted â phosibl os oes gennych gŵyn am ei wasanaeth.

Mae’r canllaw hwn hefyd ar gael yn Saesneg.

Gallwch wneud cwyn os ydych yn anfodlon â’r gwasanaeth a gawsoch, er enghraifft oherwydd y canlynol:

Nid yw CThEF yn gallu ymchwilio i gwynion pan fo’r canlynol yn wir:

Dylech barhau i dalu treth tra bo’ch cwyn yn cael sylw. Os byddwch yn rhoi’r gorau i’ch taliadau neu’n oedi cyn eu gwneud, gallwn godi llog neu gosb arnoch.

Os nad oes angen i chi gwyno, mae ffyrdd eraill o gysylltu â CThEF.

Sut i gwyno

Cwyno ar-lein

Bydd angen i chi fewngofnodi er mwyn defnyddio’r gwasanaeth hwn. Os nad oes gennych fanylion mewngofnodi eisoes, gallwch greu rhai pan fyddwch yn mewngofnodi am y tro cyntaf.

Wrth i chi fewngofnodi, cewch wybod a oes angen i chi brofi pwy ydych. Mae hyn er mwyn cadw’ch manylion yn ddiogel ac, fel arfer, bydd angen i chi ddefnyddio ID ffotograffig fel pasbort neu drwydded yrru i wneud hynny.

Gallwch wneud y canlynol: 

Cwyno dros y ffôn neu drwy’r post

Gallwch hefyd gwyno dros y ffôn neu drwy’r post (yn agor tudalen Saesneg). Bydd angen y canlynol arnoch:

  • eich rhif Yswiriant Gwladol, eich Cyfeirnod Unigryw y Trethdalwr (UTR), neu’ch rhif TAW

  • eich enw llawn, cyfeiriad, rhif ffôn a’ch cyfeiriad e-bost

  • manylion beth ddigwyddodd a pha bryd

  • sut yr hoffech i ni ddelio â’ch cwyn

Os oes angen cymorth ychwanegol arnoch gyda’ch cwyn

Rhowch wybod i CThEF pan fyddwch yn cwyno a oes angen cymorth ychwanegol arnoch gyda’ch cwyn oherwydd cyflwr iechyd neu’ch amgylchiadau personol.

Os oes angen i rywun gwyno ar eich rhan

Gallwch ofyn i rywun arall wneud cwyn ar eich rhan. Bydd angen i chi roi’r awdurdod i’r person hwnnw gael delio â CThEF ar eich rhan cyn y gall gwyno ar eich rhan.

Beth fydd yn digwydd pan fyddwch yn cwyno wrth CThEF

Bydd CThEF yn adolygu’ch cwyn. Bydd yn ymchwilio i beth ddigwyddodd a beth ddylai fod wedi digwydd. Gelwir hyn yn adolygiad ‘haen gyntaf’.  

Fel arfer, bydd CThEF yn cysylltu â chi cyn pen 6 wythnos i gael eich cwyn. Bydd yn rhoi gwybod i chi beth yw canlyniad yr adolygiad haen gyntaf a beth yw’r cam nesaf.

Ni fydd CThEF yn eich trin yn wahanol i unrhyw un arall oherwydd eich bod wedi gwneud cwyn. Bydd CThEF yn delio â’ch cwyn mewn ffordd deg a chyfrinachol ac yn ymchwilio i’r materion yn drwyadl.

Bydd CThEF yn ystyried ad-dalu unrhyw gostau rhesymol a achosir yn uniongyrchol drwy ei gamgymeriadau neu oedi. Gall costau gynnwys y canlynol:

  • costau postio

  • costau ffonio

  • ffioedd proffesiynol

Cadwch afael ar dderbynebau os ydych am gael ad-daliad.

Os byddwch yn anghytuno â chanlyniad yr adolygiad haen gyntaf

Gallwch ofyn i’ch cwyn gael ei hadolygu am yr eildro. Gelwir hyn yn adolygiad ‘ail haen’. 

Gallwch wneud hyn naill ai ar-lein neu drwy’r post gan ddefnyddio’r cyfeiriad a roddodd CThEF i chi yn ystod yr adolygiad haen gyntaf.

Bydd person gwahanol yn adolygu’ch cwyn, yn edrych ar sut gwnaeth CThEF ddelio â’ch cwyn yn ystod yr adolygiad haen gyntaf, ac yn rhoi gwybod i chi beth yw’r canlyniad.

Mae’r penderfyniad o’r adolygiad ail haen yn derfynol. Ni fyddwch yn gallu gofyn i CThEF am adolygiad arall.

Os byddwch yn anghytuno â chanlyniad yr adolygiad ail haen

Gallwch ofyn i Swyddfa’r Dyfarnwr adolygu’ch cwyn. Bydd CThEF yn rhoi gwybod i chi sut i wneud hyn.

Mae’r gwasanaeth hwn ar gael yn rhad ac am ddim, ac mae’n annibynnol ar CThEF.

Dim ond os ydych wedi cael adolygiad haen gyntaf ac adolygiad ail haen gan CThEF y gallwch ofyn i Swyddfa’r Dyfarnwr edrych ar eich cwyn.

Os byddwch yn anghytuno â Swyddfa’r Dyfarnwr

Gallwch ofyn i’ch Aelod Seneddol (yn agor tudalen Saesneg) gyfeirio’ch cwyn at yr Ombwdsmon Seneddol a Gwasanaeth Iechyd (yn agor tudalen Saesneg).

Cynnwys cysylltiedig